მომღერალ სოფო ნიჟარაძეს დიდ საკონცერტო დარბაზში ტელეკომპანია "რუსთავი 2"-ის პროექტ "იქს-ფაქტორის" დასრულებისთანავე თავს დაესხნენ. მოულოდნელად სცენაზე უცნობი მამაკაცი აიჭრა და მომღერალს სახეში მუშტი დაარტყა. შსს-მ ეჭვმიტანილი უკვე დაჰკი-თხა, თუმცა გამოძიების ინტერესებიდან გამომდინარე, დეტალებს არ ახმაურებს.

საქართველოში რომ მომხმარებლების უფლებები დაცული არ არის, ეს ძველი ამბავია, თუმცა ის, რომ მსოფლიოში ცნობილი ბრენდული მაღაზიები კლიენტებს, ახლის ნაცვლად, მეორად ტექნიკას მიჰყიდიდნენ, ამ დრომდე ძნელად დასაჯერებელი იყო. ფინანსთა სამინისტროს საგამოძიებო სამსახურმა ასეთი ფაქტი "აიფონ პლუსში" უკვე გამოავლინა და კომპანიაში დოკუმენტაციის შესწავლას შეუდგა. "აიფონ პლუსი" კი ბრალდებას უარყოფს და საგამოძიებო სამსახურს არასწორი ინფორმაციის გავრცელებაში ადანაშაულებს.

ლარი მყარდება და მყარდება ხალხის ფინანსური მდგომარეობა - ასეთი შეფასება გააკეთეს რესპონდენტებმა ბოლო დროს სავალუტო ცვლილებასთან დაკავშირებით. "რეზონანსის" მიერ ჩატარებულმა გამოკითხვამ აჩვენა, რომ საზოგადოების დიდი ნაწილი თავს შედარებით სტაბილურად გრძნობს. სწორედ ეს გახდა ზოგიერთისთვის მეტი ხელგაშლილობის მიზეზი. ნაწილმა მიმდინარე პროცესი სხვაგვარად შეაფასა და აღნიშნა, რომ ეროვნული ვალუტის გამყარებას მათ შემოსავალსა და ხარჯზე გავლენა არ მოუხდენია.

თურქეთისა და სომხეთის მოქალაქეები საქართველოში საწვავის შესაძენად ინტენსიურად შემოდიან. მაგალითად, აჭარაში ბენზინსა და დიზელს, გადამზიდავებთან ერთად, მეზობელი ქვეყნის მოქალაქეებიც ყიდულობენ. საქართველოში განსაკუთრებით დიდი ოდენობით საწვავის შესყიდვა უწევთ გადამზიდავებს, რომლებსაც იაფი ფასი იზიდავთ. თურქეთსა და სომხეთში საწვავის მაღალი ღირებულება აქციზის მაღალი გადასახადით არის განპირობებული.

საერთაშორისო ბაზრებზე შაქარი კატასტროფულად გაძვირდა. 1 ტონის ღირებულება 500 დოლარს გადასცდა. შაქარის ფასმა მოიმატა ადგილობრივ ბაზარზეც, რაც, სეზონიდან გამომდინარე (ახლა საზამთრო მარაგის მზადების დროა), საკმაოდ მძიმე ტვირთია მოსახლეობისთვის. მაღალ ნიშნულზეა ხორბლის ფასიც, თუმცა მალე ადგილობრივ ბაზარზე მოსავალს ელოდებიან და პურის გაძვირებას გამორიცხავენ.

პოლიტიკაში მოსვლა, პოლიტიკიდან წასვლა, პროცესებში არაფორმალურად ჩართვა, "ნაციონალურ მოძრაობასთან" კოჰაბიაცია, დემოკრატიული ინსტიტუტების დასუსტება, კომპეტენტური ადამიანების სათანადოდ არდაფასება - ეს იმ შეცდომების არასრული ჩამონათვალია, რომლებიც, პოლიტოლოგებისა და პიარსპეციალისტების აზრით, ბიძინა ივანიშვილმა გასული 4 წლის განმავლობაში დაუშვა.

პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი ვიზალიბერალიზაციის პროცესის შეფერხებას უკრაინას უკავშირებს. მისი თქმით, კოსოვოს, საქართველოს, თურქეთის და უკრაინის საკითხის განხილვა ერთ პაკეტში არ უნდა ხდებოდეს.

ქართველი სამხედრო მფრინავები ჩეხეთში ვიზიტის ფარგლებში ახლადწარმოებული ჩეხური საჰაერო ტექნიკის - დ-39ტპ-ს ტიპის თვითმფრინავების შესაძლებლობებს გაეცნენ და "ფუკწ მწვწრწვნ" აეროდრომზე ჩეხეთის საჰარეო ძალების მფრინავ-გამომცდელებთან ერთად, დ-39ტპ-ით სადემონსტრაციო გამოცდა - ფრენა განახორციელეს.

საქართველოსთვის უვიზო მიმოსვლის დაწესება ფერხდება, ყველაზე დიდი მოწინააღმდეგე გერმანიაა ამას გერმანელი პოლიტიკოსები უკვე ღიად საუბრობენ და ერთ-ერთ მიზეზად ქართველი კრიმინალების გერმანიაში გააქტიურებას ასახელებენ.

"პოლიტსაბჭოში ახალი ხალხის შეყვანა გიორგი კვირიკაშვილის ინიციატივით მოხდა - ის ნელ-ნელა საკადრო ცვლილებების განხორციელებას იწყებს", - განაცხადა "რეზონანსთან" საუბრისას კონსტიტუციონალისტმა ვახტანგ ძაბირაძემ, რომელმაც ასევე ახალი პოლიტიკური ძალების შანსებზე ისაუბრა მომავალ საპარლამენტო არჩევნებზე.

გადატვირთულმა მოძრაობამ და ავტომანქანების გამონაბოლქვმა, მშენებლობამ და ამასთან ერთად, მწვანე საფარის განადგურებამ ბოლო წლებში დედაქალაქის გარემო ძალიან დააბინძურა. ამის გამო მნიშვნელოვნადაა მომატებული ისეთი დაავადებების რიცხვი, როგორიცაა სიმსივნე, გულისხლძარღვთა და სასუნთქი გზების ნოზოლოგიები. ბოლო 12 წლის განმავლობაში სხვადასხვა ავადმყოფობის ზრდის მაჩვენებელმა 200%-საც გადააჭარბა. სპეციალისტები განგაშის ზარს სცემენ და მთავრობას სასწრაფო რეაგირებისკენ მოუწოდებენ.

ყოველწლიურად მოსახლეობის გამოსაკვებად საქართველოში 1 მილიარდ დოლარზე მეტი პროდუქტი შემოდის. ქვეყანა, ძირითადად, დამოკიდებულია სხვა სახელმწიფოების მოსავლიანობაზე. რუსეთში, უკრაინასა და ყაზახეთში თუკი ხორბლის კარგი მოსავალი მოვიდა, ეს ნიშნავს, რომ გადავრჩით. თანაც, ეროვნულმა ვალუტამაც არ უნდა გვიმტყუნოს, რათა გაღარიბებულ მოსახლეობას პური არ გაუძვირდეს. მიუხედავად იმისა, რომ სოფლის მეურნეობაში მნიშვნელოვანი ინვესტიციები იდება, საქართველო სურსათის უსაფრთხოების თვალსაზრისით ჯერ კიდევ საგანგაშო ზღვარზეა.