"ძალიან კარგად ვხვდები, რომ ქვეყანა არის უაღრესად რთულ ეკონომიკურ ვითარებაში. ვხვდები იმასაც, რომ ეს მხოლოდ მსოფლიო კრიზისს არ უკავშირდება, მაგრამ იმედს ვიტოვებ, რომ მთავრობის ეკონომიკურ გუნდს ეს ყველაფერი კარგად ესმის და თავის პოლიტიკურ ხვალინდელ დღეს სასწორზე არ შემოდებენ. თუ ამას არ გააკეთებენ, მაშინ რასაკვირველია, სოციალურ ჯანყსაც მივიღებთ", - ამბობს "რეზონანსთან" საუბრისას ანალიტიკოსი მამუკა არეშიძე.

საპარლამენტო უმრავლესობის წევრი გუგული მაღრაძე ვიზალიბერალიზაციასა და არჩევნებს წლის ყველაზე მნიშვნელოვან პოზიტიურ მოვლენად ასახელებს და ამბობს, რომ ეს ხელისუფლების დამსახურებაა.

საპარლამენტო უმცირესობის წევრი სერგი კაპანაძე 2016 წელს არცთუ წარმატებულად აფასებს და ამბობს, რომ საშინაო პოლიტიკაში პროცესები უარყოფითად განვითარდა. პირველ რიგში კი ეკონომიკურ სირთულეებს ასახელებს და დასძენს, რომ მათი გადაჭრის იმედი არც 2017 წელს აქვს.

მთავრობამ წლის განმავლობაში რამდენჯერმე შეცვალა ეკონომიკური მაჩვენებელი და როგორც ირკვევა, მინიმალურ მაჩვენებელსაც ვერ ასრულებს. საეჭვოა, წლის ბოლოს მთლიანი შიგა პროდუქტი დაგეგმილი 2,7%-ით მაინც გაიზარდოს. ეს ნიშნავს, რომ მთავრობამ მორიგ ამოცანას ვერ გაართვა თავი.

ბოლო ერთ კვირაში ქართულ ბაზარზე საწვავის ფასმა 5 თეთრით, ხოლო დაახლოებით თვენახევარში 20-25 თეთრით მოიმატა. იმპორტიორების შეფასებით, საცალო ბაზარზე ფასის ზრდა ნაწილობრივ უკავშირდება აქციზის გაორმაგების მოლოდინს, რაზეც დამატებით რამდენიმე სხვა ფაქტორმაც მოახდინა გავლენა. განსაკუთრებით თვალშისაცემია მსოფლიო ბაზარზე "შავი ოქროს" გაძვირების ტენდენცია.

საშობაოდ და საახალწლოდ ფასები მთელ მსოფლიოში იზრდება. პროდუქციის გაძვირება მომხმარებლის მხრიდან მოთხოვნის ზრდიდან მომდინარეობს. ამ პერიოდში ყველა ცდილობს შეიძინოს საჩუქრები, საახალწლო დეკორაციები, სხვადასხვა ნუგბარი და ა.შ. განსაკუთრებული ყურადღება ეთმობა სათამაშოებს და პარფიუმერიას.

მომავალი იანვარი სავალუტო ბაზრისთვის რთული იქნება. ამას ფინანსისტებიც ადასტურებენ. მათი ვარაუდით, კრიზისულ პერიოდში ლარის გაუფასურება აშკარა იქნება. ამიტომ ახალი წლის შემდგომ პერიოდს ყველა უიმედოდ უყურებს.

"როგორც ჩანს, საქართველოს პოლიტიკურ ელიტას ძალიან უმწიფრად მიაჩნია საკუთარი თავი და არ აქვს საკუთარი პოლიტიკური ცოდნისა და გამოცდილების იმედი მომავალი არჩევნების მოსაგებად. აქედან გამომდინარე, პოლიტიკურმა ელიტამ თავისი მდგრადობისათვის მოიფიქრა ცენტრალიზებული მედია-მონარქის შექმნა, რომელიც მომავალში გაამარჯვებინებს ნებისმიერ პოლიტიკურ ძალას, თუნდაც ის პოლიტიკურად გაუნათლებელი ადამიანებისაგან შედგებოდეს", - აცხადებს პოლიტმარკეტინგის სპეციალისტი, პროფესორი კახაბერ ჯაყელი, რომელსაც "რეზონანსი" ქართულ მედია ბაზარზე მოსალოდნელ ცვლილებებთან დაკავშირებით ესაუბრა.

2016 წელი განსაკუთრებული სისასტიკით ჩადენილი დანაშაულებით იყო გამორჩეული, რომლებიც საყოველთაო განხილვის საგანი გახდა და გარკვეული ვნებათაღელვაც გამოიწვია.

ისტორიულმა პროცესებმა არაერთგზის დაამტკიცა - ერთიანი კავკასიის იდეა აქ მოსახლე ხალხებისათვის საკუთარი ქვეყნის განვითარებისა და მტერთაგან თავდაცვის უნიკალურ შესაძლებლობებს რომ იძლევა. დავითისა და თამარის ფორმაციის სამეფო სწორედ ერთიან კავკასიას მოიცავდა. ეს იყო მტკიცე ზღუდე სხვადასხვა პოლიტიკური ძალისთვის, რამდენადაც მათ აქ პლაცდარმი არ გააჩნდათ და თავის დამკვიდრება არ შეეძლოთ.

"თუ სირიის საკითხი რუსეთ-თურქეთ-ირანმა ბოლომდე მიიყვანეს, რუსეთის სამხედრო-დიპლომატიური აქტივობის შემდგომი სამიზნე უკრაინა და კავკასია იქნება", - ასე აფასებს ბრიგადის გენერალი, ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე, სირიაში ცეცხლის შეწყვეტის თაობაზე მიღწეულ შეთანხმებას.

"დიახ, 2017 წელი იქნება ძალიან მაგარი წელი", - 2016 წლის ანგარიშის ჩაბარებისას დააანონსა პრემიერმა გიორგი კვირიკაშვილმა, რაც ექსპერტების შეფასებით, დემაგოგიას და სადღეგრძელოს უფრო ჰგავს, რეალურად კი 2017 წელი უფრო რთული იქნება და ამ "ძალიან მაგარ წელს" მოსახლეობა ვერ დაინახავს ისე, როგორც ექსპრემიერ ივანიშვილის მიერ პროგნოზირებული "მეოთხე საოცნებო წელი" ვერ დაინახა ვერავინ და ვერც ჯიბეზე იგრძნო დადებითად.