საქართველოსათვის ვიზალიბერალიზაციის მინიჭების საკითხი, შესაძლოა, 18 ივლისს გადაწყდეს. როგორც პარლამენტში აცხადებენ, ეს შესაძლებელია და თუ ასე არ მოხდა, პროცესი ჩვენთვის სასარგებლოდ მაქსიმუმ სექტემბრის ბოლოსთვის დასრულდება.

1-ლ ივლისს სოჭში საქართველოს საგარეო საქმეთა სამინისტროს ოფიციალური დელეგაცია ჩადის და როგორც რუსული მედია წერს, 2008 წლის ომისა და დიპლომატიური ურთიერთობების გაწყვეტის შემდეგ საქართველოს ხელისუფლების ოფიციალური ვიზიტი რუსეთში პირველად შედგება.

პოლიტოლოგი სოსო ცინცაძე მიიჩნევს, რომ ბრიტანეთის ევროკავშირიდან გასვლამ ევროპაში ძალიან ბევრი კითხვის ნიშანი და პრობლემა გააჩინა. როგორც ცინცაძემ "მთელ კვირასთან" საუბრისას აღნიშნა, ამ მოვლენას ყველა აფასებს, როგორც ქაოსსა და პანიკას.

საქართველოს მიერ 2013 წელს ირანისათვის სავიზო რეჟიმის დაწესებამ თეირანის გაღიზიანება გამოიწვია, თუმცა ამ ეტაპზე უვიზო მიმოსვლა აღდგა.

"სახალხო დამცველი კანონით მინიჭებული უფლებამოსილებით აკვირდება ყველა სახელმწიფო სტრუქტურას, მათ შორის სასამართლოს. თუ სასამართლოს მხრიდან მოხდება უფლებების დარღვევა და ამაზე ვიტყვით, ეს არავისთვის ახალი არ უნდა იყოს. ასეთი ფაქტები გვახსოვს ბევრი, როცა სასამართლო იყო უფლებების დამრღვევი. ასე რომ, ვინმეს თუ კანონის ცოდნასთან დაკავშირებით პრობლემა აქვს, ვურჩევ, კარგად ჩაიხედონ, მე მივანიშნებ ზუსტ ადგილს", - ამბობს "მთელ კვირასთან" საუბრისას სახალხო დამცველი უჩა ნანუაშვილი.

ბიზნესმენ ეროსი კიწმარიშვილის გარდაცვალების საქმესთან დაკავშირებით გამოქვეყნებულ შემაჯამებელ დასკვნას მისი ოჯახის წევრები არ იზიარებენ და ამბობენ, რომ პროკურატურამ საქმეში არსებული ბევრი მნიშვნელოვანი გარემოება არ გაითვალისწინა.

თბილისში დაგეგმილ ეუთოს საპარლამენტო ასამბლეაზე 5 ივლისს ასამბლეის ახალ პრეზიდენტს აირჩევენ. ამ თანამდებობაზე 3 კანდიდატურა განიხილება: დამოუკიდებელი კანდიდატი ალან ნერი (საფრანგეთი), ევროპის სოციალ-დემოკრატიული პარტიის მიერ წარდგენილი კრისტინ მუტონენი (ავსტრია) და ევროპის სახალხო პარტიის მიერ წარდგენილი გიგი წერეთელი (საქართველო).

ევროკავშირი ბრიტანეთის გარეშე - რეფერენდუმის ამ შედეგმა ნეგატიური გავლენა და გამოწვევა შესაძლოა, საქართველოშიც ჰპოვოს. ერთი მხრივ, პრორუსულ პოლიტიკურ ძალებს დასავლეთის დისკრედიტაციისთვის ახალი არგუმენტი შეემატათ იმის სათქმელად, რომ მაშინ, როდესაც ევროკავშირს თვით უძველესი და უდიდესი ინგლისიც უარს ეუბნება, საქართველოც უნდა დაფიქრდეს, მეორე მხრივ კი, პროდასავლურად განწყობილმა პოლიტიკურმა ძალებმა უნდა შეძლონ ამომრჩევლის სწორად ინფორმირება იმაზე, რომ საქართველოსა და ბრიტანეთის შედარება უადგილოა, რადგან ჩვენს ქვეყანას ევროკავშირის გარეშე მხოლოდ რუსულ ორბიტაზე დაბრუნებისა და ამით თავისუფლების დაკარგვის პერსპექტივა აქვს.პოლიტოლოგების თქმით, ეს რეფერენდუმი რომ პრორუსულად განწყობილი პარტიებისათვის ახალი დამატებითი მესიჯი და არგუმენტი იქნება მათი ანტიდასავლურობის პოზიციის გასამტკიცებლად, ამას დიდი პროგნოზი არ სჭირდება, ეს ისედაც ნათელია. ამიტომაც ახლა მთავარია სწორი, არგუმენტირებული პასუხები სჭირდება უპირველესად ხელისუფლების და მედიის მხრიდან.

დიდი ბრიტანეთი ევროკავშირს ტოვებს. ქვეყანაში ჩატარებული რეფერენდუმის შედეგებით, გადაწყვეტილებას მხარი მოსახელობის 52%-მა დაუჭირა. როგორ განვითარდება პროცესები და რა გავლენას იქონიებს ეს საქართველოზე - ამასთან დაკავშირებით პოლიტოლოგ-ექსპერტებს ერთგვაროვანი მოსაზრებები აქვთ. მათი თქმით, საქრათველოს ვიზალიბერალიზაციის პროცესზე აღნიშნული საკითხი გავლენას არ იქონიებს, თუმცა პროცესების გაჭიანურება მაინც მოსალოდნელია.

"თავისუფალი დემოკრატები" პრეზიდენტს "კაბელების საქმეზე" დაკავებულების შეწყალებას სთხოვენ და ამისათვის ხელმოწერების შეგროვებასაც იწყებენ. ამბობენ, რომ მარგველაშვილთან ამ თემაზე ჯერ არ უსაუბრიათ, თუმცა იმედოვნებენ, რომ მათი თხოვნა უყურადღებოდ არ დარჩება.

დამოუკიდებელ ექსპერტთა კლუბის თავმჯდომარის, სოსო ცისკარიშვილის თქმით, ევროკავშირიდან დიდი ბრიტანეთის გასვლა არავის არ გაკვირვებია.

რუსეთთან ურთიერთობის საკითხებში პრემიერ-მინისტრის სპეციალური წარმომადგენელი ზურაბ აბაშიძისა და რუსეთის საგარეო საქმეთა მინისტრის მოადგილის, გრიგორ კარასინის მორიგი შეხვედრა 27 ივნისს გაიმართება. ზურაბ აბაშიძის თქმით, ჰუმანიტარულ საკითხებთან ერთად, მთელი სიმწვავით დააყენებს ხურჩაში განვითარებულ ტრაგედიის საკითხს და გიგა ოთხოზორიას მკვლელობაში ბრალდებულის დაპატიმრებას კატეგორიულად მოითხოვს.