მსოფლიოში შავი ოქროს გაძვირება ქართულ ბაზარზეც უკვე აისახა. ბოლო თვე-ნახევრის განმავლობაში ნავთობკომპანიებმა საწვავზე ფასი 12-15 თეთრით გაზარდეს. დღეს საერთაშორისო ბაზრებზე ნავთობის ღირებულება 48-50 დოლარის ფარგლებში მერყეობს, ამაზე მეტ ზრდას ანალიტიკოსები უახლოეს პერიოდში აღარ ელიან. შესაბამისად, იმპორტიორების ინფორმაციით, საწვავის კიდევ უფრო გაძვირება აღარც საქართველოში მოხდება.

ბაქო-თბილისი-ყარსის რკინიგზის საქართველოს მონაკვეთის მშენებლობა დასრულდა, თუმცა რკინიგზის ექსპლოატაციაში შესვლა, შესაძლოა, წლის ბოლოსთვის ისევ ვერ მოხერხდეს. მიზეზი კვლავ თურქეთისა და აზერბაიჯანის მონაკვეთებია, სადაც ჯერ კიდევ ბევრია გასაკეთებელი. მიუხედავად ამისა, ბაქოში იმედოვნებენ, რომ ბაქოდან ყარსში მატარებელი წელს, წლის ბოლოს ჩავა.

ენერგეტიკის სამინისტრო ინვესტორებს ახალ სატარიფო პირობებს შესთავაზებს. სავარაუდოდ, გაიზრდება იმ ახალ ელექტროსადგურების რიცხვი, რომლებთანაც სახელმწიფო ელექტროენერგიის გარანტირებული შესყიდვის ხელშეკრულებას გააფორმებს. გადაიხედება ელექტროენერგიის ტარიფებიც. ეს ყველაფერი ინვესტორისთვის კომფორტის შესაქმნელად კეთდება. "ბიზნეს-რეზონანსის" ინფორმაციით, სახელმწიფო მათ 1 კვტ/სთ ელექტროენერგიაში 5-6 ცენტს სთავაზობს.

ეკონომისტების ნაწილი ზაფხულში დეფლაციას ვარაუდობს. მაისში სტატისტიკოსებმა ოფიციალური ინფლაცია 2,1%-ის დონეზე დააფიქსირეს. ამიტომაც არ არის გამორიცხული, რომ ეროვნული ბანკის მონეტარული პოლიტიკის სხდომაზე რეფინანსირების განაკვეთი კიდევ 0,5 პუნქტით შემცირდეს. ეს პროცესი კი, გარკვეულწილად, ეროვნული ვალუტის, სწრაფ გამყარებას შეაფერხებს.

ევროპასთან ვიზალიბერალიზაცია არა მარტო უვიზო მიმოსვლას ნიშნავს, ეს არის მეტი ინვესტიცია და მეტი სამუშაო ადგილი. უვიზო რეჟიმი, რა თქმა უნდა, ქვეყნის ეკონომიკური წინსვლასაც შეუწყობს ხელს - სწორედ ასე წარმოუდგენიათ ქართველ პოლიტიკოსებს და ეკონომისტებს ევროპასთან უვიზო რეჟიმის დაწესების შემდეგ ქართული ეკონომიკა. ვიზალიბერალიცია გადაიდო, დაანონსებული ზაფხული შემოდგომამ შეცვალა, რას შეცვლის ეს ქართულ-ევროპულ ეკონომიკურ ურთიერთობაში?

საქართველო ყაზახური ვალის გადახდას იწყებს. ეკონომიკის სამინისტროს ინფორმაციით, ყაზახურ მხარესთან გრაფიკი და პროცენტი შეთანხმებულია. "ყაზტრანსგაზ-თბილისის" ვალის სახელმწიფო ვალში გაქვითვის საკითხი ვერ შეთანხმდა. ეს ნიშნავს, რომ ინვესტორებმა მთავრობა ან თანხა უნდა გადაუხადონ, ან საკუთარი კომპანიის სადავეებს კიდევ რამდენიმე წლით დაემშვიდობონ.

