"რა თქმა უნდა, ღონისძიებაზე ბევრი მნიშვნელოვანი გზავნილი გაჟღერდა, რასაც ჩვენც ვიზიარებთ, თუმცა არსებობს გარკვეული საკითხები, რომელზეც ჩვენ, როგორც მხარეს, საკუთარი პოზიცია გაგვაჩნია. ამაზე საუბარს უფრო სხვა ფორმატში ვისურვებდი," - განაცხადა "რეზონანსთან" საუბრისას რუსული დელეგაციის წარმომადგენელმა ლეონიდ სლუცკიმ იმ გზავნილების შეფასებისას, რომლებიც გუშინ ეუთოს საპარლამენტო ასამბლეის სესიაზე ქართველი და ევროპელი პოლიტიკოსების მხრიდან გახმოვანდა.

სტამბულის აეროპორტში მომხდარი ტერაქტის შემდეგ საქართველოს 200-ზე მეტი მოქალაქე სამშობლოში დაბრუნებას ვერ ახერხებს, თუმცა საგარეო საქმეთა სამინისტროს მიერ მოწოდებული ინფორმაციით, შესაძლოა, მგზავრები გამთენიისას საქართველოში დაბრუნდნენ. როგორც ფეისბუქის ერთ-ერთი მომხმარებელი ედიშერ ჯაფარიძე საკუთარ გვერდზე წერს, საქართველოს მოქალაქეები აეროპორტში გაუსაძლის პირობებში იმყოფებიან.

ერთიანი ეროვნული გამოცდები დაიწყო. დღეს პირველი გამოცდა ქართულ ენასა და ლიტერატურაში ჩატარდა. როგორც ერთიანი ეროვნული გამოცდების ხელმძღვანელი მაია მიმინოშვილი "რეზონანსთან" ინტერვიუში აცხადებს, გამოცდებში მონაწილეობას 38 000-მდე აბიტურიენტი იღებს, უმაღლეს სასწავლებლებს კი მისაღებად 45 000 მეტი ადგილი აქვთ გამოცხადებული. ასევე ნახევრად ელექტრონულ გამოცდებს დრო ემატება. მაგალითად ქართულ ენასა და ლიტერატურაში საგამოცდო დრო წელს 4 საათი და 15 წუთი იქნება.

საზოგადოებრივი კომუნიკაციების მართვის სპეციალისტი არჩილ გამზარდია "რუსთავი 2"-ისა და "ქართული ოცნების" დაკვეთით ჩატარებულ კვლევებს რეალობისაგან შორს მდგომს უწოდებს და დასძენს, რომ ამ ორიდან შედარებით ადეკვატური "ოცნების" კვლევა იყო. რაც შეეხება "რუსთავი 2"-ს შედეგებს, გამზარდია მას "კურიოზულს" უწოდებს.

არჩევნებამდე 3 თვით ადრე არჩევნებში მონაწილე პოლიტიკური პარტიების რეალურ რეიტინგები უცნობია და მათზე რადიკალურად განსხვავებული მონაცემები ქვეყნდება. ბოლო ერთ კვირაში ორი მნიშვნელოვნად განსხვავებული სოციოლოგიური გამოკითხვის შედეგი დაიდო. თუმცა ორივე კვლევაში პარტია "ქართული ოცნება" ლიდერობს. სახელისუფლებლო პარტიის ლიდერობას, სოციოლოგი რამაზ საყვარელიძე ლოგიკურს უწოდებს და აღნიშნავს, რომ მეორე ადგილზე მყოფმა "ნაციონალურმა მოძრაობამ", შესაძლოა, მთავარი ოპოზიციური ძალის სტატუსიც კი დაკარგოს.

თურქული მედიის ცნობით, სტამბულის ათათურქის აეროპორტის ტერაქტში ჩეჩნური კვალი იკვეთება, გამოცემების ნაწილი კი ასევე წერს, რომ ორგანიზატორად ეჭვმიტანილია "დაეშის", იგივე "ისლამური სახელმწიფოს" ერთ-ერთი მეთაური, ეროვნებით ჩეჩენი ახმედ ჩატაევი, რომელიც ადრე ჩრდილოეთ კავკასიაში მოქმედი დაჯგუფება "კავკასიური იმარატის" საველე მეთაური იყო.

დარიალის ხეობაში, ლარსის საბაჟო გამშვებ პუნქტზე მიმავალი გზა, სავარაუდოდ, 2 კვირაში გაიხსნება. როგორც რეგიონული განვითარებისა და ინფრასტრუქტურის სამინისტროდან იტყობინებიან, ხეობაში ჩატარებული სამუშაოების შედეგად, მდინარე თერგი კაპალოტს დაუბრუნდა და გზის აღდგენითი სამუშაოები დაიწყო.

"საქართველოს ოკუპირებული ტერიტორიების შესახებ" კანონი ყველა დღეს და ყველა წუთს მოქმედებს. თუმცა ამასობაში ჩვენი საერთაშორისო ვალდებულებაა, ეუთო-ს საპარლამენტო ღონისძიებებში მონაწილეობის პროცესში ხელი არავის შეეშალოს. საერთაშორისო ვალდებულებები არის უფრო მნიშვნელოვანი, ვიდრე ჩვენი შიდა კანონმდებლობა," - ასე უპასუხა პარლამენტის თავმჯდომარემ დავით უსუფაშვილმა შეკითხვას, რომელიც საქართველოში რუსეთის დელეგაციის ჩამოსვლას და მათ მიერ "საქართველოს ოკუპირებული ტერიტორიების შესახებ" კანონის დარღვევას ეხება.

პოლიტოლოგი ვახტანგ ძაბირაძე ამბობს, რომ როგორც ამერიკულ-გერმანული ორგანიზაციის პალ-ს კვლევა, ასევე "ქართული ოცნების" მიერ ჩატარებული შიდა გამოკითხვა, ორივე ერთი და იგივე ფუნქციის მატარებელია. მისი თქმით, პარტიები წინასაარჩევნოდ ცდილობენ, რომ ასეთი სახის გამოკითხვებით საზოგადოებაზე ზეგავლენა მოახდინონ.

ოკუპირებულ აფხაზეთში მოქმედი სასულიერო პირთა ნაწილი, ე.წ. წმიდა მიტროპოლია, იმედგაცრუებულია საერთო მართლმადიდებელი დიდი კრების შედეგებით, რომელმაც გადაწყვიტა, რომ ავტოკეფალიას თუ ავტონომიას ადგილობრივ ეკლესიას მხოლოდ დედაეკლესია ანიჭებს, რაც იმას ნიშნავს, რომ ისინი სტატუსს ვერ მიიღებენ, საქართველო ამაზე არასდროს წავა.

"საქართველოში ტერაქტების რისკები ნაკლებია, მაგრამ მაინც ყურადღებით უნდა ვიყოთ", - ამბობს "რეზონანსთან" საუბრისას პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი. მისი თქმით, ხელისუფლება ქვეყნის უსაფრთხოების უზრუნველსაყოფად ყველაფერს აკეთებს.

ანალიტიკოსი გია ხუხაშვილი ამბობს, რომ მოახლოებულ საპარლამენტო არჩევნებზე "ქართული ოცნება" "ნაციონალური მოძრაობის" გარდა სხვა ვერც ერთ ოპოზიციურ პარტიას მეტოქედ ვერ აღიქვამს, რაც მათთვის დამღუპველი იქნება. მისი თქმით, ამ ორ პარტიას ერთმანეთი სჭირდება, თუმცა ვერ ხვდებიან, რომ ხალხს ისინი აღარ უნდა.