ლუდზე აქციზის გადასახადის სტრუქტურა არ შეცვლილა. შესაბამისად, ლუდი ვერც მიმდინარე სეზონზე გაიაფდა, რისი მოლოდინიც მწარმოებლებს ჰქონდათ. მათი ინფორმაციით, კანონომდებლობაში ცვლილებას უახლოეს დღეებში ელოდებიან, თუმცა ბიზნესისა და მომხმარებლისთვის ეს შეღავათი უკვე არაფერს შეცვლის. მთელი სეზონი მიილია და რეალიზაციის მხრივ ვითარება ისევ ნეგატიურია.

ქვეყანაში წარმოებული მატერიალური დოვლათის უთანასწორო განაწილების მიხედვით საქართველო პოსტსაბჭოთა ქვეყნების მიხედვით, ერთ-ერთ პირველ ადგილზეა. ქვეყანაში მაღალშემოსავლიანი მოსახლეობის შემოსავალი დაბალშემოსავლიანებისას 17-18-ჯერ აღემატება. არსებული სტანდარტით, სხვაობა 10-ჯერ მეტი არ უნდა იყოს. მარტო ფულად განზომილებას თუ მივიღებთ მხედველობაში, მაღალშემოსავლიანი სეგმენტი 27-28-ჯერ მეტ შემოსავალს იღებს, ვიდრე დაბალშემოსავლიანი მოსახლეობა.

შედარებით ხანგრძლივი სტაბილურობის შემდეგ ლარის კურსმა გეზი გაუფასურებსკენ აიღო. ეს ხდება მაშინ, როცა ეროვნული ვალუტის დევალვაციის მაპროვოცირებელი ფაქტორები ქვეყანაში თითქმის აღარ არსებობს - ტურისტული სეზონი პიკზეა და უცხოეთიდან ფულადი შემოდინებების მხრივ საქმე გაცილებით უკეთესადაა. განსაკუთრებით აღსანიშნავია საგარეო ფაქტორიც, რომელიც, წესით, ლარის სასიკეთოდაა - დოლარი მსოფლიოს სხვა წამყვან ვალუტებთან მიმართებით თვალსა და ხელს შუა სუსტდება და ახლა 2,5-წლიან მინიმუმზეა.

დედაქალაქის მოსახლეობას შესაძლოა, წყლის გადასახადიც გაუძვირდეს. მართალია, ჯერჯერობით სატარიფო ცვლილების შესახებ ოფიციალურად არაფერი თქმულა, მაგრამ თუკი ელექტროენერგიის გადასახადს გააძვირებენ, შემდეგი აუცილებლად იქნება წყლის ტარიფი. საამისოდ კომპანიები ყველა შესაძლო ხერხს გამოიყენებენ.

სადაზღვევო კომპანიების წარმომადგენლები მოგების შემცირებაზე, ხოლო ექსპერტები სისტემის ხარვეზზე საუბრობენ. საბოლოოდ ერთიც და მეორეც თანხმდება, რომ სადაზღვევო ბაზარზე რთული ვითარებაა, რის გამოც საბოლოოდ მომხმარებელი ზარალდება. სადაზღვევო სექტორის წმინდა მოგება მეორე კვარტალში 9,9 მილიონი ლარით შემცირდა. 2017 წლის მეორე კვარტალში სადაზღვევო სექტორის წმინდა მოგებამ 2,43 მილიონი ლარი შეადგინა, 2016 წლის ანალოგიურ პერიოდში კი ეს მაჩვენებელი 12,42 მილიონი ლარი იყო.

წლევანდელი მოსავლის მარაგი 3-4 თვეზე მეტს ვერ გასტანს. ამის მიზეზი მუდმივი უამინდობაა. ამიტომაა, რომ წლევანდელი ცხელი ზაფხული ფასებითაც "ცხელია". წინა წლის ანალოგიურ პერიოდთან შედარებით, ხილ-ბოსტნეულის ფასი გაზრდილია, ხოლო შემოდგომიდან პროდუქტი კიდევ უფრო გაძვირდება, რასაც გლეხებიც ადასტურებენ და ვაჭრებიც.

