თბილისში ტაქსების რეგულაცია მომავალ წლამდე გადაიდება. ჯერჯერობით არ არის გადაწყვეტილი, როდის დაიწყება ლიცენზირების პროცესი და არც სქემაა მზად, სადაც ზუსტად იქნება ყველა საკითხი გაწერილი. სატრანსპორტო სფეროს სპეციალისტებს მიაჩნიათ, რომ სატრანსპორტო სფეროს ამ კუთხით რეგულირება შედეგს ვერ გამოიღებს და ტაქსების უმრავლესობა არალეგალურად იმოქმედებს.

ბოლო დროს დაწყებული სურსათის გაიაფების პროცესი, რომელიც ზოგიერთი დასახელების პროდუქციაზე 10%-საც კი აღწევდა, ლარის კურსის ბოლოდროინდელმა მკვეთრმა მარდნამ შეაჩერა. იმპორტიორები ამბობენ, რომ გაიაფების პროცესი ნამდვილად დასრულდა, მათი ნაწილი კი ფასების ზრდასაც პროგნოზირებს.

ლარის ელვისებური გაუფასურება უკვე რამდენიმე დღეა, მიმდინარეობს. კურსი, აღდგომიდან მოყოლებული, 9 დღეში 10 პუნქტით დაეცა. ეროვნული ვალუტის დევალვაცია მიმდინარეობს იმ პერიოდში, როდესაც მსოფლიო ბაზარზე დოლარი სუსტდება, ხოლო ჩვენი მეზობელი ქვეყნების ვალუტები მყარდება. ფინანსისტები საქართველოში შექმნილ ვითარებას არასწორ მონეტარულ პოლიტიკას უკავშირებენ. ისინი მთავარ პრობლემად ეროვნული ბანკის მიერ ბაზრიდან 20 მლნ დოლარის ამოღებას მიიჩნევენ.

საქართველოში 8 მაისიდან შედარებით დაბალფასიანი ელექტრომობილები შემოვა. მისი დათვალიერება და ქალაქის პიროებებში გამოცდა ნებისმიერ მსურველს შეეძლება. ჩინური ელექტრომობილების შემომყვანი კომპანიის "გლობალ მოტორს ჯორჯიას" დირექტორის განცხადებით, ასეთი ტრანსპორტი დღესდღეობით ქალაქში გადაადგილებისთვის ყველაზე ოპტიმალური გამოსავალია.

"თელასის" მფლობელი რუსული "ინტერ რაო" საქართველოს მთავრობას საერთაშორისო არბიტრაჟში უჩივის და აღნიშნავს, რომ ლარის გაუფასურებამ მათი კომპანია დააზარალა. თუმცა ირკვევა, რომ თელას-ს ტარიფის გაზრდის მოთხოვნით სემეკ-ისთვის არ მიუმართავს, რადგან ამის რეალური მიზეზი არ არსებობდა. დღეს მოქმედი ელექტროენერგიის ტარიფი 2.40-ის ნიშნულზეა დათვლილი და ახლაც იგივე კურსია. ლარის დევალვაცია მხოლოდ ნოემბრიდან თებერვლამდე მიმდინარეობდა. ამ მოკლე პერიოდში "ინტერ რაო" რეალურად ვერაფერს იზარალებდა და მისი ულტიმატუმი აბსურდულია.

მარი ჩიტაია

აღდგომის წინა დღეებში ეროვნული ვალუტა ასე თუ ისე გამყარდა და ხალხს სურსათის გაიაფების იმედი გაუჩნდა. კურსის 2.37-ზე ჩამოსვლის შემდეგ იმპორტიორებიც გეგმავდნენ პროდუქტებზე ფასის შეცვლას, თუმცა ბოლო ერთი კვირაა, სიტუაცია შეიცვალა და ბიზნესმენებიც შეფიქრიანდნენ. ლარის კურსი უკვე 2,42-ზეა და ბოლო დღეებში მცოცავ რეჟიმში უფასურდება. სპეციალისტები სავალუტო რყევას საგარეო ფაქტორებს უკავშირებენ და სამომავლოდ უკეთეს შემთხვევაში 2.40-ს, ხოლო უარეს შემთხვევაში 2.50-იან ნიშნულს ვარაუდობენ.

