თბილისში 650 მაღალსართულიანი კორპუსი ავარიულია. ეს დასკვნა მერიის კეთილმოწყობის სამსახურის დაკვეთით "თბილისის მუნიციპალურმა" ლაბორატორიამ გააკეთა. კორპუსების დაზიანება დიდწილად გრუნტის გამორეცხვით არის გამოწვეული, რაც ძალიან სახიფათო მდგომარეობას ქმნის. 4 სართულზე დაბალი საცხოვრებელი სახლების თითქმის 90%-ია ავარიული და ბევრი მათგანი უკვე გამაგრებასაც აღარ ექვემდებარება.

დღეს ლარის მომავალი ყველაზე მეტად გაურკვეველი და ბუნდოვანია. მთავრობა ცდილობს ხალხი 2,4-ის ნიშნულს შეაგუოს. ხალხი კი გაღიზიანებულია, ბიზნესი - დამფრთხალი, ხოლო ფინანსისტები - დაბნეულნი. არანაირი მინიშნება თუ რა შეიძლება მოხდეს ახლო ან თუნდაც შორეულ მომავალში, არ კეთდება.

ბოლო 10 წელიწადში ქვეყნიდან ვალის მომსახურებისთვის 24 მილიარდი დოლარი უნდა გავიდეს. კერძო სექტორს ყველაზე მეტი ვალი 2018 წლამდე აქვს გასასტუმრებელი. სწორედ ამიტომ ქვეყანა, პრაქტიკულად, ვერ ვითარდება და ყველაფერი ვალის გასტუმრებისკენ მიიმართება.

თბილისის მოსახლეობის უმეტესობა დასასვენებლად ვერ გადის. ძვირადღირებულ კურორტებზე დასვენებას ვინღა ჩივის, როცა ხალხს მამაპაპისეულ სახლში ჩასვლის საშუალებაც არ აქვს. მიმოსვლა განსაკუთრებით ისეთ ადგილებში ჭირს, სადაც ტრანსპორტი არ მოძრაობს და გადაადგილების პრობლემაა. ამიტომ ბევრი სახლი სოფელში, რომელსაც ქალაქში გადასახლებულები ზაფხულში მაინც აკითხავდნენ, შესაძლოა, წელს გამოკეტილი დარჩეს.

ავტომობილების გაქირავება საქართველოში ერთ-ერთი ძვირადღირებული სერვისია, რომელიც ბოლო წლებში დამკვიდრდა. იგი განსაკუთრებით ტურისტულ სეზონზეა პოპულარული. როგორც ამ ბიზნესის წარმომადგენლები ამბობენ, ეს სერვისი მთლიანად დამსვენებლებზეა გათვლილი. იშვიათ შემთხვევაში, ავტომობილებს სამშობლოში დროებით დაბრუნებული ქართველი ემიგრანტები და ადგილობრივებიც ქირაობენ.

აფხაზეთში მოსახლეობის ეკონომიკური მდგომარეობა საგრძნობლად გაუარესდა. განსაკუთრებით პერიფერიებში უჭირთ. როგორც ჩანს, რუსეთი ძველებურად ვერ ახერხებს აფხაზების დახმარებას და ამ მიმართულებით ფულადი ნაკადი აშკარად შემცირებულია. პოლიტიკური დაძაბულობის ფონზე ოკუპირებულ რეგიონში ეკონომიური სიდუხჭირე განსაკუთრებით საგრძნობია. ყველაზე ნათლად იგი სამომხმარებლო ფასებზე აისახება. ბოლო ორი კვირის განმავლობაში თითქმის ყველა დასახელების პროდუქტი ერთბაშად გაძვირდა.

2014 წელს გამოცემული საწარმოო რეგლამენტის მიხედვით, %32.5 გრადუს ცელსიუსზე მუშაობა მხოლოდ ერთი საათით არის დაშვებული და ისიც მხოლოდ საოფისე პირობებში. %32.5 გრადუსს ზემოთ ყველა ტიპის სამუშაო უნდა შეიზღუდოს სწორედ ამ დოკუმენტის მიხედვით, რომელიც საწარმოო სათავსების მიკროკლიმატისადმი წაყენებულ ჰიგიენურ მოთხოვნებს ამტკიცებს.

"მთავარი პოლიტიკური პროცესი არჩევნების შემდეგ წარიმართება. 2016 წლის არჩევნები 2012 წლისგან განსხვავებით, გამარჯვებულის მიმართ სერიოზული ეჭვის ქვეშ ჩაივლის. ეს აღარ არის 2012 წელი, როდესაც ამომრჩეველთა დიდი ნაწილი მოქმედებდა პრინციპით: ოღონდ კი ეს არა" - აცხადებს ფილოსოფოსი ზაზა ფირალიშვილი, რომელსაც "მთელი კვირა" ქვეყანაში მიმდინარე პოლიტიკურ ვითარებაზე ესაუბრა.

კინორეჟისორი გიორგი შენგელაია ახალ ფილმზე იწყებს მუშაობას, თუმცა მანამდე ხელოვანი კინემატოგრაფიის ეროვნული ცენტრის კომისიის გადაწყვეტილებას ელოდება, რომელმაც ახალი კინოსურათი ფინანსურად უნდა უზრუნველყოს. რეჟისორის თქმით, ახალი ფილმი ჟანრობრივად სატირული კომედია იქნება, რომელიც, ქვეყანაში არსებულ სიდუხჭირესთან ერთად, მასობრივ კულტურაზე ახალგაზრდა თაობის დამოკიდებულებას ასახავს.

ნატოს ვარშავის სამიტის შემაჯამებელ კომუნიკეში დაგმობილია რუსეთის სამხედრო გაძლიერება ყირიმის ნახევარკუნძულზე, ალიანსის შეშფოთებას იწვევს რუსეთის ძალისხმევა და უკვე გაცხადებული გეგმები მთელ შავი ზღვის რეგიონში სამხედრო დასწრების გაძლიერების შესახებ. თავის მხრივ საქართველო ნატოს შავი ზღვის პლატფორმაში აქტიური მონაწილეობის მიღებას გეგმავს, რაც, თავდაცვის მინისტრ თინათინ ხიდაშელის აზრით, ნატოს კარიბჭის გასაღები შეიძლება გახდეს.

გუშინ საქართველოს ერთ-ერთი უმსხვილესი და ყველაზე სკანდალური სამშენებლო კომპანია "ცენტრ-პოინტის" რეგიონული ხელმძღვანელების დაკავების ოპერაცია ჩატარდა. დილით ჯერ ორი თანამშრომელი დააკავეს, შუადღისთვის კი, ოჯახის ინფორმაციით, კომპანიის ყოფილი დირექტორის, გუკა რჩეულიშვილის სახლშიც მივიდნენ დაკავების ორდერით, თუმცა ის პროკურატურის წარმომადგენლებს სახლში არ დახვდა.

ნატო-ს ვარშავის სამიტმა ჩაიარა და ოფიციალური განცხადებების პარალელურად შეფასებებს პოლიტოლოგებიც აკეთებენ. სპეციალისტების თქმით, ჩვენ კიდევ ერთი ნაბიჯი გადავდგით ნატო-ს გზაზე, თუმცა რამდენი ნაბიჯი და შესაბამისად, რამდენი წელი დაგვრჩა ნატო-ს ღია კარში შესასვლელად, კვლავ უცნობია.