კომერციულ ბანკებს საკომისიოებიდან ყოველდღიურად 1 მლნ ლარამდე შესდით. ზოგ შემთხვევაში მომხმარებლების მიერ გადახდილი თანხას საკომისიოს სახით 10% ეჭრება. საბანკო სექტორი ამითაც არ კმაყოფილდება და სატარიფო პოლიტიკას ცვლის. რამდენიმე დღეში "თიბისი" კომუნალურ გადახდებზე დაწესებული საკომისიოს გააორმაგებს.

სასოფლო-სამეურნეო მიწის ფასით რეგიონები ერთმანეთისგან რადიკალურად განსხვავდება. როგორც აღმოჩნდა, ყველაზე ძვირი მიწა გურიაში, სამეგრელოსა და რამდენიმე ისეთ სოფელშია, რომელიც ადგილწარმოშობის ღვინოებით არის ცნობილი. ამ რეგიონებში 1 ჰექტარი 8-15 ათასი ლარიც ღირს. ყველაზე იაფი (პრაქტიკულად უფასო) მიწა რაჭა-ლეჩხუმშია. ადგილობრივებს იქ მყიდველი კარგა ხანია თვალით არ უნახავთ და 1 ჰა-ს გაყიდვას 300 ლარადაც ვერ ახერხებენ.

საქართველოში უმუშევრობის გადაჭრის გზები ჯერჯერობით არ არსებობს. მთავრობა მხოლოდ ციფრებს ამცირებს, რეალურად კი უმუშევართა მაჩვენებელი მაღალია და ქვეყანაში 34%-ის ფარგლებშია. გაერთიანებულ პროფკავშირებში მიაჩნიათ, რომ უმუშევართა რიცხვს ემატება იმ ადამიანების რაოდენობა, რომელთა საარსებო მინიმუმი 157 ლარია. ასეთი მოსახლეობის 22%-ია.

საქართველოს საგარეო ვალი დიდი სისწრაფით იზრდება. იმის ნაცვლად, რომ ვალის ტვირთი შემსუბუქდეს, მთავრობა მიდგომას არ ცვლის და ახალი ფინანსური ვალდებულებების აღებაზე უარს არ ამბობს. როგორც ჩანს, ხელისუფლების პრიორიტეტი არის არა ინვესტიციები და მეწარმეობის განვითარება, არამედ ვალის აღება. შესაბამისად, ქვეყანა "ვალების ეკონომიკის" მოდელს მიუბრუნდა.

აღდგომის ბრწყინვალე დღესასწაულთან დაკავშირებით საქალაქთაშორისო ტრანსპორტი არ გაძვირდება, ყოველ შემთხვევაში, ასე ამბობენ ავტოსადგურების მეპატრონეები. ისინი პირობას ყოველ წელს იძლევიან, მაგრამ უშუალოდ დღესასწაულების წინ რეგიონებში წამსვლელები ბილეთში მაინც მაღალ ფასს იხდიან. აღსანიშნავია, რომ ბოლო წლებში სატრანსპორტო სფეროში კონკურენცია მკვეთრად გაიზარდა.

2-წლიანი უთანხმოების შემდეგ მთავრობამ და ლუდის მწარმოებლებმა, როგორც იქნა, გარკვეულ შეთანხმებას მიაღწიეს. ლუდზე აქციზი 2017 წლის მაისიდან შეიცვლება და იგი დიფერენცირებული გახდება. ასეთ შემთხვევაში გაიაფდება ზოგიერთი დასახელების პროდუქციაც. დაბალალკოჰოლურ ლუდზე (1 ლიტრი) ფასი, სავარაუდოდ, 20 თეთრით დაიკლებს.

ლუდსახარში კომპანიების მსგავსად, აქციზის გადასახადის ზრდამ პროდუქციის ღირებულებაზე იმოქმედა თამბაქოსა და საწვავის შემთხვევაშიც. მოხმარება ორივე მიმართულებით შემცირდა. მიუხედავად ამისა, არც ერთი ბიზნესსექტორი ჯერჯერობით აქციზის განაკვეთის შეცვლას არ ითხოვს, განსხვავებით მელუდეებისაგან, რომლებიც, გადასახადის გაზრდის დღიდან მოყოლებული, უპირისპირდებოდნენ მთავრობის გადაწყვეტილებას.

საბანკო მიმართულებით წელს დიდი ცვლილებები მოსალოდნელი არ არის. როგორც სპეციალისტები ამბობენ, სექტორში განსაკუთრებული არაფერი მოხდება, თუ არ ჩავთვლით, რომ კომერციული ბანკების მოგება, წინა წელთან შედარებით, აშკარად მოიმატებს. ცვლილება უფრო მიკროსაფინანსო ორგანიზაციების კუთხით არის მოსალოდნელი. მომხმარებლებს კი წელს ლარში სესხი გაუძვირდებათ.

ლარმა ყველაზე რთული პერიოდი გადალახა. უკან არის მოტოვებული ზამთრის თვეები და გამორჩეულად აქტიური მარტი. ახლა მთავარი ამოცანა ეროვნული ვალუტის სტაბილურობა და სამომავლო პერსპექტივაა. როგორი იქნება ლარის კურსი უახლოესი რამდენიმე თვის განმავლობაში? ფინანსისტებმა "ბიზნეს-რეზონანსთან" ისაუბრეს, თუ რამდენად შეინარჩუნებს საშუალოვადიან და გრძელვადიან პერიოდში ლარი სიმყარეს.

სასოფლო-სამეურნეო მიწების უცხოელ მოქალაქეებზე მიყიდვის აკრძალვის საკითხმა დიდი დაპირისპირება გამოიწვია. პარლამენტის წევრები მკაცრ რეგულაციას მეტ-ნაკლებად ემხრობიან, თუმცა იმის გამო, რომ პოზიციას ხშირად იცვლის, მთავრობის დამოკიდებულება გაურკვეველია. სპეციალისტების აბსოლუტური უმრავლესობა კი იზიარებს აზრს, რომ სასოფლო-სამეურნეო მიწა, როგორც ფასდაუდებელი კაპიტალი, უცხოელებზე არ უნდა იყიდებოდეს.

ინფლაციის ნიშნული მარტში, თებერვალთან შედარებით, 10 წლის წინანდეი მაჩვენებელზე იყო. მარტში, წინა თვესთან შედარებით, შეინიშნებოდა დეფლაცია, მაგრამ ფასების ზრდის წლიურმა ინდექსმა მაინც 5,4 პროცენტს მიაღწია. სპეციალისტები მთელი წლის განმავლობაში მაღალ ინფლაციას ვარაუდობენ. შეიძლება წლის ბოლომდე ფასების საერთო დონე 7%-მდეც კი გაიზარდოს.

საქართველოს ავიაბაზრით ბოლო პერიოდში რამდენიმე უცხოური დაბალბიუჯეტიანი კომპანია დაინტერესდა. უკვე არსებულ ავიაკომპანიებს კი ევროპის მიმართულებით ახალი რეისების დამატების შესაძლებლობა მიეცათ. ევროპის ქვეყნებთან უვიზო რეჟიმის შემოღებამ მგზავრთა ნაკადის მკვეთრი ზრდა გამოიწვია, თუმცა მოთხოვნა მანამდეც შესამჩნევი იყო.