მთავრობის ინიციატივას, რომ სესხების ლარში გადატანის ხარჯების სუბსიდირება მოახდინოს, საზოგადოების მხრიდან კრიტიკა მოჰყვა. ექსპერტები "გალარების" პროექტის მიმართ უარყოფითად განეწყვნენ. მათი შეფასებით, მთავრობა მიიღებს ზვავს, რომელიც ყველას ერთად ჩაიტანს.

გარემოს ეროვნული სააგენტოს მონაცემებით, ოქტომბერში თბილისის ზოგიერთ უბანში და რეგიონებში აზოტის ოქსიდის, აზოტის დიოქსიდისა და მტვრის რაოდენობა ნორმას აღემატებოდა. ეს ჰაერის ის შემადგენელი კომპონენტებია, რომელიც სასუნთქი გზების, გულსისხლძაღვთა დაავადებებს და ფილტვის სიმსივნესაც კი იწვევს, უკვე არსებულ დაავადებებს კი ამწვავებს.

ტრანსგენდერ ქალებზე საჯარო თავშეყრის ადგილებში ძალადობა ბოლო რამდენიმე დღის განმავლობაში განსაკუთრებით გახშირდა. "ქალთა ინიციატივების მხარდამჭერი ჯგუფი" სამართალდამცავ ორგანოებს მოუწოდებს, რომ პატრულირება ქალაქის ისეთ წერტილებში გააძლიეროს, სადაც დანაშაულის ჩადენის ალბათობამ იმატა.

კომუნალური ტარიფები გაძვირების ზღვარზეა. მიუხედავად იმისა, რომ ენერგოკომპანიებს მძიმე დრო უდგათ, გადასახადის გაძვირებაზე ჯერჯერობით არ საუბრობენ. მათი უმეტესობა ირწმუნება კიდეც, რომ სემეკისთვის ტარიფის გაზრდის მოთხოვნით არ მიუმართავთ. ამას სემეკშიც ადასტურებენ. მიუხედავად ამისა, ძნელად სავარაუდოა, ლარის რეკორდულ გაუფასურებას კომუნალურმა ტარიფებმა გაუძლოს. ენერგეტიკოსები ფიქრობენ, რომ მოსახლეობას დენის გადასახადი, მინიმუმ, 2 თეთრით გაუძვირდება. არ არის გამორიცხული, სატარიფო ცვლილება ზაფხულში განხორციელდეს, რათა ხალხს გამოზამთრების საშუალება მისცენ.

პოლიტოლოგი მამუკა არეშიძე მიიჩნევს, რომ მიუხედავად ხელისუფლების მიერ დაანონსებული რამდენიმე მნიშვნელოვანი რეფორმისა, ეს გზავნილები უკანასკნელ დღეებში მიმდინარე ეკონომიკურმა მოვლენებმა გადაფარა. ამასთან, კონფლიქტოლოგი ფიქრობს, რომ მთავრობა ვერ ახერხებს საზოგადოებას მოსალოდნელი ცვლილებების მოტივი და შესაბამისად, ამით სამომავლოდ მიღებული კარგი თუ ცუდი შედეგი აუხსნას. მისი აზრით, მმართველი პარტია ცდება, როცა "ნაციონალური მოძრაობის" ავკარგიანობაზე აპელირებს, რადგან ახლა ეს რიტორიკა საქმიანი დებატებითა და შედეგზე გათვლილი საუბრით უნდა ჩანაცვლდეს.

კონსტიტუციონალისტი და პოლიტოლოგი ვახტანგ ძაბირაძე ამბობს, რომ მთავრობის პირველი სხდომა და პრემიერის ინიციატივები ორაზროვანი და ბუნდოვანია, რომლის განხორციელებასაც სწორი ეკონომიკური და პოლიტიკური ანალიზი სჭირდება. მისი თქმით, მთავრობამ სასწრაფოდ უნდა გადადგას ქმედითი ნაბიჯები, წინააღმდეგ შემთხვევაში, გაზაფხულზე მივიღებთ პროტესტს, რომელიც დიდი ალბათობით, ქუჩაში გადაინაცვლებს.

პოლიტოლოგი სისო ცისკარიშვილი ლარის კატასტროფულ გაუფასურებას გარკვეულწილად მის გარშემო შექმნილ აჟიოტაჟს უკავშირებს და ამბობს, რომ ამ თემაზე პანიკისა და მითქმა-მოთქმის თუნდაც რამდენიმედღიანი შეჩერება სიტუაციას ბევრად დაასტაბილურებდა.

შავ ზღვაში ვითარება იძაბება. გუშინ უკრაინამ ყირიმთან ორდღიანი სარაკეტო წვრთნები დაიწყო, საპასუხოდ კი რუსეთის სამხედრო გემებმა შავ ზღვაში პოზიციები დაიკავეს და კიევს რაკეტების ჩამოგდებითა და გამშვები პუნქტების დაბომბვით დაემუქრნენ.

თავდაცვის სამინისტრომ საჰაერო ავიაციის და თავდაცვის სარდლობაში სერგო ნინუასა და გიორგი ცაბაძის თანამდებობებზე აღდგენის ბრძანება გასცა. სამინისტროს ინფორმაციით, აღნიშნულ პირებზე თავდაცვის სამინისტროს გენერალურმა ინსპექციამ მოკვლევა დაასრულა, რის შედეგადაც გაირკვა, რომ მედიაში გაჟღერებული ბრალდება, რომლის მიხედვითაც სამხედრო მოსამსახურეები 2012 წლის არჩევნების წინ ძალისმიერი მეთოდებით ერეოდნენ პოლიტიკურ პროცესებში, არ დასტურდება.

"ქართული ანბანის სამი სახეობის ცოცხალი კულტურა" იუნესკოს (გაერთიანებული ერების განათლების, მეცნიერებისა და კულტურის ორგანიზაცია) არამატერიალური კულტურული მემკვიდრეობის წარმომადგენლობით ნუსხაში შეიტანეს. ეს გადაწყვეტილება კი იუნესკოს არამატერიალური მემკვიდრეობის მთავრობათაშორისმა კომიტეტმა მე-11 სესიაზე, ეთიოპიის დედაქალაქ ადის-აბებაში 30 ნოემბერს მიიღო.

სულ ცოტა ხნის წინ დარეგულირებული რუსულ-თურქული ურთიერთობები ისევ დაიძაბა. ამის მიზეზი სტამბოლში გამართულ "იერუსალიმის საკითხის პლატფორმაზე" თურქეთის პრეზიდენტის, რეჯეფ ტაეფ ერდოღანის მიერ გაკეთებული ხმამაღალი განცხადებაა, რომ სირიის ჩრდილოეთში მყოფი თურქული სამხედრო ნაწილების მთავარი ამოცნა საზღვრისპირა რეგიონებიდან ისლამისტებისა და ქურთისტანი მუშათა პარტიის მებრძოლების განდევნა როდია...

სავალუტო ბაზარზე ლარის თავბრუდამხვევმა დაცემამ დიდი პანიკა და აჟიოტაჟი გამოიწვია. პარალელურად სავალუტო ბაზარზე სპეკულაციის ნიშნები გამოიკვეთა. მთელი ქვეყანა შოკში ჩავარდა, ბიზნესმა და მოსახლეობამ ფსიქოლოგიური დარტყმა მიიღო.