ლარის კურსის ვარდნას ფარმაცევტულ ბაზარზე მედიკამენტების გაძვირება მოჰყვა. როგორც კვლევებით დასტურდება, ბოლო დღეებში წამლის ფასი, წინა თვესთან შედარებით, გაზრდილია. აფთიაქების ინფორმაციით, ივნისში მედიკამენტები 2-3%-ით გაძვირდა. ფარმაცევტული კომპანიების რეაგირება სავალუტო კურსზე ამ შემთხვევაში გაცილებით მომენტალური აღმოჩნდა, ვიდრე ლარის გამყარების პერიოდში.

საქართველოში სიცოცხლისთვის საშიში ავტომობილები დადის. ქვეყანა სავსეა მეორადი, გაურკვეველი წარმომავლობის ავტონაწილებით, ჩამოწერილი საბურავებით და აზბესტის შემცველობის ხუნდებით, რომლის გამოყენების შედეგადაც ადამიანები სასუნთქი გზების კიბოს პოტენციური მატარებლები არიან. საქართველოს ავტობაზარი აბსოლუტურად უკონტრლოა, შედეგად იმატებს ავტოსაგზაო შემთხვევები, ბინძურდება გარემო და ადამიანები სულ უფრო ხშირად ავადდებიან.

გამოცდილი პოლიტიკოსი, მაგრამ ამავდროულად სამხედრო საკითხებში გათვითცნობიერებული ადამიანი - ასეთი უნდა იყო პოლიტოლოგთა და სამხედრო ანალიტიკოსთა აზრით, მომავალი თავდაცვის მინისტრი, რომელიც, სავარაუდოდ, თინა ხიდაშელს შეცვლის. თუმცა როდის მოხდება ეს, უცნობია, რადგან როგორც ჩანს, ხიდაშელი გადადგომას ვარშავის სამიტის შემდეგაც არ აპირებს.

"თავისუფალი დემოკრატების" გენერალური მდივანი ალექსი პეტრიაშვილი იმედოვნებს, რომ საქართველოს მოქალაქეები ევროპასთან უვიზო მიმოსვლას სექტემბრიდან შეძლებენ და ეს თარიღი აღარ გადაიწევა.

საქართველოში მობილური ხმოვანი მომსახურებისა და მობილური ინტერნეტის ტარიფები, ევროპისა და ჩრდილოეთ ამერიკის ქვეყნებთან შედარებით, იაფია. შესაბამისი კვლევა საქართველოს კომუნიკაციების ეროვნულმა კომისიამ გამოაქვეყნა.

"რამდენიმე ჩვენი მოქალაქე კიდევ რჩება რუსეთის ციხეში, თუმცა ეს გაცილებით ნაკლებია, ვიდრე გათავისუფლდა. ძალიან სერიოზული სამუშაოა გაწეული, ზედმეტი ხმაურის, შოუების გარეშე", - ამბობს "რეზონანსთან" საუბრისას რუსეთთან ურთიერთობის საკითხებში პრემიერ-მინისტრის სპეციალური წარმომადგენელი ზურაბ აბაშიძე.

"იმედია, ეუთოს ზეწოლისა და მუდმივი წნეხის შედეგად რეზოლუცია პერსპექტივაში პროგრესულ შედეგს გამოიღებს. საბოლოო ჯამში, ეს ძალიან მნიშვნელოვანი დოკუმენტია, რადგან თუკი ჩვენ პერიოდულად ასეთ ნაბიჯებს არ გადავდგამთ, არ მივიღებთ რეზოლუციებს, ოკუპაციისა და უსაფრთხოების საკითხები დავიწყებას მიეცემა და რეალურად მოხდება ჩუმი თანხმობა იმაზე, რაც დღეს ხდება", - ამბობს "რეზონანსთან" საუბრისას პოლიტოლოგი და კონსტიტუციონალისტი ვახტანგ ძაბირაძე.

საქართველოში მოსახლეობის 7,4% შიმშილობს. ბართან შედარებით უფრო რთული მდგომარეობაა ქვეყნის მთიანეთში. იქ მოშიმშილეთა ოდენობა 9-13%-ის ფარგლებშია.

2016 წლის ბიუჯეტს უკვე 207 მილიონი ლარი აკლია. ფინანსთა სამინისტროში მიზეზად ვალების შემცირებას ასახელებენ. ისიც, ცხადია, რომ ეს ვალი კონკრეტული პროექტების განხორციელებისთვის იყო განკუთვნილი. შესაბამისად, ამ კუთხით შეფერხება გარდაუვალია, ამიტომ ბიუჯეტის გადასახდელების ნაწილშიც გარღვევაა. ამ მხრივ 244-მილიონიანი ჩამორჩენაა.

ავტომობილების ტექდათვალიერების პროცესი დაიწყო. პირველ ეტაპზე გაზზე მომუშავე ავტომობილები შემოწმდება. ტექნიკურ ინსპექტირებას რამდენიმე კომპანია განახორციელებს, რომელთაგან ჯერჯერობით მხოლოდ 2 კომპანიაა აკრედიტირებული: შპს "აირბალონი" და შპს "გაზინჟინერი". მომსახურების საფასური 120-130 ლარს შეადგენს. ამ თანხაში შედის 20-მდე პროცედურა, რომელიც გაზზე მომუშავე ავტომობილის ინსპექტირებისას განხორციელდება.

180-ლარიანი პენსია პენსიონერებს, საშუალოდ, 18-20 დღის განმავლობაში ეყოფა, 4 წლის წინანდელი 110-ლარიანი "დახმარება" კი მხოლოდ 2 კვირა კმაროდა. ეს იმ შემთხვევაში, თუ პენსიონერი მარტოა. ოჯახის სხვა წევრებთან ცხოვრების შემთხვევაში, მისი კეთილდღეობა და მოხმარების დონე იზრდება, ხარჯი კი შედარებით მცირდება.

ლარსის მთავარი საექსპორტო გზის ჩაკეტვამ ქართველ ექსპორტიორებს სერიოზული პრობლემა შეუქმნა. ამ მხრივ განსაკუთრებით ქართული ღვინის კომპანიები დაზარალდნენ. განსაკუთრებით ისინი, ლარსის გამშვები პუნქტით სარგებლობა ვისი პირდაპირი ვალდებულებაა.