საკვებით მოწამვლის შემთხვევები ძალიან გახშირდა. რისკის ქვეშ რესტორნების კლიენტებიც არიან. მარტო ივნისში თბილისსა და რეგიონებში მდებარე მსხვილ სარესტორნო ქსელებში მასობრივი ინტოქსიკაციის 3 შემთხვევა დაფიქსირდა. სპეციალისტების ინფორმაციით, გაუხმაურებელი ფაქტები შეიძლება ბევრად მეტიც იყოს. მათი ვარაუდით, რესტორნები შესაძლოა, იაფად შეძენილი პროდუქტებით მარაგდებოდეს.

მიუხედავად იმისა, რომ ჩვენი მკითხველი კარგად იცნობს ექვთიმე თაყაიშვილის ჩანაწერებს მისი დროის უმნიშვნელოვანეს საზოგადო მოვლენებზე და მოგონებებს ქართველი მწერლებისა და მათი ცხოვრების მნიშვნელოვანი ეპიზოდების შესახებ, იმედია, დღევანელ სტატიაში ჩვენ მიერ შეთავაზებული მისი მოგონებები ილია ჭავჭავაძეზე მკითხველს კიდევ ერთხელ დააინტერესებს.

ასასინები უჩვეულო მამაცობისა და შეუპოვარი ხასიათის გამო ყოველთვის განსაკუთრებულ ყურადღებას იქცევდნენ. დღეს ისინი ტერორისტებთან არიან გაიგივებულნი, თუმცა, მხოლოდ სპეციალისტთა ვიწრო წრემ თუ უწყის, რომ ეს ის დაჯგუფებაა, რომელმაც პირველი უტოპიური, სოციალისტური სახელმწიფო შექმნა ყ| ს-ში მაჰმადიანურ არეალში.

პანკისში სატამბოლის აეროპორტში მომხდარ ტერაქტში ახმედ ჩატაევის შესაძლო მონაწილეობის არ სჯერათ. ადგილობრივების აზრით, მას რომ ტერაქტის მოწყობის საშუალება ჰქონოდა, ამას არა თურქეთში, არამედ რუსეთში განახორციელებდა, რადგანაც ის ჩეჩნეთის ომის დროს თურქეთმა შეიფარა და ამ ქვეყნის მიმართ მადლიერების მეტს არაფერს განიცდიდა.

ოკუპირებულ აფხაზეთში ადგილობრივი ოპოზიციის მხარდამჭერები დე ფაქტო პრეზიდენტ რაულ ხაჯიმბასა და დე ფაქტო შს მინისტრს ლეონიდ ძაპშბას დაუპირისპირდნენ. სოხუმის ოპოზიცია ძაპშბას სასწრაფოდ სახლში გაშვებას და 10 ივლისს ვადამდელ საპრეზიდენტო არჩევნების ჩატარებაზე დანიშნული რეფერენდუმის შემოდგომისთვის გადატანას ითხოვს.

საქართველო-რუსეთის საზღვრებზე ტვირთბრუნვის მონიტორინგთან დაკავშირებით საბოლოო შეთანხმება 5 წლის შემდეგაც არ არის მიღწეული. რამდენიმე თვეა, ქართული და შვეიცარიული მხარეები პასუხს მოსკოვისგან ელოდებიან. რუსეთთან ურთიერთობის საკითხებში პრემიერ-მინისტრის სპეციალური წარმომადგენელი ზურაბ აბაშიძე იმედოვნებს, რომ ჩრდილოელი მეზობელი დოკუმენტის ტექნიკურ დეტალებს უახლოეს მომავალში მოაგვარებს და ამის შესახებ ქართულ მხარეს მალე აცნობებს, რაშიც ეჭვი ეპარებათ პოლიტოლოგებს. მათი თქმით, რუსეთს დოკუმენტის ამოქმედება არ აწყობს.

