ქალაქ გორის საკრებულოს თავმჯდომარე ილია მეტრეველმა გუშინ დილით საკრებულოს აპარატის 5 თანამშრომელი სამსახურიდან გაათავისუფლა. ამით უკმაყოფილო საკრებულოს 7-მა დეპუტატმა ორიოდე საათში მეტრეველის იმპიჩმენტის მოთხოვნით კანცელარიაში განცხადება შეიტანა და 20 ივნისს რიგგარეშე სხდომის ჩანიშვნა მოითხოვა, სადაც საკრებულოს თავმჯდომარის გადაყენების საკითხზე უნდა ემსჯელათ.

პოლიტოლოგი და ფსიქოლოგი რამაზ საყვარელიძე პრემიერ კვირიკაშვილისა და გერმანიის კანცლერის ანგელა მერკელის შეხვედრას პოზიტიურად აფასებს და ამბობს, რომ ეს ვიზიტი დროული და მიზანშეწონილი იყო. მისი თქმით, შესაძლოა, შეხვედრაზე გაჟღერებულმა გზავნილებმა ვიზალიბერალიზაციის პროცესზე გავლენა სულაც არ იქონიოს, თუმცა საქართველოს ევროპული კურსისკენ სვლას კიდევ ერთხელ დაადასტურებს.

კუნძულ კრეტაზე მართლმადიდებელი ეკლესიების დიდი და წმინდა კრება უკვე გაიხსნა და კრების გახსნის პირველსავე დღეს კრების ინტერნეტ-საიტზე გამოქვეყნდა ოკუპირებული აფხაზეთის სასულიერო პირების ერთი დაჯგუფების, ე.წ. აფხაზეთის წმინდა მიტროპოლიის მიმართვა კრებისადმი, სადაც აფხაზები საქართველოს ეკლესიის საზღვრების გადახედვასა და აფხაზეთისათვის სტატუსის მინიჭებაზე საკითხის განხილვას ითხოვენ.

საქართველოს პრეზიდენტი გიორგი მარგველაშვილი "ნაციონალური მოძრაობის" ერთ-ერთ ლიდერ გიგა ბოკერიას დახურულ კარს მიღმა შეხვდა. პრეზიდენტის საზოგადოებასთან ურთიერთობის სამსახურის უფროსის ეკა მიშველაძის ინფორმაციით, შეხვედრა დახურული იყო და მას სხვა არავინ ესწრებოდა.

"ზოგადად ბევრ რამეზე ვმსჯელობთ" - ასე პასუხობს საპარლამენტო უმრავლესობის წევრი, თავდაცვის კომიტეტის თავმჯდომარე ირაკლი სესიაშვილი კითხვას იმის შესახებ, დაიკავებს თუ არა თავდაცვის მინისტრის პოსტს ხიდაშელის წასვლის შემდგომ. აქვე დასძენს, რომ ამაზე ახლა საუბარი, როცა ქვეყანას თავდაცვის მინისტრი ჯერ კიდევ ჰყავს, არაეთიკურია.

"როიტერის" ინფორმაციით, უკრაინამ ევროკავშირს თხოვნით მიმართა, რომ საქართველომ ვიზალიბერალიზაცია უკრაინაზე ადრე არ მიიღოს. მათი თქმით, იმ შემთხვევაში, თუ საქართველო უვიზო მიმოსვლას უკრაინაზე ადრე მიიღებს, ეს ქვეყანაში პრეზიდენტის პეტრო პოროშენკოს პოზიციების დასუსტებას გამოიწვევს.

საქართველოს საზღვაო საზღვარი 300 კმ-ზე ოდნავ მეტია. მისი დაახლოებით 1/3 აფხაზეთის ავტონომიურ რესპუბლიკაზე მოდის და შესაბამისად, ობიექტურ მიზეზთა გამო თბილისის მიერ ვერ კონტროლდება. თუმცა რამდენად ეფექტურადაა დაცული სხვადასხვა საფრთხეებისაგან და როგორ კონტროლდება დანარჩენი მონაკვეთი, ეს სხვა საკითხია.

"ეს ქართული მართლმსაჯულების მარცხია - დამნაშავე მერაბიშვილს ვერ დაუმტკიცეს წესიერად დანაშაული", - ამბობს "რეზონანსთან" საუბრისას, "თავისუფალი დემოკრატების" ლიდერი ირაკლი ალასანია.

ნატოს გადაწყვეტილებას აღმოსავლეთ ევროპის უსაფრთხოების უპრეცედენტო გაძლიერების თაობაზე პოლიტოლოგები აფასებენ როგორც მოსალოდნელს, მნიშვნელოვანსა და დროულს. ამბობენ, რომ ეს მისი მხრიდან იძულებით გადადგმული ნაბიჯია, რადგან რუსეთმა ალიანსს, თავისი აგრესიული ქმედებით, სხვა გზა, უბრალოდ, აღარ დაუტოვა.

თავდაცვის ყიფილმა მინისტრმა ირაკლი ოქრუაშვილმა მიხეილ სააკაშვილისა და ვანო მერაბიშვილის წინააღმდეგ სასამართლოში ვალერი გელაშვილის ცემის ფაქტზე ჩვენება მისცა. ოქრუაშვილის თქმით, სააკაშვილს გელაშვილის მიმართ გარკვეული წყენა ჰქონდა, რომელიც უკავშირდებოდა ექსპრეზიდენტის ოჯახის წევრებზე ბიზნესმენის მიერ გაკეთებულ განცხადებებს.

"საკმარისია საქართველოს ხელისუფლებამ უფრო მეტი ილაპარაკოს ნატოსთან ინტეგრაციაზე, ვიდრე ეს მოსკოვში მოსწონთ, რომ მაშინვე იწყება რუსეთიდან საპასუხო ნაბიჯები",- ამის შესახებ ექსპერტი კავკასიის საკითხებში მამუკა არეშიძე "რეზონანსთან" საუბრობს და ამბობს, რომ სოფელ ავლევში ე.წ სასაზღვრე აბრის დამონტაჟების ფაქტიც, რუსეთის მხრიდან საპასუხო რეაქცია იყო.

საზოგადოებრივი კომუნიკაციების მართვის სპეციალისტი და ანალიტიკოსი არჩილ გამზარდია ფიქრობს, რომ მმართველი ძალის მხრიდან "ნაციონალური მოძრაობის" მემკვიდრეობასა და შეცდომებზე საუბარი საარჩევნო ტექნოლოგიური თვალსაზრისით არ შეიძლება არასწორად შერჩეულ რიტორიკად მივიჩნიოთ. მითუმეტეს მაშინ, როდესაც ყოფილი მმართველი ძალა ახლა ოპოზიციაშია და შესაბამისად, მისი ხელისუფლებაში დაბრუნების ალბათობა კვლავ არსებობს.