"იმ ვითარებაში, როცა საქართველოს ბიუჯეტი და ეკონომიკა მდგრადი არაა, და შესაბამისად, საშუალება არ გვაქვს, ამდენ თვითმმართველ ერთეულს ფინანსურად ცალ-ცალკე დავეხმაროთ, თვითმმართველობის რეფორმა აუცილებელია. ამ შემთხვევაში მმართველი ძალის პოზიციას აბსოლუტურად ვიზიარებ და მივესალმები," - ამბობს "რეზონანსთან" საუბრისას პოლიტოლოგი იგორ კვესელავა და იქვე დასძნეს, რომ თვითმმართველობის რეფორმის იდეას საზოგადოებაც კარგად უნდა ხვდებოდეს.

სასოფლო-სამეურნეო მიწების უცხოელ მოქალაქეებზე მიყიდვის აკრძალვის საკითხმა დიდი დაპირისპირება გამოიწვია. პარლამენტის წევრები მკაცრ რეგულაციას მეტ-ნაკლებად ემხრობიან, თუმცა იმის გამო, რომ პოზიციას ხშირად იცვლის, მთავრობის დამოკიდებულება გაურკვეველია. სპეციალისტების აბსოლუტური უმრავლესობა კი იზიარებს აზრს, რომ სასოფლო-სამეურნეო მიწა, როგორც ფასდაუდებელი კაპიტალი, უცხოელებზე არ უნდა იყიდებოდეს.

ინფლაციის ნიშნული მარტში, თებერვალთან შედარებით, 10 წლის წინანდეი მაჩვენებელზე იყო. მარტში, წინა თვესთან შედარებით, შეინიშნებოდა დეფლაცია, მაგრამ ფასების ზრდის წლიურმა ინდექსმა მაინც 5,4 პროცენტს მიაღწია. სპეციალისტები მთელი წლის განმავლობაში მაღალ ინფლაციას ვარაუდობენ. შეიძლება წლის ბოლომდე ფასების საერთო დონე 7%-მდეც კი გაიზარდოს.

მთის კანონით გათვალისწინებული სოციალური და საგადასახადო შეღავათებით თითქმის ყველა კმაყოფილია, თუმცა უნდა ითქვას, რომ მთიან რეგიონებში ვითარება დიდად არ შეცვლილა. ადგილობრივები მთავრობის ინიციატივას აფასებენ, სპეციალისტები კი არასაკმარისად მიიჩნევენ. ჯერჯერობით საკუთარ მიწა-წყალზე დაბრუნების სურვილს მხოლოდ ერთეულები ამჟღავნებენ.

არამატერიალური კულტურული მემკვიდრეობის ძეგლთა ნუსხში 35 ძეგლია. სულ ახლახან კი ქართულ ტრადიციულ სუფრას - პურობის კულტურას არამატერიალური მემკვიდრეობის სტატუსი მიენიჭა. ანუ ქართული სუფრის ტრადიციები, თამადის ინსტიტუტი, სადღეგრძელოები უკვე კულტურული მემკვიდრეობაა, როგორც ქართული მრავალხმოვანება, ბერიკაობა, ცეკვა ფერხული, ქართული ქვევრი, ქვევრის ღვინის დაყენების ტრადიცია, რომელიც იუნესკოს არამატერიალური კულტურული მემკვიდრეობის ძეგლთა ნუსხაშია შესული და სხვა ნიმუშები.

ოკუპირებულ გალის რაიონში მცხოვრებ ეთნიკურ ქართველებს 30 მარტს ახალი სამართლებრივი სტატუსი მიანიჭეს. აფხაზეთის დე-ფაქტო მინისტრთა კაბინეტმა დაამტკიცა "უცხო ქვეყნის მოქალაქეებისთვის ან მოქალაქეობის არმქონე პირებისთვის" ახალი სტატუსის მინიჭების საკითხი.

7-წლიანი ტაიმ-აუტის შემდეგ თვითმმართველობის არჩევნებისთვის რესპუბლიკური პარტია და "თავისუფული დემოკრატები", შესაძლოა, კიდევ ერთხელ გაერთიანდნენ. ამ ეტაპზე აქტიური კონსულტაციები ჯერ არ დაუწყიათ, მაგრამ ერთმანეთის მიმართ სიმპათიას ღიად გამოხატავენ და არც იმას გამორიცხავენ, რომ გაერთიანების საკითხზე აქტიური მოლაპარაკება დაიწყონ.

რამდენიმე დღის წინ ცნობილი გახდა, რომ 9 აპრილისთვის ცნობილი რუსი მწერლის, მიხეილ შოლოხოვის სახელგანთქმული რომანი "წყნარი დონი" ცენზურის გარეშე პირველად გამოიცემა. ეს სწორედ ის რომანია, რომლის გამოც მწერალმა ნობელის პრემია მიიღო.

ისტორიის ანალებს არაერთი საინტერესო ფურცელი შემოუნახავს. შიდა დაპირისპირებები, პოლიტიკურ ძალთა მუდმივი ცვალებადობა და დაჯგუფებები ინტრიგათა ქსელის საინტერესო ვარიაციებს გვთავაზობს.

სამყარო რომ გამუდმებით ფართოვდება, ამაზე უკვე აღარავინ დავობს, თუმცა სამეცნიერო წრეებში 80 წელია, ამის სიჩქარეზე ვერ თანხმდებიან. რაც უნდა იყოს, ახალი აღმოჩენა, ფაქტობრივად, ყველა მათგანს უარყოფს, მათ შორის აინშტაინის ფარდობითობის თეორიას. ასტრონომებმა გალაქტიკების ჯგუფს მიაკვლიეს, რომელიც იმაზე სწრაფად შორდება ჩვენს ირმის ნახტომს, ვიდრე ვინმეს წარმოედგინა.

მსოფლიოში პირველი ტვინით კონტროლირებადი მოწყობილობა, რომელიც ოჰაიოს უნივერსიტეტში შექმნეს, ტეტრპლეგიით დაავადებულ ადამიანს კიდურების მოძრაობის საშუალებას აძლევს. მთავარია, პაციენტმა გონების კონცენტრირება მოახდინოს და წარმოიდგინოს, რომ ხელებს ამოძრავებს, რეალობად მის აზრებს ნეიროპროთეზი აქცევს. იგი პირველ პაციენტზე წარმატებით დაიტესტა, თუმცა, თავად მკვლევართა შეფასებით, სისტემა სრულყოფილი ჯერ კიდევ არ არის. მათი მიზანია, მოწყობილობა უფრო კომპაქტური და მრავალფუნქციური გახადონ.

მკვლევარებმა ისპანახის ფოთლის უნიკალურ თვისებას მიაგნეს. გარდა არაერთი სამკურნალო თვისებისა, ისპანახს სისხლის გატარების უნარიც აღმოაჩნდა, რაც მეცნიერებს ადამიანის დაზიანებული ქსოვილების ჩანაცვლების საშუალებას აძლევს.