ოკუპირებულ აფხაზეთში ე.წ. საპარლამენტო არჩევნების ციებ-ცხელება ახლა უკვე 26 მარტს დანიშნული მეორე ტურისთვის გრძელდება, რადგან პირველ ტურში 35 მაჟორიტარული ოლქიდან მხოლოდ 12 "დეპუტატი" აირჩიეს. თანაც, მათი ნახევარი ყოფილი "პრეზიდენტის" ალექსანდრე ანქვაბის გუნდის წევრია, მოქმედი "პრეზიდენტის" გუნდმა კი კრახი განიცადა, მხოლოდ 3 კაცის გაყვანა შეძლო, რის გამოც ქართველი ანალიტიკოსები ბევრად დაძაბულ მეორე ტურს ელოდებიან და აცხადებენ, რომ ხაჯიმბას კლანი 26 მარტს ყველანაირი ხერხით ეცდება, ახლა მაინც არ იწვნიოს დამარცხება.

რესპუბლიკური პარტიის ერთ-ერთი ლიდერი ლევან ბერძენიშვილი ბათუმში 11 მარტს განვითარებულ მოვლენებთან დაკავშირებით ამბობს, რომ პრემიერმა რეაგირება აშკარად დააგვიანა და ამასთან დაკავშირებით სვამს რიტორიკულ კითხვას: "სად იყო ის აქამდე? შეიძლება იმ ადამიანს ეძინა, ვისთვისაც ჭკუა უნდა ეკითხა და გაღვიძება ვერ შეჰბედა."

პოლიტოლოგი და კონფლიქტოლოგი მამუკა არეშიძე მიიჩნევს, რომ მოსმენის კანონის ირგვლივ შექმნილი ურთიერთწინააღმდეგობა სხვა არაფერია, თუ არა ჭიქაში ატეხილი ქარიშხალი. პოლიტოლოგი ამგვარ დამოკიდებულებას იმით ხსნის, რომ ხელისუფლების სურვილის შემთხვევაში, მოქალაქეების მოსმენა მაინც გაგრძელდება და, შესაბამისად, არსებითი მნიშვნელობა არ აქვს, თუ ვის ხელში იქნება მართვის მექანიზმი, ანუ ე.წ. გასაღები.

"ერთიანი ნაციონალური მოძრაობის" პოლიტსაბჭოს წევრის ხატია დეკანოიძის შვილი ნარკოდანაშაულის ბრალდებით დააკავეს და აღმკვეთი ღონისძიების სახით სასამართლომ გუშინ 2-თვიანი წინასწარი პატიმრობა შეუფარდა.

ე.წ. შეწყალების სკანდალთან დაკავშირებით დეპუტატ ეკა ბესელიასა და საკრებულოს წევრის, ალეკო ელისაშვილის დაპირისპირება გრძელდება, თუმცა ამჯერად სასამართლოში. "ოცნების" ერთ-ერთი ლიდერი ცილისწამების გამო ალეკო ელისაშვილისთვის 20 500-ლარიანი ჯარიმის დაკისრებას ითხოვს. მოუწევს თუ არა ოპოზიციონერ დეპუტატს ამ თანხის გადახდა, 20 მარტს გაირკვევა, მანამდე კი ორივე მხარე გამარჯვებაში დარწმუნებულია.

ათონელის ქუჩაზე მდებარე პრეზიდენტის რეზიდენცია, რომლის რეკონსტრუქციისთვის 26 მილიონი ლარი დაიხარჯა, კვლავ უფუნქციოა. თუ რომელი სამთავრობო უწყება განთავსდება ამ შენობაში, ამ დრომდე გაურკვეველია.

საქართველოს რეგიონებში ბზის დაავადებას კიდევ ებრძვიან. მცენარეთა 95% განადგურებულია. ასწლოვანი და მეტი ასაკის ბზის ხეები მასობრივად გახმა. სპეციალისტები მოსახლებას მოუწოდებენ, თავადაც შეიტანონ წვლილი მცენარის გადარჩენაში.

ზამთრის კურორტებზე დასვენებას, ფინანსური პრობლემების გამო, ადგილობრივი მოსახლეობის დიდი ნაწილი ვერ ახერხებს. წლიდან წლამდე მთის კურორტებს ერთი და იგივე ადამიანები სტუმრობენ. გაუფასურებული ლარი ერთ-ერთი მიზეზია იმისა, რომ "თეთრი კურორტები" ადგილობრივი დამსვენებლების სიმცირეს განიცდიან.

დროსთან ერთად თანდათანობით ყველაფერი სახეს იცვლის, ერთ-ერთი კი ენისა და სასაუბრო მანერის სტილია. თაობებს სხვადასხვა სიტყვები, ჟარგონები, ბარბარიზმები შემოაქვთ და ასე გარდაიქმნება ყოველდღიური სასაუბრო ლექსიკონიც. პარალელურად შეიცვალა საუბრის ტონიც და მიმართვის მანერაც. წინა საუკუნეში თუ მაღალი რანგის ადამიანთან ან უბრალოდ უფროსი ასაკის ადამიანთან არჩევდნენ საუბრის ტონს და სიტყვებსაც შესაბამისს ეძებდნენ, დღესდღეობით ასე აღარ არის. ასაკი იშვიათად განაპირობებს საუბრის მანერის გარკვეულ ჩარჩოს.

"რუსთავის აზოტს" თანამშრომლების შენარჩუნება გაუჭირდება. ევროპის რეკონსტრუქციისა და განვითარების ბანკის მხრიდან დაფინანსებაზე უარის თქმა გარდა იმისა, რომ საწარმოს განვითარებას შეაფერხებს, საფრთხეს დასაქმებულებსაც შეუქმნის. სულ ახლახან გახდა ცნობილი, რომ ევრობანკი "რუსთავის აზოტს" 125 მილიონი დოლარის დაფინანსებას აღარ გამოუყოფს. ფაქტია, რომ ქარხანა კარგავს ამ შემოსავალს, შესაბამისად, მისი განვითარება წელს ვერ მოხერხდება.

ბათუმის 11-12 მარტის 12-საათიანი უმართავი თუ ვინმეს მიერ მართული აგრესიის შემდეგ პოზიცია-ოპოზიცია ისევ ერთმანეთისკენ თითის გაშვერასა და ურთიერთბრალდებებში არიან, ანალიტიკოსები კი აცხადებენ, რომ მოსახლეობაში ნელ-ნელა აგრესია დაგროვდა და ახალგაზრდებმა დაიწყეს გამოსვლები, უფრო აგრესიული, ვიდრე ამას მიჩვეულები ვიყავით და სამომავლოდ ახალგაზრდების მიერ კიდევ არაერთ ამგვარ სახიფათო, ქვებით და ცეცხლის წაკიდებით აგრესიას პროგნოზირებენ.

ანალიტიკოსი და ბიძინა ივანიშვილის ყოფილი მრჩეველი გია ხუხაშვილი ამბობს, რომ ბათუმში მოხმდარი ფაქტი მოსალოდნელი იყო, რადგანაც ქვეყანაში მძიმე სოციალური კრიზისია. ხუხაშვილის აზრით, ეს იყო სპონტანური სოციალური ბუნტი, რომლის გამოყენებაც გარკვეულმა ძალებმა სცადეს.