თბილისის ავიამიმოსვლა ძვირდება. როგორც "ბიზნეს რეზონანსს" "ტავ ჯორჯიაში" განუცხადეს, ახალი ხელშეკრულების მიხედვით, კომპანია 2017 წლის 1-ლი მარტიდან აეროპორტის მოსაკრებელს 2 დოლარით - 22 დოლარიდან 24 დოლარამდე - გაზრდის. 2023 წლის 1-ელ მარტს კი ტარიფი 25 დოლარი გახდება. ავიაკომპანიის წარმომადგენლები მოსალოდნელ ცვლილებას კრიტიკულად აფასებენ და ამტკიცებენ, რომ ეს მგზავრთა ნაკადის შემცირებას გამოიწვევს.

თურქეთში 15 ივლისს სამხედრო გადატრიალება არ შედგა, რეჯეპ ტაიპ ერდოღანის ხელისუფლებამ ძალაუფლება შეინარჩუნა. დასახელდა კიდეც ამბოხის სავარაუდო იდეოლოგი - ერდოღანის ყოფილი თანამებრძოლი და ახლა მისი ყველაზე გავლენიანი მოწინააღმდეგე, აშშ-ში მცხოვრები სასულიერო ლიდერი ფეთჰულა გიულენი, რომლის გამოც ანკარა-ვაშინგტონს შორის დაძაბული განცხადებებიც გაკეთდა.

რეგიონში დაძაბული სიტუაციის ფონზე არსებობს თუ არა იმის საფრთხე, რომ სამხრეთ კავკასიაში სირიის მსგავსი კრიზისი დაიწყოს. მოსკოვში ფიქრობენ, რომ ამის ალბათობა საკმაოდ მაღალია და დაუფარავად აცხადებენ, რომ ემზადებიან კიდეც ამისთვის.

პარტია "ქართული ოცნების" საარჩევნო სიის ახალი სახეების ნაწილი მაჟორიტარ კანდიდატებად განიხილება. პარტიის გენერალური მდივნის ირაკლი კობახიძის თქმით, ამ შემთხვევაში სხვადასხვა ვარიანტი მუშავდება, თუმცა ჯერჯერობით ვერ დააკონკრეტებს. რაც შეეხება დანარჩენ კანდიდატებს, მათი ვინაობის დასახელება დღეიდან დაიწყება და აგვისტოს დასაწყისამდე დასრულდება.

"პირველი კადრი რომ ვნახე ტელევიზიით, თუ რა ხდებოდა ქვეყანაში, სადაც ვცხოვრობ, პირველი გასროლის ხმა რომ გავიგე, ერთადერთი, რაც მტკიოდა, ჩემს ქვეყანაში დატოვებული ჩემი ოჯახი იყო. ასეთ დროს ათასი ფიქრი გიტრიალებს და გული გეკუმშება, რომ ნების საწინააღმდეგოდ ოჯახისგან შორს ყოფნა გიწევს.

სამხედრო გადატრიალების მცდელობა მეზობელ სახელმწიფოში, რომელიც უშედეგოდ, თუმცა მსხვერპლით დასრულდა და მმართველი პარტიის საარჩევნო სიის ახალი სახეები - ეს ის საშინაო და საგარეო პოლიტიკის კვირის ყველაზე აქტუალური თემებია, რომელმაც საზოგადოებაში არაერთგვაროვანი რეაქცია გამოიწვია.

ფილოსოფოსმა ზაზა ფირალიშვილმა პარტია "თავისუფალი დემოკრატები" დატოვა. მისი თქმით, პოლიტიკაში თავს არაკომფორტულად გრძნობდა და სწორედ ამიტომ მიიღო ეს გადაწყვეტილება.

სადგურის მოედნის მიმდებარე ტერიტორიის მოსახლეობა ქალაქის მთავრობას დახმარებას სთხოვს - 25 წელია მათი ქუჩები მსუბუქი ყოფაქცევის ქალების შეკრების ადგილია. ამბობენ, რომ აქ ცხოვრება უკვე გაუსაძლისია, რადგან მათი სახლების ფანჯრების წინ მუდმივად ჩხუბი, გინება და აყალმაყალია.

მაკედონიის იმპერიამ გამორჩეული კვალი დააჩნია მსოფლიო ისტორიული პროცესის განვითარებას. სწორედ მაკედონელთა აღზევებით იწყება აღმოსავლეთსა და დასავლეთს შორის ის საინტერესო ურთიერთობები, დღეს რომ გლობალიზაციის სახელითაა ცნობილი.

"ვადამდელი დე ფაქტო საპრეზიდენტო არჩევნები ალბათ ვერ ჩატარდება. რომც ჩატარდეს, ეს არსებითად ვერ შეცვლის იმ მდგომარეობას, რომელიც დღეს აფხაზეთშია", - განაცხადა აფხაზეთის უმაღლესი საბჭოს საკონსტიტუციო და ადამიანის უფლებათა დაცვის კომისიის თავმჯდომარე ანზორ წოწონავამ, რომელსაც "მთელი კვირა" ბოლო დროს ოკუპირებულ აფხაზეთში განვითარებულ მოვლენებზე ესაუბრა.

ქართულ ისტორიოგრაფიაში არაერთი მასალა არსებობს, სადაც აღწერილია, თუ როგორ ახერხებდნენ ქართველი მეფეები, ყველაზე კრიზიულ დროშიც კი, პოლიტიკური მოლაპარაკებების გზით დაეხსნათ უცხო ქვეყნებში გაბნეული ქართული სიწმინდეები. ამ თემაზე დეტალური საუბარი შორს წაგვიყვანს, ამიტომ დღევანდელ სტატიაში მკითხველს შევახსენებთ ერთ ისტორიულ ფაქტს, რომელიც ეხება გიორგი ბრწყინვალის "ეგვიპტურ პოლიტიკას".

კავკასიოლოგი მამუკა არეშიძე ამბობს, რომ აბუ ომარ ალ-შიშანის სიკვდილი ტერორისტული დაჯგუფება "ისლამური სახელმწიფოსთვის" დიდი დანაკლისია. მისი თქმით, მის გარეშე ტერორისტებს საკვანძო ქალაქების, მოსულისა და რაქას დაცვა გაუჭირდებათ. ასევე ხალიფატს ჩეჩნეთიდან და სამხრეთ კავკასიიდან ახალი მებრძოლების გადაბირებაც გაუძნელდება. მართალია, მის შემცვლელს მაინც მოძებნიან, მაგრამ ახალი თაობა, რომლიც გარდაცვლილი ლიდერების ადგილს იკავებს, განსაკუთრებული სისატიკით და აგრესიით გამოირჩევა.