ოკუპირებული აფხაზეთის დე ფაქტო პრეზიდენტი რაულ ხაჯიმბა აცხადებს, რომ ჟენევის დისკუსიები აფხაზეთს არაფერს დადებითს არ აძლევს და აფხაზები საერთაშორისო სამართლით დაწესებული ნორმებით ვერ სარგებლობენ. ამიტომაც ამ ფორმატში მოლაპარაკების გაგრძელების აზრს ვერ ხედავს.

საგარეო საქმეთა მინისტრის, მიხეილ ჯანელიძის განცხადებით, საქართველო რუსეთთან კონსტრუქციული და პრაგმატული პოლიტიკის განხორციელებას გეგმავს. ამის შესახებ მინისტრმა შემაჯამებელ პრესკონფერენციაზე განაცხადა და აღნიშნა, რომ ამ დროისთვის რუსეთ-საქართველოს ურთიერთობის ფორმატმა სხვადასხვა მიმართულებით გარკვეული პროგრესი უკვე მოიტანა.

სანამ ავღანეთის ქალაქ ყანდაარამდე მივალთ, რამდენიმე კილომეტრის დაშორებით მარმარილოს უზარმაზარ სვეტს შევხვდებით, რომელსაც საკმაოდ უცნაური წარწერა ამშვენებს: "შენ ეი, მგზავრო, წამით შეყოვნდი და დაიმახსოვრე - ბევრი ეცადა ავღანეთის დაპყრობას, მაგრამ ვერავინ შეძლო, ალაჰის ნებით, მხოლოდ სამმა სარდალმა მოახერხა მამაცი ავღანელების დამარცხება."

არჩევნების შემდეგ ქართულ მედიასივრცეში მორიგი წინასწარდაანონსებული ძვრა დაიწყო. ახალი წლის შემდეგ ტელეკომპანიებს "მაესტროსა" და ჯი-დი-ესს ახალი მფლობელი ეყოლება. გარდაცვლილი ბიზნესმენის, ბადრი პატარკაციშვილის ქვრივი ინა გუდავაძე სამი ტელევიზიის გაერთიანებით ერთ დიდ მედიაჰოლდინგს ქმნის. მედიაექსპერტები ხელისუფლების მხრიდან ტელესივრცის გაკონტროლებაზე უკვე ღიად ალაპარაკდნენ.

"ნაცმოძრაობის" 20 იანვარს დაგეგმილ ყრილობას ბოკერია-ბაქრაძის გუნდმა შეიძლება ბოიკოტი შეკრების "არალეგიტიმურობის" მიზეზით გამოუცხადოს. გიგა ბოკერია სააკაშვილის უშუალო მხარდამჭერებს "ბინძურ კამპანიაში" ადანაშაულებს, სააკაშვილის, გუნდის წვერები კი აცხადებენ, რომ მთელ პარტიას ეწინააღმდეგება "დესტრუქციული" 24 კაცი და თუ ისინი ყრილობაზე არ მივლენ და პარტიის დატოვებასაც გადაწყვეტენ, ამით "ნაციონალურ მოძრაობას" არაფერი დააკლდება.

ტელეკომპანია "მაესტროს" 55%-იანი წილის მფლობელის, გია გაჩეჩილაძის, იგივე "უცნობის" თქმით, ტელევიზიების გაერთიანების მიზანი საქართველოში მედიის განვითარება და არსებული სიტუაციის დალაგებაა. მისივე მტკიცებით, სიტყვის თავისუფლებას საფრთხე არ ემუქრება.

"მთელი წლის განმავლობაში ჩვენი ხელისუფლება ადასტურებდა იმას, რომ არის ქმედუუნარო, ანუ არ აკეთებდა იმას, რაც აუცილებელია იმისათვის, რომ საქართველოში დაიწყოს განვითარება, ეკონომიკური აღმავლობა, სამუშაო ადგილების შექმნა და ა.შ." - აცხადებს პეტრე მამრაძე, რომელსაც "რეზონანსი" 2016 წლის ქართულ პოლიტიკაში განვითარებულ მოვლენებზე ესაუბრა.

რესპუბლიკური პარტიის ყოფილი ლიდერები ახალ პოლიტიკურ ძალას ქმნიან. ამის შესახებ ინფორმაციას თავად ყოფილი რესპუბლიკელები ადასტურებენ და აცხადებენ, რომ სავარაუდოდ თებერვალში საზოგადოება ახალი პარტიის შესახებ დაზუსტებულ ინფორმაციას მიიღებს. პრინციპში, უკვე ისიც ცნობილია, რომ ახალი პოლიტიკური გაერთიანების ლიდერი პარლამენტის ყოფილი თავმჯდომარე, ასევე ყოფილი რესპუბლიკელი დავით უსუფაშვილი იქნება. ვინ დააკმოპლექტებს ამ ძალას და როგორი იქნება მათი პოლიტიკა, ეს მედიისთვის ჯერ კიდევ უცნობია.

"ვშიშობ, ეს გადანაწილება არ მოხდეს თავისუფალი მედიის ხარჯზე იმიტომ, რომ რეალურად აღარ რჩება არხი, სადაც შეიძლება განსხვავებული აზრის მოსმენა იყოს შესაძლებელი," - ამბობს "რეზონანსთან" საუბრისას "ეროვნული ფორუმის" ერთ-ერთი ლიდერი ანი მიროტაძე.

"ჩვენი პოლიტიკური პარტიების ერთ-ერთი სისუსტე ისაა, რომ ისინი საზოგადოებაში დასაყრდენს ვერ პოულობენ და შესაბამისად სხვადასხვა ინტერესთა ჯგუფების ხედვას ვერ ასახავენ," - ამბობს "რეზონანსთან" საუბრისას პოლიტოლოგი კორნელი კაკაჩია და დასძენს, რომ იმ შემთხვევაში, თუკი რესპუბლიკური პარტიის ყოფილი ლიდერები ახალ პოლიტიკურ ძალას ამ პრინციპების გვერდის ავლით შექმნიან, მაშინ ის ვერ გახდება ძალა, რომელსაც პოლიტიკაზე რაიმე ტიპის გავლენა ექნება.

თბილისური რესტორნები უცხოელი სტუმრების იმედად არიან. როგორც მენეჯერები ამბობენ, ადგილობრივი მომხმარებელების მხრიდან პასიურობა შეინიშნება, რასაც ისინი ფინანსურ კრიზისს უკავშირებენ. რესტორნის მეპატრონეები ამბობენ, რომ 2016 წელი მათთვის არასახარბიელო იყო და ამ დანაკლისის შევსებას ისინი სადღესასწაულო დღეებში ვარაუდობენ.

განათლებისა და მეცნიერების მინისტრის, ალექსანდრე ჯეჯელავას დაანონსებულ სიახლეებს ელექტრონული წიგნებისა და სასკოლო სახელმძღვანელოების ზომის შემცირებასთან დაკავშირებით, განათლების ექსპერტთა ნაწილი ნაჩქარევს უწოდებს და აღნიშანვს, რომ ამ სიახლეებს გაანალიზება და მოსახლეობისთვის სწორად მიწოდება სჭირდება.