"გარწმუნებთ, ძალიან დიდი ალბათობით, 2008 წლის კონფლიქტის სამივე მხარის წარმომადგენლები მიეცემიან პასუხისგებაში. ასეთი სერიოზული გამოძიება ამდენი წლის მერე საფუძვლის გარეშე არ დაიწყებოდა. ახლა ყველაფერი დამოკიდებული იქნება მტკიცებულებების მოპოვებაზე, რომელიც ხელთ ექნებათ და რომლის საფუძველზეც წაუყენებენ კონკრეტულ პირებს ბრალს", - ამბობს "მთელ კვირასთან" საუბრისას ა/ო "ადამიანის უფლებათა პრიორიტეტის" ხელმძღვანელი ლია მუხაშავრია.

საკონსტიტუციო სასამართლოში სარჩელი შევიდა მოთხოვნით, რომ საკონსტიტუციო სასამართლომ ძალადაკარგულად ცნოს სამოქალაქო კოდექსის ის ნორმა, სადაც "ქორწინება" განმარტებულია, როგორც "ქალისა და მამაკაცის ერთობა". ამ სარჩელის დაკმაყოფილების შემთხვევაში, ლგბტ პირებს სრული უფლება გაუჩნდებათ, რომ ერთსქესიანთა ქორწინების ოფიციალურად დაკანონება მოითხოვონ.

ბრიტანული კვლევითი ორგანიზაციის "ქაკქარელი სიმოდსის" მიერ ჩატარებული კვლევებით, ევროპისა და ცენტრალური აზიის განვითარებადი ქვეყნების ტოპ-100-ში არცერთი ქართული უმაღლესი სასაწავლებელი ვერ მოხვდა.

ფიზიკურ შეურაცხყოფაზე 2016 წლის არჩევნებამდე, შესაძლოა, კანონი გამკაცრდეს. აღნიშნული ინიციატივა პრემიერ-მინისტრს, გიორგი კვირიკაშვილს ეკუთვნის, რომელმაც იუსტიციის მინისტრს ამჟამად არსებული კანონის გადახედვისკენ მოუწონდა.

გარდაბნის გამგებლის არჩევნები "ქართული ოცნების" გამარჯვებით დასრულდა. არჩევნები კანდიდატების მხარდამჭერთა დაპირისპირებისა და შეხლა- შემოხლის ფონზე მიმდინარეობდა. შეგახსენებთ, რომ გარდაბნის არჩევნებში მხოლოდ ორი პარტია მონაწილეობდა - "ქართული ოცნება" და "ნაციონალური მოძრაობა". შედეგები კი ასეთია: "ოცნების" კანდიდატმა გოჩა ჯამარაულმა ხმების 70.15% მიიღო, ხოლო "ნაციონალურ მოძრაობის" კანდიდატმა ბესიკ კახაბრიშვილმა - 29.75%.

"არაფერი არ ხდება პანკისში, არც არავის წვრთნიან და არც არავინ ისვენებს. უბრალოდ, ხალხი თავისი გაჭირვებით ცხოვრობს და დაიღალა მუდმივად იმის ძახილით, რომ ხეობაში ტერორისტები არიან", - აცხადებს "რეზონასთან" საუბრისას პანკისის მცხოვრები 40 წლის მამაკაცი, რომელიც თავს სალაფიტს (იგივე ვაჰაბიტი) უწოდებს და საჯაროდ ვინაობის დასახელება არ სურს.

მასშტაბური შერიგების პროცესი თუ წინასაარჩევნო პიარკამპანიის ნაწილი - არასაპარლამენტო ოპოზიციასა და არასამთავრობოებთან შეხვედრის შემდეგ პრემიერი კვირიკაშვილი წინამორბედის ტრადიციას არღვევს და ეროვნული უშიშროების საბჭოს სხდომას ესწრება.

ევროპის საბჭოს საპარლამენტო ასამბლეის მიერ მიღებულ რეზოლუციაში აღნიშნულია, რომ საქართველოში უფლებათდამცველების დაცვის კუთხით ვითარების გაუარსესების ნიშნები შეიმჩნევა.

იური ვაზაგაშვილის მკვლელობის საქმეზე მიმდინარე გამოძიების ფარგლებში, ე.წ. მატროსოვის ციხეში ირაკლი ფირცხალავასა და გიორგი ცააძეს დნმ-ის ნიმუშები აუღეს. როგორც ცნობილია, პროკურორებმა მათთვის დნმ-ის ანალიზის აღება მხოლოდ მეორე ცდაზე მოახერხეს, რადგანაც რამოდენიმე დღის წინ მათ ცააძემ და ფირცხალავამ, უნდობლობის მოტივით, დნმ-ის ნიმუშის აღებაზე უარი განუცხადეს.

გარდაბნის გამგებლის რიგგარეშე არჩევნებმა სიტყვიერი და ფიზიკური დაპირისპირების ფონზე ჩაიარა - ინციდენტი მე-2 საარჩევნო უბანში მოხდა, რის პროვოცირებაშიც "ნაციონალური მოძრაობა" "ქართული ოცნების" აქტივისტებს ადანაშაულებს, რასაც "ოცნება" კატეგორიულად უარყოფს. პარტიის აღმასრულებელი მდივნის, ირაკლი კობახიძის ინფორმაციით, აღნიშნულ საარჩევნო უბანთან ინციდენტის პროვოცირება "თავისუფალი ზონის" წარმომადგენლებმა განახორციელეს.

საქართველოს დისკრედიტაციის მცდელობა თუ საბაბი პანკისში სამხედრო ოპერაციის დასაწყებად - სპეციალისტები მსჯელობენ თუ რა იმალებოდა სერგეი ლავროვის ხმაურიანი განცხადების მიღმა, თითქოს პანკისში ტერორისტული საფრთხეა.

7 წლის შემდეგ ჰააგის საერთაშორისო სასამართლო რუსეთ-საქართველოს ომის გამოძიებას იწყებს. საქმის პროკურორმა ფატუ ბენსუდამ ამასთან დაკავშირებით, ოფიციალური ნებართვა უკვე მიიღო. საქმე 2008 წლის 1-ელი ივლისიდან 10 ოქტომბრამდე ე.წ სამხრეთ ოსეთში განვითარებულ მოვლენებს ეხება. საერთაშორისო სასამართლოს ინფორმაციით, არსებობს გონივრული საფუძველი, რომ ჩადენილი იქნა სისხლის სამართლის დანაშაული კაცობრიობის წინააღმდეგ.