თბილისის მერია აგვისტოში 150 ახალი ავტობუსის შემოყვანას გეგმავს. როგორც "მთელ კვირას" მერიის საზოგადოებასთან ურთიერთობის სამსახურში განუცხადეს, ახალი ავტობუსები ბუნებრივ აირზე იქნებიან და ევროპული სტანდარტებს დააკმაყოფილებენ.

ნატოცა და რუსეთიც ერთმანეთის წინააღმდეგ ძალას მაქსიმალურად ამაგრებენ, რათა თავიანთი გავლენის არეალი სათანადოდ ჰქონდეთ დაცული. სწორედ ამას ემსახურება, სპეციალისტების აზრით, ნაბიჯები, რომელსაც ისინი ბოლო პერიოდში აქტიურად დგამენ - ამაგრებენ საზღვრებს სახმელეთო, საჰაერო თუ საზღვაო ძალებისა და შეიარაღების მობილიზებით. ეს საზღვარი კი, მათი თქმით, საქართველოზე გადის.

"შავი ზღვის უსაფრთხოების გაძლიერება ძალიან მნიშვნელოვანი იქნება - შავი ზღვის ქვეყნები ნატოს წევრებიც არიან. ამიტომ ეს იქნება ძალიან მნიშვნელოვანი ჩვენთვის და საერთო ევროპული უსაფრთხოებისთვის", - ამბობს "რეზონანსთან" საუბრისას "თავისუფალი დემოკრატების" ერთ-ერთი ლიდერი ვიქტორ დოლიძე.

თბილისის ცენტრალურ და შუალედურ ზონებში მრავლბინიანი საცხოვრებელ სახლების მშენებლობა აიკრძალება. როგორც მერიაში აცხადებენ, აღნიშნული გადაწყვეტილებით შესაძლებელი იქნება წლების განმავლობაში დამკვიდრებული მანკიერი პრაქტიკის შეცვლა და ქაოტური განაშენიანების თავიდან აცილება.

საქართველო ივლისში ვარშავის სამიტზე მაპ-ს ვერ მიიღებს და ამერიკულმა მხარემ ეს ოფიციალურ თბილისს წინასწარ უკვე განუცხადა. წინასწარი ინფორმაციით, ნატო "რაღაც ახალს" მოიფიქრებს, რომელსაც დიდი ალბათობით ქართველი პოლიტიკოსები შეაფასებენ, როგორც "მაპ-ზე უკეთესს", რაც ქართველი ოფიციალური პირების მხრიდან ბევრჯერ გაკეთებულა.

აზერბაიჯანში ქართულ ხორცზე შეზღუდვის მოხსნამ ფერმერების მდგომარეობა აშკარად გააუმჯობესა. მოთხოვნა ძირითადად ცოცხალ საქონელზეა. აზერბაიჯანის გარდა, ხორცი აქტიურად გადის არაბულ ქვეყნებში, განსაკუთრებით ერაყსა და ყატარში. არსებობს რეალური საფუძველი, რომ ადგილობრივ ბაზარზეც ხორცი 1-2 ლარით გაიაფდეს.

უმრავლესობის წევრი თამაზ მეჭიაური ამბობს, რომ "ნაციონალური მოძრაობა" არჩევნების ნებისმიერი შედეგის არალეგიტიმურად გამოცხადებას აპირებს და რევოლუციური სცენარის განვითარებისთვის ემზადება.

უმაღლეს სასწავლებლებში პედაგოგობის მსურველთათვის ახალი პროგრამა დაინერგა - ისინი ერთი წლის განმავლობაში ისწავლიან მეთოდოლოგიას, გაკვეთილის წარმართვას, შეფასებას და ა.შ. გარდა ამისა, სტუდენტები სკოლებში პედაგოგიურ პრაქტიკასაც გაივლიან. პროგრამა განკუთვნილია მათთვის, ვისაც უმაღლესი განათლება უკვე მიღებული აქვს, თუმცა არა პედაგოგიური.

მოხვდება თუ არა ქართული ანბანის სამი სახეობა მსოფლიო არამატერიალური კულტურული მემკვიდრეობის ნუსხაში, ეს ნოემბერში გადაწყდება, მას შემდეგ, რაც იუნესკოს ექსპერტთა ჯგუფი ამ საკითხზე მუშაობას დაასრულებს.

გასაბჭოებულ საქართველოში გამეფებული სისხლიანი ტერორის ისტორიისთვის ფასდაუდებელ ცნობებს გვაწვდის გასული საუკუნის 20-30 წლებში ბერლინში გამომავალ ჟურნალ "საქართველოს მოამბეში" გამოქვეყნებული ქრონიკა: "როგორ იხოცებიან ქართველი პატრიოტები სამშობლოსათვის".

აღდგომა დღესასწაულთა შორის უპირველესია, როდესაც ყველა ადამიანი ცდილობს დასვენების დღე ოჯახთან ერთად გაატაროს. მოსახლეობის უმრავლესობა სპეციალურად ამ დღეს ქალაქს ტოვებს და რაიონში წინაპრების საფლავზე გადის. წინა წლებთან შედარებით, ამჯერად ამ ტრადიციის მიმდევართა რიცხვი გაცილებით ნაკლები იყო. ამის მთავარი მიზეზი ფინანსური სიდუხჭირე გახლდათ. ადამიანებს ფინანსურმა მდგომარეობამ საშუალება აღარ მისცა, წინაპრების ხსოვნისთვის ჯეროვანი პატივი მიეგოთ.

სახელმწიფო ფასიანი ქაღალდები 9-12%-ად იყიდება. მოთხოვნა მიწოდებას, საშუალოდ, სამჯერ აჭარბებს. ბანკებისთვის ეს არის ყველაზე გარანტირებული, იოლი ფული, რომელშიც მსუყე მოგებას ნახულობენ. ეკონომისტების აზრით, სახელმწიფო ბიუჯეტს ფასიანი ქაღალდების გამოისობით წარმოქმნილი შიდა ვალის მომსახურება საკმაოდ ძვირი უჯდება, ვინაიდან ემისიის მოცულობა ყოველწლიურად იზრდება. წელს ფინანსთა სამინისტრო 900 მილიონ ლარზე მეტი ფასიანი ქაღალდის გამოშვებას გეგმავს.