უამინდობამ საქართველოს თითქმის მთელ ტერიტორიაზე მოსავალი გაანადგურა. დასავლეთში თხილს "ნაცარი", ხოლო აღმოსავლეთ საქართველოში ვენახს "ჭრაქი" აზიანებს. ძლიერი წვიმისა და სეტყვისგან დაზიანდა ვენახი და საშემოდგომო ნათესები, ხოლო ხვნა-თესვის სამუშაოები ჯერაც არ დამთავრებულა. ხალხი შიშობს, რომ უშემოსავლო წელი იქნება, რასაც ექსპერტებიც ადასტურებენ.

ორ დღეში 63 მილიონ ლარზე მეტი - ეროვნული ბანკი ლარის გამყარების შესაჩერებლად მასშტაბურ ინტერვენციას აგრძელებს, მაგრამ კურსის დაჭერას მაინც ვერ ახერხებს. "რეზონანსის" პროგნოზი ამჯერადაც გამართლდა. ჯერ კიდევ მაისის ბოლოს ვწერდით, რომ ივნისის დასაწყისში ლარის მკვეთრი გამყარება დაიწყებოდა და ეს პროცესი 20 ივნისამდე გასტანდა. ასეთი ტენდენცია უკვე მეოთხე თვეა, გრძელდება. რომ არა სებ-ის ჩარევა, ლარის კურსი 2,10-ის ნიშნულს საკმაოდ ჩამოსცდებოდა.

2016 წლის პირველ კვარტალში საქართველოში განხორციელებული პირდაპირი უცხოური ინვესტიციის მოცულობა, წინა წლის ანალოგიურ პერიოდთან შედარებით, 103%-ით გაიზარდა და 376 მლნ აშშ დოლარს მიაღწია. ეს ბოლო 8 წლის ყველაზე მაღალი მაჩვენებელია. 2008 წლის | კვარტალში საქართველოში 537 დოლარის ინვესტიცია შემოვიდა, მას შემდეგ დღემდე ასეთი მაღალი შედეგი საოცნებო იყო.

1-ლი ივლისიდან გლეხები სასოფლო-სამეურნეო მიწებს საჯარო რეესტრში სრულიად დაირეგისტრირებენ. დაახლოებით 5 ჰა-მდე მიწის ფართობის აზომვითი სამუშაოების თანხასაც სახელმწიფო დაფარავს. საბოლოო მოცულობას ეკონომიკის სამინისტრო მალე განსაზღვრავს. მთლიანობაში რა დაუჯდება ბიუჯეტს მიწების უფასო რეგისტრაცია, ჯერჯერობით, უცნობია.

თურქეთისა და სომხეთის მოქალაქეები საქართველოში საწვავის შესაძენად ინტენსიურად შემოდიან. მაგალითად, აჭარაში ბენზინსა და დიზელს, გადამზიდავებთან ერთად, მეზობელი ქვეყნის მოქალაქეებიც ყიდულობენ. საქართველოში განსაკუთრებით დიდი ოდენობით საწვავის შესყიდვა უწევთ გადამზიდავებს, რომლებსაც იაფი ფასი იზიდავთ. თურქეთსა და სომხეთში საწვავის მაღალი ღირებულება აქციზის მაღალი გადასახადით არის განპირობებული.

საერთაშორისო ბაზრებზე შაქარი კატასტროფულად გაძვირდა. 1 ტონის ღირებულება 500 დოლარს გადასცდა. შაქარის ფასმა მოიმატა ადგილობრივ ბაზარზეც, რაც, სეზონიდან გამომდინარე (ახლა საზამთრო მარაგის მზადების დროა), საკმაოდ მძიმე ტვირთია მოსახლეობისთვის. მაღალ ნიშნულზეა ხორბლის ფასიც, თუმცა მალე ადგილობრივ ბაზარზე მოსავალს ელოდებიან და პურის გაძვირებას გამორიცხავენ.