პარტია "ქართული ოცნება" რეგიონებში მაჟორიტარების წარდგენას უახლოეს მომავალში გეგმავს. "მთელი კვირის" ინფორმაციით, "საქართველოს გზის" ლიდერი სალომე ზურაბიშვილი ფოთში "ქართული ოცნების" კანდიდატი იქნება. თუმცა, პარტიის აღმასრულებელი მდივანი ამ ეტაპზე ამ ინფორმაციას არც უარყოფს და არც ადასტურებს. "არცერთ სახელსა და გვარს არ ვაკონკრეტებთ. ეს არის ჩვენი მყარი პოზიცია", - გვითხრა ირაკლი კობახიძემ.

ცხინვალის რეგიონიდან მოსახლეობის დიდი ნაწილი გარბის და როგორც ქალაქის, ასევე სოფლების უმეტესობა დაცარიელებულია. ასეთი შინაარსის სტატიას რუსული გამოცემა "ნოვაია გაზეტა" აქვეყნებს, სადაც ჟურნალისტი ყვება, რომ ადგილობრივი მოსახლეობა ე.წ. სამხრეთ ოსეთის ტერიტორიას მასობრივად ტოვებს, ხოლო უპატრონო ტერიტორია ან ტყით იფარება, ან კიდევ 2008 წლის ომის შემდეგ იქ ჩასახლებული ჩრდილოკავკასიელები იკავებენ. ეს კი ადგილობრივებსა და ახალმოსახლეებს შორის დაძაბულ ფონს ქმნის.

ბრიუსელში დღეს ევროკავშირის საგარეო საქმეთა მინისტრების საბჭო საქართველოსთვის უვიზო რეჟიმის დაწესებაზე იმსჯელებს. იმ შემთხვევაში, თუ შეხვედრაზე საქართველოსთვის ვიზალიბერალიზაციის საკითხზე დადებითი გადაწყვეტილება არ იქნა მიღებული, სავიზო რეჟიმის ლიბერალიზაციის პროცესის დასრულება, მინიმუმ, სექტემბრამდე გადაიდება.

პოლიტილოგი და ანალიტიკოსი გია ხუხაშვილი ფიქრობს, რომ ყოფილი პრემიერ-მინისტრის ბიძინა ივანიშვილის აქტიურობა მისასალმებელია იმ გაგებით, რომ ასეთ შემთხვევაში მმართველი ძალის პოლიტიკა საზოგადოებისთვის უფრო თვალსაჩინო, ლოგიკური და მარტივი ხდება.

თვალსა და ხელს შუა გაირბინა ბოლო საპარლამენტო არჩევნებიდან 4-მა წელმა და მხოლოდ მწარე მოგონებებად დარჩა სააკაშვილის რეჟიმის მიერ ოპოზიციის საარჩევნო კამპანიის ჩახშობა, ოპოზიციონერთა დაკავებები და სატელიტური თეფშების დაპატიმრება. დღეს კი "ნაციონალური მოძრაობა" მოგონილ თუ ხელისუფლების მიერ მართლაც დაშვებულ შეცდომებზე პედალირებით, ვერავინ რომ ვერ წარმოიდგენდა, ხელისუფლებაში დაბრუნებისაკენ ისწრაფვის.

"იმდენად ძლიერია კონკურენცია, რომ ახალი კვლევებით, შეიძლება "ნაციონალური მოძრაობა" მეორე ადგილზე ვერ გავიდეს. ახლა ბურჭულაძის და ირმა ინაშვილის პარტიები იკრებენ ძალებს", - ამბობს "მთელ კვირასთან" საუბრისას საკვლევ-საკონსულტაციო ცენტრის "ფსიქო პროექტის" დამფუძნებელი ზურაბ ბიგვავა, რომელსაც საზოგადოების განწყობაზე და პარტიების რეიტინგებზე ვესაუბრეთ.

საპარლამენტო უმრავლესობის წევრი, ფრაქცია "ქართული ოცნების" თავმჯდომარე გიორგი ვოლსკი პრეზიდენტის ადმინისტრაციის განცხადებებს ეხმაურება და ამბობს, რომ მათი მოსაზრებები "ნაციონალური მოძრაობის" პოზიციებს საეჭვოდ ემთხვევა.

"ადვოკატთა და იურისტთა საერთაშორისო ობსერვატორიის" წარმომადგენელი, ადვოკატი გრიგოლ გაგნიძე აყენებს ინიციატივას, რომ ისეთ შემთხვევებში, როცა სტრასბურგის სასამართლო ამა თუ იმ საქმეზე საქართველოს ჯარიმის სახით გარკვეული თანხის გადახდას დააკისრებს, ეს თანხა იმ მოსამართლეებმა გადაიხადონ, რომელთაც საქართველოში აღნიშნულ საქმეზე განაჩენი გამოიტანეს.

"მერკელმა მიიღო კვირიკაშვილი, ესაუბრა, მაგრამ პოლიტიკაში ყველაფერი კონკრეტული შედეგით განისაზღვრება. უნდა გვითხრან, თუ რა რეალობა იყო წასვლის წინ და რა ჩამოიტანა," - ამბობს პოლიტოლოგი სოსო ცისკარიშვილი პრემიერ-მინისტრის გერმანიაში ვიზიტის შეფასებისას და მიიჩნევს, რომ კვირიკაშვილს ბერლინიდან არაფერი ჩამოუტანია.

ნატო-ს ვარშავის სამიტზე, რომელიც 8-9 ივლისს გაიმართება, საქართველოსთვის მაპ-ის (ნატო-ში გაწევრიანების სამოქმედო გეგმა) მინიჭების საკითხი საერთოდ არ განიხილება. თუმცა, ამ საკითხზე ალიანსის წევრი ქვეყნები დეკემბერში გეგმავენ საუბარს. ამის შესახებ დასავლური მედია წერს.

არასაპარლამენტო ოპოზიციის ინტერპარტიული ჯგუფი უფასო სარეკლამო დროის გადანაწილებასთან დაკავშირებით საარჩევნო კოდექსში ცლილებების შეტანას ითხოვს, რაც სხვადასხვა პოლიტიკური პარტიისთვის თანაბარი საეთერო დროის გამოყოფას გულისხმობს. მათი განცხადებით, აღნიშნული ცვლილება დემოკრატიული საარჩევნო გარემოს შექმნის მთავარი წინაპირობაა.

საპარლამენტო არჩევნებზე "ქართული ოცნება", შესაძლოა, "კონსერვატორებს" კანდიდატების გაყვანაში დაეხმაროს. კერძოდ, რამდენიმე უბანზე, სადაც "კონსერვატორი" მაჟორიტარობის კანდიდატები იყრიან კენჭს, "ქართული ოცნება" დეპუტატობის საკუთარ კანდიდატურას ან არ დაუპირისპირებს, ან ისეთ კანდიდატურას შეარჩევს, რომლის წარდგენას მხოლოდ სიმბოლური დატვირთვა ექნება.