თბილისის ავიამიმოსვლა ძვირდება. როგორც "ბიზნეს რეზონანსს" "ტავ ჯორჯიაში" განუცხადეს, ახალი ხელშეკრულების მიხედვით, კომპანია 2017 წლის 1-ლი მარტიდან აეროპორტის მოსაკრებელს 2 დოლარით - 22 დოლარიდან 24 დოლარამდე - გაზრდის. 2023 წლის 1-ელ მარტს კი ტარიფი 25 დოლარი გახდება. ავიაკომპანიის წარმომადგენლები მოსალოდნელ ცვლილებას კრიტიკულად აფასებენ და ამტკიცებენ, რომ ეს მგზავრთა ნაკადის შემცირებას გამოიწვევს.

საქართველოში ემიგრანტების მიერ გადმორიცხული ფულის მოცულობა გაიზარდა. ფულადი გზავნილის შემცირება 2014 წლის მეორე ნახევრიდან დაიწყო, რაც ერთ-ერთი მიზეზი გახდა საქართველოში უცხოური ვალუტის შემცირებისა და ლარის გაუფასურების.

ირანი, სომხეთი, საქართველო, ბულგარეთი და საბერძნეთი - საქართველომ, შესაძლოა, სპარსეთის ყურესა და შავ ზღვას შორის ხიდის ფუნქცია შეასრულოს. ახალი დერეფნის გახსნა განსაკუთრებით საინტერესოა ახლა, ვინაიდან ირანი სანქციების რეჟიმიდან გამოდის.

1 თვეში იმპორტი 855 მილიონი დოლარით გაიზარდა. ეს არის რეკორდული მაჩვენებელი. სტატისტიკის ეროვნულ სამსახურს ზუსტი მონაცემები ჯერ არ გამოუქვეყნებია, ამიტომ უცნობია, რა სახის რეკორდული რაოდენობის პროდუქტი შემოვიდა საქართველოში, რომელმაც იანვარ-ივნისში იმპორტის 30%-იანი ზრდა უზრუნველყო.

იმპორტიორები სურსათის მოსალოდნელ მკვეთრ გაძვირებაზე საუბრობენ. საერთაშორისო ბირჟებზე, პირველადი მოხმარების სასურსათო პროდუქტი გაძვირდა. ამას ემატება ის, რომ საქართველოს მთავარი სავაჭრო პარტნიორი ქვეყნების ვალუტები მყარდება, რაც საქართველოსთვის განკუთვნილი პროდუქტის ღირებულებას ზრდის. ყველაფერს "აგვირგვინებს" გაუფასურებული ლარი და, საბოლოო ჯამში, იმპორტირებული პროდუქტი საგრძნობლად გაძვირდება.

მთავრობა ზუგდიდის აეროდრომის მშენებლობისთვის ინვესტორს კვლავ ეძებს. საქართველოს აეროპორტების გაერთიანების მიერ მოწოდებული ინფორმაციის მიხედვით, წინადადებების წარმოდგენის ბოლო ვადა გაიზარდა. კერძო სექტორის პასიურობიდან გამომდინარე, ეკონომიკის სამინისტრომ, აეროპორტების გაერთიანებამ ასევე გაამარტივა პირობები, ვალდებულებები, რასაც ხელშეკრულება ითვალისწინებს. რაც შეეხება სხვა ქალაქებს, ახალი აეროდრომების მშენებლობა-რეაბილიტაციის მიმართულებით ჯერჯერობით სამუშაოების დაწყებას აეროპორტების გაერთიანებაში არ აპირებენ.

ოქროს გაძვირების ტენდენცია გრძელდება. 2016 წლის დასაწყისიდან ყვითელი ლითონი - 27%-ით, ხოლო ვერცხლი 47%-ით გაძვირდა. ზედიზედ რამდენიმე თვეა, უცხოურ ბაზარზე ძვირფასი ლითონის ფასი მატულობს. საერთაშორისო ცვლილებას ქართველი მოვაჭრეები დაგვიანებით პასუხობენ, თუმცა, რეალიზაციის სიმცირის გამო, ჯერჯერობით უმნიშვნელო გაძვირებას სჯერდებიან.

აზერბაიჯანი სასოფლო-სამეუნეო პროდუქტის იმპორტის შეზღუდვას გეგმავს, რაშიც საბაჟო გადასახადების გაზრდა იგულისხმება. ქვრთველი სპეციალისტები, ამ შემთხვევაში ქვეყნისთვის მნიშვნელოვან ზარალს არ ელიან, იქიდან გამომდინარე, რომ აზერბაიჯანში არც ისე ბევრი ქართული აგროპროდუქტი გადის.

მონოპოლია თუ კონკურენციის ზრდა - საქართველოს საბანკო სექტორში დიდი ცვლილებებია. ჩინელმა ინვესტორებმა ქართულ საფინანსო სივრცეში ფეხის მყარად მოკიდება გადაწყვიტეს და "ბაზის ბანკის" შემდეგ მალე ფრანგული "სოსიეტე ჟენერალის" "რესპუბლიკასაც" მიიერთებენ. ამის შემდეგ, საქართველოში დარჩება 3 მსხვილი და რამდენიმე ე.წ. ბანკი, რომელთა მთავარი ფუნქცია მხოლოდ ფულის გატარებაა. ამ გადმოსახედიდან, კონკურენციის გაზრდა საბანკო მომხმარებლისთვის სახარბიელო პერსპექტივა ნამდვილად არ ჩანს, თუმცა არსებობს საპირისპირო მოსაზრებაც.

დღეს ლარის მომავალი ყველაზე მეტად გაურკვეველი და ბუნდოვანია. მთავრობა ცდილობს ხალხი 2,4-ის ნიშნულს შეაგუოს. ხალხი კი გაღიზიანებულია, ბიზნესი - დამფრთხალი, ხოლო ფინანსისტები - დაბნეულნი. არანაირი მინიშნება თუ რა შეიძლება მოხდეს ახლო ან თუნდაც შორეულ მომავალში, არ კეთდება.

ბოლო 10 წელიწადში ქვეყნიდან ვალის მომსახურებისთვის 24 მილიარდი დოლარი უნდა გავიდეს. კერძო სექტორს ყველაზე მეტი ვალი 2018 წლამდე აქვს გასასტუმრებელი. სწორედ ამიტომ ქვეყანა, პრაქტიკულად, ვერ ვითარდება და ყველაფერი ვალის გასტუმრებისკენ მიიმართება.

ავტომობილების გაქირავება საქართველოში ერთ-ერთი ძვირადღირებული სერვისია, რომელიც ბოლო წლებში დამკვიდრდა. იგი განსაკუთრებით ტურისტულ სეზონზეა პოპულარული. როგორც ამ ბიზნესის წარმომადგენლები ამბობენ, ეს სერვისი მთლიანად დამსვენებლებზეა გათვლილი. იშვიათ შემთხვევაში, ავტომობილებს სამშობლოში დროებით დაბრუნებული ქართველი ემიგრანტები და ადგილობრივებიც ქირაობენ.