ევროპარლამენტმა მხარი დაუჭირა, ევროპის კომისიის წინადადებას უკრაინისთვის უვიზო რეჟიმის მინიჭების შესახებ. როგორც უკრაინული მედია იტყობინება, უკრაინისთვის უვიზო რეჟიმის მინიჭებას მხარი დაუჭირა 521 დეპუტატმა, წინააღმდეგ ხმა მისცა 75-მა და თავი შეიკავა 36 დეპუტატმა.

კვირას, ოკუპირებულ ცხინვალში "საპრეზიდენტო არჩევნები" და რეგიონისთვის სახელის გადარქმევის საკითხზე "რეფერენდუმი" ჩატარდება. ადგილობრივმა მოსახლეობამ უნდა გადაწყვიტოს, დე ფაქტო რესპუბლიკას კვლავ "სამხრეთ ოსეთი" ერქმევა, თუ "სამხრეთ ოსეთი - ალანია".

"მეორე მოსმენის დროს გარკვეულ წინააღმდეგობებს ველოდებით. ეს რა თქმა უნდა ბიზნეს ასოციაციების მხრიდან შენიღბული სახით კეთდება, იმ მიზეზებით, რომ მცირე ბიზნესსა და რეკამას დააკლდება თამბაქოს რეკლამიდან მიღებული თანხა და ა.შ.", - აცხადებს "რეზონანსთან" პარლამენტის ჯანდაცვის კომიტეტის თავმჯდომარე აკაკი ზოიძე თამბაქოს კონტროლის კანონის გამკაცრებასთან დაკავშირებით.

"ოკუპანტებს ვერანაირ დისკომფორტს ვერ უქმნის გაეროს რეზოლუციები. მათთვის დისკომფორტი იქნება რაღარც ხელშესახები, ისეთი, რომ ცხვირში მოხვდეთ", - ამის შესახებ სოციალურ მეცნიერებათა დოქტორი, საერთაშორისო ურთიერთობების სპეციალისტი, თორნიკე შარაშენიძე "რეზონანსთან" საუბრისას აცხადებს.

რომელ პოლიტიკურ პარტიას მისცემდით ხმას, ადგილობრივი არჩევნები ერთი კვირის შემდეგ რომ ტარდებოდეს? - მსგავს შეკითხვას წელს, ოქტომბერში ჩასატარებელი თვითმმართველობის არჩევნების გამო, სოციოლოგები ბევრჯერ დასვამენ და სპეკულაციებიც თუ კრიტიკაც ბევრი იქნება იმაზე, ვის სჯერა და ვის არა საქართველოში ჩატარებული სოციოლოგიური კვლევების და კრიტიკა, რატომ არ ემთხვევა კვლევები არჩევნების შედეგებს.

იგეგმება თუ არა დიდი ოპოზიციური ერთობის ჩამოყალიბება და რა გეგმები აქვთ თვითმმართველობის არჩევნებთან დაკავშირებით, ამაზე "რეზონანსი" ანი მიროტაძეს გაესაუბრა.

კონსტიტუციონალისტი და პოლიტოლოგი ვახტანგ ძაბირაძე "მეტრონომთან" საუბრისას ამბობს, რომ ქვეყანაში მიმდინარე პროცესებიდან გამომდინარე, კვლევაში მოცემული პროცენტები და პარტიების რეიტინგი რეალობას ზუსტად ასახავს. მისი თქმით, ქვეყანაში სწორედ ისეთი პოლიტიკური მდგომარეობა და ვითარებაა, რაც კვლევების მიხედვით არის განაწილებული.

თბილისის ზღვის განვითარების გეგმის ილუსტრაციას, რომელიც საკრებულოს დამოუკიდებელმა დეპუტატმა, ალექსანდრე ელისაშვილმა სოციალურ ქსელში გამოაქვეყნა, დედაქალაქის მერი დავით ნარმანია "აბსურდს" უწოდებს და ამბობს, რომ "ამის გამო მკაცრად მოსთხოვს პასუხს, როდესაც საკრებულოში მივა."

საავტორო უფლების დაცვა თუ საპარლამენტო სხდომების გაშუქების შეზღუდვა - საპარლამენტო უმცირესობა საზოგადოებრივი მაუწყებლის დირექტორს ედავება. საპარლამენტო უმცირესობის დეპუტატის, ოთარ კახიძის განცხადებით, ამიერიდან კერძო ტელევიზიებს პარლამენტიდან მხოლოდ იმ სხდომის ლაივ-სტრიმი მიეწოდება, რომელიც საზოგადოებრივი მაუწყებლის მეორე არხის ეთერში გავა, რაზეც საზმაუში "რეზონანსს" განუცხადეს, რომ არანაირ შეზღუდვაზე საუბარი არ არის და უბრალოდ, ყველა ტელევიზიას საავტორო ნიშნის მითითება მოუწევს.

"რუსთავი 2"-ის სარჩელი საქართველოს ხელისუფლების წინააღმდეგ სტრასბურგის სასამართლოში უახლოეს მომავალში გაიგზავნება. მხარეებს უზენაესი სასამართლოს გადაწყვეტილების დასაბუთებული განჩინება უკვე გადაეგზავნათ. ტელეკომპანიის ადვოკატი თამთა მურადაშვილი სასამართლოს მხრიდან სელექციურ მიდგომაზე საუბრობს და დარწმუნებულია, რომ ევროპულ სასამართლოში წარმატებას მიაღწევენ. სასასმართლოს მხრიდან პოზიტიური მოლოდინი აქვს ქიბარ ხალვაშის ადვოკატსაც, თუმცა უახლოეს მომავალში დავის დასრულებამდე ტელევიზიაში არსებული სტატუს-კვოს შეცვლას არ ელოდება.

საქართველოში უმუშევრობის გადაჭრის გზები ჯერჯერობით არ არსებობს. მთავრობა მხოლოდ ციფრებს ამცირებს, რეალურად კი უმუშევართა მაჩვენებელი მაღალია და ქვეყანაში 34%-ის ფარგლებშია. გაერთიანებულ პროფკავშირებში მიაჩნიათ, რომ უმუშევართა რიცხვს ემატება იმ ადამიანების რაოდენობა, რომელთა საარსებო მინიმუმი 157 ლარია. ასეთი მოსახლეობის 22%-ია.

საქართველოს საგარეო ვალი დიდი სისწრაფით იზრდება. იმის ნაცვლად, რომ ვალის ტვირთი შემსუბუქდეს, მთავრობა მიდგომას არ ცვლის და ახალი ფინანსური ვალდებულებების აღებაზე უარს არ ამბობს. როგორც ჩანს, ხელისუფლების პრიორიტეტი არის არა ინვესტიციები და მეწარმეობის განვითარება, არამედ ვალის აღება. შესაბამისად, ქვეყანა "ვალების ეკონომიკის" მოდელს მიუბრუნდა.