ვალების ჩამოწერის პროგრამის ფარგლებში. ფონდი "ქართუ" 3 მლრდ ლარზე მეტს გაანულებს. სია ვებ-გვრედზე არასრულად, თუმცა უკვე ატვირთულია. მონაცემები 6 ბანკის 679 000-ზე მეტ სესხს და 407 000 მსესხებელს შეეხება. ფონდში ამბობენ, რომ სიის და მათ მიერ გადასახდელი თანხის მოცულობაც მოიმატებს.

რეცეპტების გაცემის სისტემა საქართველოში მთლიანად ჩავარდა. ბოლო პერიოდში ამ მიმართულებით კონტროლი საერთოდ აღარ არსებობს და სააფთიაქო ბიზნესს არაფერი უშლის ხელს, რომ წამლების რეალიზაცია თვითნებურად მოახდინონ. ეს ეხება როგორც ანტიბიოტიკებს, ასევე ფსიქოტროპულ წამლებსაც. აფთიაქებში სარეცეპტე მედიკამენტებს ისე გასცემენ, რომ აღარც კი ეკითხებიან მყიდველს, აქვს თუ არა ექიმის დანიშნულება.

პურის ფასმა 10 დეკემბრიდან 5-10 თეთრით მოიმატა. არჩევნების დასრულებისთანავე თითქმის ყველა სავაჭრო ქსელში ყველაზე მთავარი და მნიშვნელოვანი პროდუქტი გაძვირდა. ბიზნესი გაძვირებას თვითღირებულების ზრდით და საწარმოო პროცესის დანახარჯით ხსნის, ქვეყნის პრემიერი კი ეჭვობს, რომ ერთბაშად სხვადასხვა კომპანიის მიერ პურის გაძვირება მონოპოლიის ბრალია.

პერიოდული ტექნიკური დათცვალიერების მესამე ეტაპის ამოქმედებამდე, რომელიც ყველაზე დიდ სეგმენტს, მსუბუქი ავტომობილების კატეგორიას ეხება, 3 კვირაზე ნაკლები დარჩა, თუმცა საინფორმაციო კამპანია ჯერ კიდევ არ დაწყებულა. მძღოლები საერთოდ არ არიან ინფორმირებული, როდის, როგორ და რა მოთხოვნების დაკმაყოფილება მოუწევთ.

16 დეკემბრიდან ახალი კონსტიტუცია შევა ძალაში. უცხო ქვეყნის მოქალაქეებისთვის სასოფლო-სამეურნეო მიწის ყიდვის აკრძალვასთან დაკავშირებით მიღებული გადაწყვეტილება არ შეიცვლება, თუმცა ახალი კონსტიტუციის დამტკიცებამდე დაახლოებით 1 კვირით ადრე აკრძალვა გაუქმდა. შესაბამისად, მემკვიდრეობით მიღებული მიწის ნაკვეთების საკუთრებაში დარეგისტრირება უცხოეთის მოქალაქეებს 16 დეკემბრამდე შეეძლებათ. გადაწყვეტილება საბერძნეთის მოქალაქეების სარჩელის საფუძველზე მიიღეს, თუმცა ცვლილება დროებითია და მხოლოდ რამდენიმე დღეს გასტანს.

ევროპის ქვეყნებში ყოველწლიურად საშობაოდ 75 მლნ-მდე ქართული წარმოშობის ნაძვის ხე იყიდება. მსოფლიოში, ღვინოსთან ერთად, ქართული პროდუქციიდან ნაძვი ყველაზე ცნობადი და პოპულარულია. საქმე ისაა, რომ ევროპაში საშობაოდ გაყიდული ნაძვის ხეების 90% საქართველოდან გატანილი სათესლე მასალითაა მოყვანილი. ამ ბიზნესიდან საქართველომ წელს მხოლოდ 335 000 ლარი მიიღო მაშინ, როცა მარტო შობა-ახალ წელს გაყიდული ხეების საერთო ოდენობა ევროპაში 2.4 მლრდ ევროს აღწევს.

ქვეყანაში დემპინგის პრობლემამ ახალი ძალით იჩინა თავი. რუსთავის მეტალურგიული ქარხანა ამ ეტაპზე 1 ღუმელს აჩერებს, ახალი წლიდან კი მეორის გაჩერებასაც გეგმავს, რაც 2 000 ადამიანს დატოვებს უსამსახუროდ. მიზეზი კი დემპინგურ ფასში ირანიდან შემოტანილი არმატურაა. მსგავსი პრობლემა ჰქონდათ ცოტა ხნის წინ "აგარის შაქარს" და ცემენტის მწარმოებლებს.

სოფლის მეურნეობის სამინისტრომ მიმდინარე პროექტების მიღებული და საპროგნოზო შედეგები შეაჯამა. "ერთიანი აგროპროექტის" ფარგლებში ფერმერებისა და მეწარმეებისთვის მაქსიმალურად ხელმისაწვდომი გახდა ფინანსური რესურსი. ახალი საწარმოების შექმნამ განაპირობა აგრარული დარგის განვითარების სტიმულირება, განვითარდა სასოფლო-სამეურნეო ინფრასტრუქტურა, გაიზარდა საექსპორტო პოტენციალის მქონე პროდუქციის წარმოება.

"ლიბერთი ბანკის" ინიციატივით, ნოემბრიდან პენსიონერებისთვის კომპიუტერითა და ინტერნეტით სარგებლობის შემსწავლელი ერთთვიანი უფასო კურსები დაიწყო. პროექტმა დიდი ინტერესი გამოიწვია და 400-მდე პენსიონერი დარეგისტრირდა.

ევროპის ქვეყნებში ყოველწლიურად საშობაოდ 75 მლნ-მდე ქართული წარმოშობის ნაძვის ხე იყიდება. მსოფლიოში, ღვინოსთან ერთად, ქართული პროდუქციიდან ნაძვი ყველაზე ცნობადი და პოპულარულია. საქმე ისაა, რომ ევროპაში საშობაოდ გაყიდული ნაძვის ხეების 90% საქართველოდან გატანილი სათესლე მასალითაა.

მთავრობა საბიუჯეტო სახსრებს ვერ განკარგავს ისე, რომ შემოსავლებისა და გადასახდელების ნაწილში პრობლემა არ ჰქონდეს. ასე ხდება მუდმივად, რითაც საბოლოოდ ქვეყნის ეკონომიკა ზარალდება. დიდი წვალების მიუხედავად, მთავრობამ წელს პირობები ვერ შეასრულა და ბიუჯეტის სეკვესტრის გზას დაადგა. სპეციალისტების შეფასებით, შექმნილი პრობლემის მთავარი მიზეზია ეკონომიკური ზრდის დაბალი ტემპი, ბიუჯეტის არათანაბარზომიერი და არაეფექტიანი ხარჯვა.

საქართველოში ინტერნეტსივრცეში ვებ-გვერდების მფლობელებს შორის ნამდვილი ომია გაჩაღებული. სტატისტიკური მონაცემების გაყალბებამ პიკს მიაღწია. პრობლემა იმდენად მასშტაბურია, რომ ამაზე ყველა საუბრობს და ინფორმაციამაც სოციალური ქსელი მოიცვა. ეჭვის დადასტურების მიზეზი "აჭარანეტის" "ტოპ.ჯის" სისტემიდან გაქრობა გახდა. იგი რეიტინგის გაყალბებაში პირდაპირ დაადანაშაულეს. ამ ფაქტის შემდეგ, კითხვის ნიშნის ქვეშ დადგა იმ საიტების სანდოობაც, რომლებსაც სტატისტიკური მონაცემები დახურული აქვთ.