2017 წლის 1-ლი მაისიდან საყოველთაო ჯანდაცვის პროგრამაში დიფერენცირებული პაკეტები ამოქმედდება. მთავრობაში ირწმუნებიან, რომ სოცილურად დაუცველი ფენა კიდევ უფრო მეტ შეღავათს იგრძნობს. ჯანდაცვის სფეროს სპეციალისტები მიიჩნევენ, რომ ცვლილებებით საშუალოშემოსავლიან მომხმარებლებს მომსახურება გაურთულდებათ, მცირეშემოსავლიანებისთვის კი იგივე დარჩება.

საგარეო ვაჭრობაში ქვეყნის მთავარი სავაჭრო პარტნიორის - თურქეთის წილი მთლიან ბრუნვაში 16%-მდე შემცირდა. ასეთია ოფიციალური სტატისტიკა, რომელიც საქართველოს საგარეო ვაჭრობის 2017 წლის პირველი კვარტალის მონაცემს ასახავს. ეს მონაცემი ყველაზე დაბალი მაჩვენებელია საქართველოს დამოუკიდებლობის მოპოვების შემდეგ იმ ქვეყანასთან, რომელიც სავაჭრო ბრუნვაში ყოველთვის პირველ ადგილს იკავებდა.

სადაზღვევო კომპანია ალდაგმა მოსავლის დაზღვევა უკვე დაიწყო. აგროდაზღვევის სახელმწიფო პროგრამის მეოთხე ეტაპი ფერმერებს გაუმჯობესებულ სადაზღვევო პირობებს სთავაზობს. ყველა ფერმერს, ვინც მაქსიმუმ 5 ჰექტარი ფართობის და მარცვლეული კულტურების შემთხვევაში, 30 ჰექტარი ფართობის მიწის ნაკვეთს ფლობს, შესაძლებლობა ეძლევა დააზღვიოს მოსავალი ბუნებრივი მოვლენებით გამოწვეული რისკებისგან: სეტყვა, წყალდიდობა, ქარიშხალი და საშემოდგომო ყინვა (მხოლოდ ცტრუსის შემთხვევაში)

საქართველოს აეროპორტებში მგზავრთა ნაკადი 43,6%-ით არის გაზრდილი. ვიზალიბერალიზაციამ მნიშვნელოვანი გავლენა უკვე მოახდინა. პირველი კვარტალის შედეგების შეჯამებიდან ჩანს, რომ მარტო ევროპის მიმართულებით მატება 75%-ის ფარგლებშია. სამოქალაქო ავიაციის სააგენტოს გადაზიდვების დეპარტამენტში განმარტავენ, რომ წლევანდელი მაჩვენებლები ბოლო 5 წლის განმავლობაში ყველაზე საუკეთესოა. მგზავრთა მატება აბსოლუტურად ყველა მიმართულებით შეინიშნება.

საქართველოში ბოლო თვეებში ჯართი ერთბაშად გაძვირდა, თუმცა რაოდენობა მკვეთრად შემცირდა. მიუხედავად იმისა, რომ ფასმა 50%-ით მოიმატა, ამ საქმიანობით დაკავებული ადამიანები ამბობენ, რომ ყველგან ჯართის დეფიციტია.

თბილისის განვითარების გენერალურ გეგმაზე მუშაობა ჯერ არ დასრულებულა. მაისის ბოლოს მასშტაბური დოკუმენტის მხოლოდ პირველადი ვარიანტი იქნება მზად. იგი არა მარტო დედაქალაქში არსებულ მნიშვნელოვან საკითხებს ითვალისწინებს, არამედ თბილისზე შემოერთებული სოფლების პრობლემებსაც გადაჭრის. რა თანხა იქნება საჭირო გენერალური გეგმის განსახორციელებლად, ჯერჯერობით უცნობია. პროექტის ხელმძღვანელები გეგმის განხილვის დასრულებას ელოდებიან.