ვარშავის სამიტზე ჩრდილოატლანტიკური ალიანსისა და ევროკავშირის ურთიერთობებში მნიშვნელოვანო გარღვევა მოხდა. მიუხედავად იმისა, რომ ისინი უმეტესწილად ერთსა და იმავე ქვეყნებს აერთიანებენ, აქ ორ ორგანიზაციას შორის თანამშრომლობას აქამდე დიდი ყურადღება არ ექცეოდა. დღეიდან კი ორივე გაერთიანება შეთანხმდა, ერთობლივად გაუმკლავდეს აღმოსავლეთიდან და სამხრეთიდან მომდინარე უპრეცედენტო გამოწვევებს.

"ჩვენ მიერ ინიცირებული კანონპროექტის მიხედვით, 2018 წლიდან საზოგადოებრივი თავშეყრის ადგილებში თამბაქოს მოხმარება სრულად აიკრძალება. მართალია, დაწესებულებებს საამისოდ გარკვეულ დროს, 2 წელს ვაძლევთ, მაგრამ მანამდე საჭიროა, ამისათვის თანდათანობით მოვემზადოთ," - ამბობს "მთელ კვირასთან" საუბრისას საპარლამენტო უმრავლესობის წევრი, დეპუტატი გუგული მაღრაძე, რომელიც თამბაქოს კონტროლის შესახებ კანონპროექტის ინიციატორია.

არაოფიციალური მონაცემებით, საქართველოში 1500-დან 2000-მდე სხვადასხვა ეთნიკური თუ ლინგვისტური წარმომავლობის ბოშა ცხოვრობს: ცოტა თბილისში, ცოტაც - ქუთაისში, ფოთში და ბათუმში, ცოტა მეტი - ქობულეთში, ასევე დედოფლისწყაროშიც და გარდაბანშიც და ისინი ყველაზე მარგინალიზებული, იზოლირებული და ღარიბი ეთნიკური უმცირესობაა ქვეყანაში.

1092 წელს ასასინების პირველმა ტერორისტულმა აქტმა თურქ-სელჩუკთა ცნობილი ვაზირი ნიზამ ალ-მულქი შეიწირა, რამაც განსაკუთრებული ვნებათაღელვა გამოიწვია იმ პერიოდის წინა აზიაში. ალამუთის ბინადარნი, რომელნიც როგორც იდეოლოგიურად, ისე პოლიტიკურად გამიჯნულნი იყვნენ მეზობელი სახელმწიფოებისგან, ახალი გამოწვევის წინაშე დადგნენ. მათი პოპულარობა საგრძნობლად გაიზარდა, სულ უფრო მეტი მსურველი გაჩნდა ალამუთში ცხოვრებისა.

ერთიანი ეროვნული გამოცდები გრძელდება, ამ ეტაპისთვის აბიტურიენტებმა სამი სავალდებულო საგანი - ქართული ენა, უნარები და უცხო ენა ჩააბარეს. წელს პირველად გამოცდები ნახევრად ელექტრონულ ფორმატში ბარდება, რასაც აბიტურიენტების ნაწილი უარყოფითად აფასებს და ამბობს, რომ კომპიუტერთან მუშაობა დისკომფორტს უქმნის.

ვარშავის სამიტის პირველი დღე საქართველოს მხარდამჭერი განცხადებებით დასრულდა - ქვეყანას ალიანსის წევრობის კანდიდატი ქვეყანა და ახლო პარტნიორი უწოდეს. სპეციალისტთა შეფასებით, ეს წინ გადადგმულ ნაბიჯად უნდა მივიჩნიოთ, თუმცა, რა თქმა უნდა, არა ისეთად, რასაც საქართველო ელის და იმსახურებს.

გუშინ, ნატოს ვარშავის სამიტის ფარგლებში, საგარეო საქმეთა მინისტრების დონეზე გამართულ ნატო-საქართველის კომისიის სხდომაზე მიღებულ განცხადებაში ცალსახადაა აღნიშნული ის მნიშვნელოვანი პროგრესი, რომელიც საქართველომ აჩვენა არსებითი პაკეტის იმპლემენტაციის პროცესში.

"როგორც იქნა, შავი ზღვა, რომელიც დიდი ხანია საქართველოს ახალი სავიზიტო ბარათი უნდა ყოფილიყო, ნატოს მიერ უკვე აღიარებულია, როგორც ევროპის ნაწილი და ეს ძალიან მნიშვნელოვანი გზავნილია, რადგანაც მასზე რუსეთის ბატონობას მარტივად არავინ დაუშვებს", - ამბობს "რეზონანსთან" საუბრისას "დამოუკიდებელ ექსპერტთა კლუბის" პრეზიდენტი სოსო ცისკარიშვილი და იქვე დასძენს, რომ ამ საკითხზე ყურადღების გამახვილება ნატოსთან ინტეგრაციის გზაზე უკვე პროგრესული ნაბიჯია.

სოხუმში დაპირისპირება არ ცხრება. ოპოზიციის მიტინგებისა და მოთხოვნების მიუხედავად, რომ ვადამდელი საპრეზიდენტო არჩევნების თაობაზე დანიშნული რეფერენდუმი შემოდგომისთვის გადადებულიყო, ის ხვალ 10 ივლისს მაინც ჩატარდება.

პოლიტოლოგი და კონსტიტუციონალისტი ვახტანგ ძაბირაძე ამბობს, რომ ეუთოს საპარლამენტო ასამბლეაზე ჩამოსული რუსი დეპუტატები თავიანთი განცხადებებით ცდილობდნენ, რომ ჩვენი ხელისუფლება ისეთ კონტექსტში ეხსენებინათ, თითქოს და საქართველოს რუსეთის მიმართ კარგი და მჭიდრო დამოკიდებულება აქვს.

აეროპორტის მიმართულებით მთელი ღამის განმავლობაში ახალმა დიდი ზომის ავტობუსებმა მოძრაობა დაიწყეს. თბილისის მერიის ამ გადაწყვეტილებას საზოგადოება დადებითად აფასებს, თუმცა სპეციალისტთა ნაწილის თქმით, ავტობუსები მოძველებულია.

მუდმივი სამუშაო ადგილების სიმრავლით ჩვენი ქვეყანა ნამდვილად არ გამოირჩევა, რაც ზრდის სეზონურად დასაქმებულების რიცხვს. ზაფხულის დადგომასთან ერთად, მასზე მოთხოვნა ორმაგდება. უმუშევარ მოქალაქეთა რიცხვს სტუდენტებიც უერთდებიან. ამას ისიც ემატება, რომ სტუდენტებისთვის განკუთვნილი პროექტი "სამერ ჯობს" 2012 წლიდან აღარ არსებობს.