პოლიტოლოგები წინასაარჩევნოდ არარეალური დაპირებების ბუმს ელოდებიან. მათი აზრით, პარტიები, რომელთაც გამარჯვების შანსი ნაკლებად აქვთ, მხარდამჭერების მოსაზიდად ყველანაირ ხერხს მიმართავენ, მათ შორის - შეუძლებელი ეკონომიკური და სოციალური გეგმების პროპაგანდას.

ტურისტულ კომპანია "ტრაველ ჯის" უპასუხისმგებლობასა და არაპროფესიონალიზმში ადანაშაულებენ. რამდენიმე დღის წინ სოციალურ ქსელში გავრცელდა ინფორმაცია, სადაც ნათქვამია, რომ აღნიშნული კომპანია 2 დღის წინ ხევსურეთში დაგეგმილ ტურს სრული უპასუხისმგებლობით მიუდგა, მოლაშქრეები მაღალ მთაში მეთვალყურის გარეშე დატოვა და მათი სიცოცხლე საფრთხის წინაშე დააყენა. თავად კომპანიაში კი ამ ბრალდებებს უსაფუძვლოს უწოდებენ და ამბობენ, რომ მოლაშქრეები აღნიშნული ტურისთვის თავად არ იყვნენ მზად.

"ფოლადის სასახლეში ზის პოლიტიკური ბაზრის ის უჩინარი ჯადოქარი, რომელსაც საკმაოდ დიდი მასალა დაუგროვდა განსჯისათვის, თუ რომელი პოლიტიკური ძალა გადაარჩინოს მომავალში და ველური სისხლიანი ბაზრიდან გადაიყვანოს ე.წ. ინკუბატორში, სადაც მას გადაარჩენს და სახეს დაუბრუნებს" - ამბობს პოლიტმარკეტინგის სპეციალისტი, პროფესორი კახაბერ ჯაყელი, რომელსაც "რეზონანსი" წინასაარჩევნო გარემოს თავისებურებებზე გაესაუბრა.

ბოლო წლებში საქართველო აქტიური საფესტივალო თეატრალური ცხოვრებით ცხოვრობს. ფესტივალს ფესტივალი ემატება. ერთი მთავრდება და მეორე იწყება. შემდეგ მესამე, მეოთხე, მეხუთე... ზოგი უკვე ტრადიციულია და ზოგიც - სულ ახალი. ზაფხული და შემოდგომა ყველაზე ცოცხალი და დატვირთულია. "სეზონს" გორის კომედიის ფესტივალი ხსნის, რომელსაც ქუთაისის რეგიონული მოჰყვება; შემდეგ ოზურგეთის ნოდარ დუმბაძის ფესტივალი და ბათუმში - ქუჩის თეატრების დღეები - "ჰიტ ბათუმის" ფარგლებში. შემოდგომაზე - მესხეთის ეროვნული დრამატურგიის ფესტივალის, გორის - სახალხო თეატრების, თბილისის - საერთაშორისო და ხელოვნების საერთაშორისო-"საჩუქრის" დრო დგება.

დაზიანებული, დაბინძურებული და საფრთხის შემცველი - ასე აფასებენ მგზავრები ყვითელ მიკროავტობუსებს და ამბობენ, რომ ავტობუსებთან ერთად, მათი შეცვლაც არის საჭირო. სამარშრუტო ტაქსების ეტაპობრივად განახლების აუცილებლობაზე საუბრობენ სპეციალისტებიც.

ლარის კურსი 2,3 ნიშნულზე გაიყინა. მკვეთრი დევალვაციის ერთადერთ მიზეზად უზარმაზარი საგარეო ვალის გასტუმრება სახელდება. ფაქტია, რომ ხელისუფლებამ და ეროვნულმა ბანკმა ეს ვერ გათვალეს და 2,11-მდე გამყარებული ვალუტის ისევ სწრაფი გაუფასურება "მოახერხეს". მოსახლეობაში მათი ნდობა საბოლოოდ დასამარდა.