ბოლო წლების განმავლობაში საქართველოში წარმოუდგენელი სისწრაფით იზრდება ონლაინ სესხებზე დამოკიდებულება. ამ სეგმენტში მომუშავე კომპანიები პირადი ინფორმაციის გადამოწმებისა და უზრუნველყოფის გარეშე რამდენიმე წუთში გასცემენ სესხს. შემდეგ ხშირია შემთხვევები, როცა კლიენტი თანხას ვერ აბრუნებს და საქმე ე.წ. პრობლემური სესხების დეპარტამენტს გადაეცემა, რომლის თანამშრომლების მხრიდან მუქარა და დაშინება ჩვეულებრივი ამბავია.

ელექტროენერგიის საფეხურებრივი ტარიფი მოსახლეობას ყოველწლიურად 200 მლნ ლარზე მეტით აზარალებს. სპეციალისტების მტკიცებით, ეს სწორედ ის თანხაა, რომელიც სოციალურად დაუცველი მოსახლეობისთვის დენის გადასახადის სუბსიდირებას ხმარდება. ენერგეტიკოსები ამბობენ, რომ ამ "დამატებით გადასახადში" უნდა ვეძებოთ რესურსი, რათა არ გაიზარდოს ელექტროენერგიის ტარიფი. ჯერჯერობით კი საფეხურებრივი გადასახადი მხოლოდ მომხმარებლის საზიანოდაა მიმართული.

"საქართველოს რკინიგზა" პოზიციას არ ცვლის. პროფკავშირების მოთხოვნას უწყება პასუხობს იმით, რომ თანახმაა, ერთ კაცთან დაჯდეს მოლაპარაკების მაგიდასთან. ეს არის მოშიმშილე უჩა ღვთისიაშვილი. თუმცა მისთვის და პროფკავშირებისთვისაც რკინიგზის ადმინისტრაციის მხრიდან ასეთი შეთავაზება მიუღებელია. თავის მხრივ, პროფკავშირებში ითხოვენ, დადგეს "საქართველოს რკინიგზის" პასუხისმგებლობის საკითხი.

საწვავი ქართულ ბაზარზეც გაძვირდა. თითქმის 2 თვის განმავლობაში საერთაშორისო ბაზრებზე საწვავის შემცირების ტრენდი იყო შენარჩუნებული. რამდენიმე დღის წინ საწვავის საბითუმო გაიზარდა, რასაც მალევე უპასუხეს არაბრენდირებულ ქსელებში და უკვე არაბრებდირებულ სექტორში მოახდინეს საფასო ცვლილება.

აბსოლუტურად ყველა ნავთობპროდუქტი 2-5 თეთრის ფარგლებში გააძვირეს.

არჩევნების წინ მთავრობა გარემოვააჭრეების მიმართ მიდგომას ცვლის და უფრო ლოიალური ხდება. საქართველოს უმეტეს რეგიონსა და დედაქალაქშიც ეს პრობლემა დროებით მივიწყებულია, მათ შორის - საკურორტო რეგიონებშიც, სადაც გარევაჭრობასთან ბრძოლა საკურორტო სეზონის დაწყებამდეც იყო დაანონსებული.

მიუხედავად იმისა, რომ ეს ქმედება კანონით იკრძალება, სოციალური სიდუხჭირისა და თვითდასაქმებული ადამიანების რაოდენობიდან გამომდინარე, ვერც დედაქალაქისა და ვერ ადგილობრივი ხელისუფლება პრობლემის სრულად მოგვარებას ვერ ახერხებს.

ბინის დაქირავება ჭირს, ხოლო გირაო საერთოდ აღარ არის. უძრავი ქონების აგენტების ინფორმაციით, ქირაზე მოთხოვნა თითქმის აღარ არის მაშინ, როცა წინა წლის აგვისტოში მოთხოვნას ვერ აუდიოდნენ. უძრავი ქონების სააგენტოებში ამბობენ, რომ წინა წლის ანალოგიურ პერიოდთან შედარებით, ქირის მსურველთა რაოდენობა დაახლოებით 80%-ით არის შემცირებული, თუმცა გასაქირავებელი ფართების რაოდენობა საკმაოდ დიდია.