ანალიტიკოსი ზაალ ანჯაფარიძე მიიჩნევს, რომ ტელეკომპანია "რუსთავი 2"-ის ირგვლივ მიმდინარე პროცესისთვის პოლიტიკური ელფერის შეძენას სხვადასხვა პოლიტიკური ძალები კონკრეტული მიზეზით ცდილობენ და ეს გასაგებიცაა.

"ვიზალიბერალიზაციას არ გვაძლევენ იმ პრობლემების გამო, რომელიც არსებობს ევროკავშირში. ამაზე არაერთხელ მითქვამს. კრიტერიუმებით საქართველო ნამდვილად იმსახურებს ნატოს წევრობასაც და ვიზალიბერალიზაციასაც, მაგრამ ეს არის პოლიტიკური პროცესი", - ამბობს "მთელ კვირასთან" საუბრისას "დემოკრატიული მოძრაობა ერთიანი საქართველოს" ლიდერი ნინო ბურჯანაძე.

საუდის არაბეთსა და სამხედრო-სამეცნიერო ტექნიკურ ცენტრ "დელტას" შორის 2016 წლის მარტში გაფორმებული კონტრაქტის თანახმად, ქართულმა კომპანიამ დამკვეთს 32 მლნ დოლარის ღირებულების მოდულები უნდა მიაწოდოს.

"აქტობეზე თავდასხმამ აჩვენა, რომ მსგავსი ინციდენტის საშიშროება საქართველოშიც არსებობს - შეტევა მოულოდნელი იყო, ამ დაჯგუფებას ორი დღის განმავლობაში მთელი ქალაქი ტერორში ჰყავდა", - ასე აფასებს სამხედრო ექსპერტი ვახტანგ მაისაია "რეზონანსთან" საუბრისას, ყაზახეთის ქალაქ აქტობეში განხორციელებულ შეიარაღებულ თავდასხმას.

ევროკავშირთან უვიზო მიმოსვლის შესახებ გადაწყვეტილების მიღება კვლავ იწელება, თუმცა გუშინ უკვე ნათლად გამოიკვეთა საქართველოსათვის ვიზების გაუქმების მოწინააღმდეგე ქვეყნების პოზიცია.

10 ივნისს წმინდა სინოდის სხდომაზე, რომელსაც სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე ხელმძღვანელობდა, გადაწყდა, რომ საქართველოს მართლმადიდებელი ეკლესია საბერძნეთში, კუნძულ კრეტაზე დაგეგმილ წმინდა კრებაში მონაწილეობას არ მიიღებს.

დამოუკიდებელ ექსპერტთა კლუბის თავჯდომარე სოსო ცისკარიშვილი ამბობს, რომ ბიძინა ივანიშვილის მხრიდან მუდმივად "ნაციონალურ მოძრაობაზე" აპელირება ამომრჩევლისთვის მომაბეზრებელია. თვლის, რომ ის ამ პარტიას ამდენ დროს არ უნდა უთმობდეს და თავის გამოსვლებში საზოგადოებას წარსულზე კი არა, მომავალზე უნდა ესაუბროს.

ტელეკომპანია "რუსთავი 2"-ის წილების საქმეზე სააპელაციო სასამართლომ პირველი ინსტანციის გადაწყვეტილება ძალაში დატოვა. მოსარჩელე მხარე უზენაესში გაასაჩივრებს, მანამდე კი ტელევიზიის მართვას ძველებურად გააგრძელებენ, რადგან ქიბარ ხალვაში არხში მენეჯმენტის შეცვლას და მმართველების შეყვანას მესამე ინსტანციის დასრულებამდე არ აპირებს.

მართლმადიდებელ ეკლესიებს შორის დიდი განხეთქილებაა. 16 ივნისისთვის კრეტაზე დაგეგმილი დიდი და წმინდა კრება, შესაძლოა, არ ჩაიშალოს, ან მასში მონაწილეობა მხოლოდ მიწვეული 14 ავტოკეფალიური ეკლესიებიდან ნახევარზე ცოტა მეტმა მიიღოს. ორივე შემთხვევა უკვე იმის მანიშნებელი იქნება, რომ მართლმადიდებლებში დიდი და ისტორიული განხეთქილება დაიწყო.

10 ივლისს სოხუმში ოპოზიციის მოთხოვნით, ვადამდელ ე.წ. საპრეზიდენტო არჩევნებთან დაკავშირებით რეფერდუმი ჩატარდება. განკარგულებას ხელი დე ფაქტო პრეზიდენტმა რაულ ხაჯიმბამ უკვე მოაწერა. აფხაზეთის უშიშროების ექსმინისტრის, ლევან კიკნაძის აზრით, ხალხის სურვილს გადაწონის იმ ჩინოვნიკების და გავლენიანი წრეების სურვილი, რომლებსაც სურთ, რომ ხაჯიმბა ისევ იყოს ამ თანამდებობაზე.

ვიზალიბერალიზაციის პროცესში დღევანდელი დღე საკმაოდ მნიშვნელოვანია - საქართველოსათვის სავიზო რეჟიმის გაუქმებაზე ლუქსემბურგში ევროკავშირის წევრი ქვეყნების შინაგან საქმეთა მინისტრები იმსჯელებენ.

პოლიტოლოგი და ფსიქოლოგი რამაზ საყვარელიძე მიიჩნევს, რომ არჩევნებამდე 4 თვით ადრე შექმნილი ახალი პოლიტიკური პარტიები ხმას ძირითადად ხელისუფლებისა და "ნაციონალური მოძრაობის" მიმართ კრიტიკულად განწყობილი ამომრჩევლისგან მიიღებს, თუმცა რამდენად საკმარისი იქნება მათი რაოდენობა ცალკეული პარტიების შემთხვევაში, ამის პროგნოზირება უჭირს. ამბობს, რომ სოციოლოგიური კვლევების გარეშე ბარიერის გადალახვაზე საუბარი რთულია, ხოლო ზოგადი სურათის შეფასებისას, შეიძლება ითქვას, რომ ყველა პარტიას სხვადასხვა შანსი აქვს.