ტელეკომპანია "რუსთავი 2"-ის წილების საქმეზე სამართლებრივმა დავამ უზენაესში გადაინაცვლა. თუმცა საკასაციო საჩივარს დასაშვებად ცნობს თუ არა მესამე, და უკანასკნელი, ინსტანციის სასამართლო, დაახლოებით, 3 თვეში უნდა გაირკვეს. მანამდე ტელეკომპანიის გენერალური დირექტორი ნიკა გვარამია უზენაესი სასამართლოსადმი სპეციალურ მიმართვას ავრცელებს. ქიბარ ხალვაშის მხარეს კი პროცესის სწრაფად დასრულება სურს.

მთავრობამ კულტურის განვითარების გრძელვადიანი დოკუმენტი - "კულტურის სტრატეგია 2025" დაამტკიცა. დოკუმენტი კულტურისა და ძეგლთა დაცვის სამინისტრომ ფართო საზოგადოებისა და მთავრობის უწყებათაშორისი კომისიის ჩართულობით შეიმუშავა. როგორც სამინისტროში აცხადებენ, პირველად საქართველოს ისტორიაში შეიქმნა დოკუმენტი, რომელიც განსაზღვრავს სახელმწიფოს ხედვას, მიზნებსა და ამოცანებს, რომელთა განხორციელებაც ხელს კულტურის სხვადასხვა დარგის წინაშე არსებული პრობლემებისა და გამოწვევების ეტაპობრივად გადაჭრას შეუწყობს.

იმპორტიორები სურსათის მოსალოდნელ მკვეთრ გაძვირებაზე საუბრობენ. საერთაშორისო ბირჟებზე, პირველადი მოხმარების სასურსათო პროდუქტი გაძვირდა. ამას ემატება ის, რომ საქართველოს მთავარი სავაჭრო პარტნიორი ქვეყნების ვალუტები მყარდება, რაც საქართველოსთვის განკუთვნილი პროდუქტის ღირებულებას ზრდის. ყველაფერს "აგვირგვინებს" გაუფასურებული ლარი და, საბოლოო ჯამში, იმპორტირებული პროდუქტი საგრძნობლად გაძვირდება.

მთავრობა ზუგდიდის აეროდრომის მშენებლობისთვის ინვესტორს კვლავ ეძებს. საქართველოს აეროპორტების გაერთიანების მიერ მოწოდებული ინფორმაციის მიხედვით, წინადადებების წარმოდგენის ბოლო ვადა გაიზარდა. კერძო სექტორის პასიურობიდან გამომდინარე, ეკონომიკის სამინისტრომ, აეროპორტების გაერთიანებამ ასევე გაამარტივა პირობები, ვალდებულებები, რასაც ხელშეკრულება ითვალისწინებს. რაც შეეხება სხვა ქალაქებს, ახალი აეროდრომების მშენებლობა-რეაბილიტაციის მიმართულებით ჯერჯერობით სამუშაოების დაწყებას აეროპორტების გაერთიანებაში არ აპირებენ.

ოქროს გაძვირების ტენდენცია გრძელდება. 2016 წლის დასაწყისიდან ყვითელი ლითონი - 27%-ით, ხოლო ვერცხლი 47%-ით გაძვირდა. ზედიზედ რამდენიმე თვეა, უცხოურ ბაზარზე ძვირფასი ლითონის ფასი მატულობს. საერთაშორისო ცვლილებას ქართველი მოვაჭრეები დაგვიანებით პასუხობენ, თუმცა, რეალიზაციის სიმცირის გამო, ჯერჯერობით უმნიშვნელო გაძვირებას სჯერდებიან.

ბოლო რამდენიმე დღის განმავლობაში, ქალებზე ძალადობამ კვლავ საგანგაშო მასშტაბი მიიღო. გუშინ და გუშინწინ ქმრის ხელიდან ერთი დასახიჩრებული და ერთი დაღუპული ქალია. ქალთა უფლებებზე მომუშავე არასმთავრობო ორგანიზაციები ხელისუფლების მხრიდან სწრაფ და ადეკვატურ რეაგირებას ითხოვენ.

ლონდონის ცენტრში, ცნობილ ბრიტანულ მუზეუმში ინახება უნიკალური არტეფაქტი, ეგვიპტური მიცვალებულთა წიგნი, ანის პაპირუსი, მსოფლიოში დღემდე მოღწეული პირველი რელიგიური ტრაქტატი. ეს არის ყველაზე გამორჩეული მიცვალებულთა წიგნი, რომელიც დაახლოებით ძვ წ-აღ-ით 1250 წელსაა შექმნილი. ის შეიცავს 65 ლოცვას და მაგიურ შელოცვას, ასევე 150 ფერად ილუსტრაციას. ეს ყველაზე გრძელი პაპირუსია, რომელიც აქამდე აღმოუჩენიათ. მისი სიგრძე 24 მეტრს აღწევდა.

საქართველოს მთავრობა რთველის დაფინანსებას წელსაც განახორციელებს. შარშანდელთან შედარებით, გლეხები გაზრდილ სუბსიდიას მიიღებენ. ამჯერად საფერავის ჯიშის ყურძენზე თანხა - 20 თეთრი, რქაწითელზე კი 45 თეთრი იქნება. ქვეყნის პრემიერ-მინისტრი ირწმუნება, რომ ჩაუბარებელი ყურძენი არსად დარჩება.

"40 წლის შემდეგ არ გამოვრიცხავ, ხელისუფლების სათავეშიც კი მოვიდნენ ყოველგვარი კოალიციის გარეშე, მაგრამ ახლა "რესპუბლიკელების" დრო და ადგილი არაა" - ასე აფასებს პოლიტოლოგი სოსო ცინცაძე რესპუბლიკური პარტიის საარჩევნო შანსს და დასძენს, რომ მათთვის ბარიერის გადალახვაც კი არაა გარანტირებული.

საქართველოს ერთ-ერთი უდიდესი სამშენებლო კომპანიის საქმეზე გუშინ ოთხივე ბრალდებულს წინასწარი პატიმრობა შეუფარდეს. მაია რჩეულიშვილი სასამართლო დარბაზში დააპატიმრეს, თავისი შვილი, გუკა კი მას შემდეგ აიყვანეს, რაც ინტერნეტით ვიდეო, მიმართვა გაავრცელა, სადაც ამბობდა, რომ ჩაბარებას აპირებდა. ამავე დროს პატიმრობაში დარჩნენ კვირას დაჭერილი სალომე ჩარკვიანი და ირაკლი მინდელი.

"ქართული ოცნების" საარჩევნო სიაზე მუშაობა უკვე დასრულებულია და მისი ოფიციალური პრეზენტაცია დღეს საგურამოში ილია ჭავჭავაძის სახლ-მუზეუმში გაიმართება. თუმცა მანამდე "რეზონანსმა" შეძლო, არაოფიციალურად მოეპოვებინა რამდენიმე მაჟორიტარობის კანდიდატის ვინაობა და პარტიული სიის ნაწილიც, მათგან ბევრი ძველი სახეა, ნაცნობიც და უცნობიც, ნაწილი კი - ახალი.

რამდენიმე დღეა, რაც ცესკო-ს თავმჯდომარის, თამარ ჟვანიას სამივლინებო ხარჯების ირგვლივ ატეხილი აჟიოტაჟი არ ცხრება. ამის მიზეზი კი "საზოგადოებრივი ინიციატივის" დამფუძნებლის ლაშა ფარულავას განცხადებაა, რომ ჟვანიამ 2015 წლის მაისში იამაიკაზე 14 ათასად ბიუჯეტის ხარჯზე დაისვენა.