ჯანდაცვის სამინისტრო საყოველთაო ჯანდაცვის პროგრამის ფარგლებში კლინიკების მონიტორინგს უფრო ამკაცრებს. სამინისტროში ამბობენ, რომ გეგმური და არაგეგმური მონიტორინგი დარღვევების თავიდან აცილებისთვის კეთდება და ეს გარკვეული პრევენციაც არის. უწყების ინფორმაციით, ის ბენეფიციარები, რომლებიც დღეს მხოლოდ მინიმალური პაკეტით სარგებლობენ, უახლოეს პერიოდში პროგრამით მოსარგებლე სხვა ადამიანების ანალოგიურად, სრულფასოვან მომსახურებას მიიღებენ.

მსოფლიოში ძირითად სასურსათო პროდუქტებზე ფასი გაძვირებისკენ დაიძრა, ამიტომაც ლარის გამყარება სამომხმარებლო პროდუქტებს ვერ აიაფებს. იმპორტიორები კურსის კიდევ უფრო მეტად დასტაბილურებას ელოდებიან. ამასობაში, სტატისტიკის ეროვნულმა სამსახურმა დაბალი ინფლაცია დააფიქსირა. აღმოჩნდა, რომ სამომხმარებლო ფასების შემცირებაზე მთავარი გავლენა სამედიცინო აპარატურის გაიაფებას მოუხდენია.

მოლდოვა პროდასავლური კურსის მქონე პოსტსაბჭოთა სახელმწიფოა. მიუხედავად ამისა, მოსახლეობის საკმაოდ დიდი ნაწილი პრორუსულად არის განწყობილი და ოფიციალური კიშინიოვის გადაწყვეტილებას, მოხდეს ქვეყნის ინტეგრირება ნატო-სა და ევროკავშირში, მთელი ძალით ეწინააღმდეგება.

მიუხედავად პესიმისტური პროგნოზისა, ოდესაში გუშინდელმა დღემ მშვიდად ჩაიარა. რაიმე განსაკუთრებული პროვოკაცია ან შეხლა-შემოხლა არ ყოფილა. ოდესის ოლქის გუბერნატორმა, მიხეილ სააკაშვილმა განაცხადა, რომ ეს სამართალდამცველებისა და ქალაქში სპეციალურად შეყვანილი ნაციონალური გვარდიის დანაყოფების დამსახურებაა.

ხმაური ბოტანიკური ბაღის საზღვრების კორექტირების გარშემო გრძელდება. რამდენიმე დღეა დავა პოლიტიკური ინტერპრეტირებით მიმდინარეობს და ნაკლებად ისმის მსჯელობა - რეალურად რაშია საქმე, რა მიწებზეა საუბარი და რა სარგებელს ან ზიანს მოუტანს ტერიტორიების გაცვლა როგორც ბოტანიკურ ბაღს, ასევე მთლიანად თბილისს უკავშირდება თუ არა ეს ყველაფერი ქალაქის კეთილმოწყობას.

სპეციალურად "რეზონანსისთვის" მარტვილიდან

სამეგრელოში, მარტვილის რაიონის სოფელ კურზუში 37 წლის მამაკაცი დანით მოკლეს. მკვლელობა შაბათს, 30 აპრილს, შუაღამისას ორ ახალგაზრდა კაცს შორის ურთიერთშელაპარაკების ნიადაგზე მოხდა.

გერმანელმა ფეხბურთელმა მესუთ იოზილმა კლუბის ოფიციალურ საიტთან ინტერვიუში განაცხადა, რომ ლოდონში ყოფნისას, როგორც ფეხბურთელი, ძალიან გაიზარდა და ახლა ცდილობს თავისი გამოცდილება ახალგაზრდა, პრესპექტიულ მოთამაშეებს გაუზიაროს.

"ეროვნული ფორუმი" განსხვავებულ აზრს ყოველთვის პატივს სცემს. არის თემები, რაშიც არის თანხვედრა და რაშიც - არა. ეს ჩვეულებრივი პროცესია. ასე რომ, "რესპუბლიკელებისა" და "ქართული ოცნების" დაპირისპირებაში განსაკუთრებულს ვერაფერს ვხედავ. ვფიქრობ, ეს კერძო დავაა - ჩვენ აღარ ვართ "ქართული ოცნების" რეჟიმში. შესაბამისად, ამა თუ იმ საკითხზე მხარდაჭერასთან დაკავშირებით გადაწყეტილებას პარტიის წევრებთან მსჯელობის შემდეგ მივიღებთ", - ამბობს "რეზონანსთან" საუბრისას "ეროვნული ფორუმის" წევრი, დეპუტატი გიორგი ხეჩინაშვილი.

საქართველოს ყველაზე ღარიბი რეგიონი რაჭა-ლეჩხუმია, იქ სოციალურ შემწეობას რეგიონის მოსახლეობის 44%-ზე მეტი იღებს. ღარიბი მოსახლეობის სიმცირით კი სამცხე-ჯავახეთი გამოირჩევა, სადაც სოციალურ შემწეობას რეგიონის მოსახლეობის მხოლოდ 6,5% იღებს, შემდეგია თბილისი - 7,3%, მესამე ადგილს კი ქვემო ქართლი იკავებს - 8%.

ქართული სოფელი თანდათან პატარავდება და კვდება. ბოლო 12 წელიწადში სოფელი მოსახლეობის თითქმის მეოთხედმა დატოვა. ეს არის ყველაზე საგანგაშო მაჩვენებელი სოფლის განვითარების ისტორიაში. 90-იანი წლების შემდეგ სოფლად ინფრასტრუქტურა მთლიანად განადგურდა. სარწყავი სისტემების მოშლისა და ქარსაცავი ზოლების გაჩეხვის გამო მიწები გამოიფიტა და მოსავლიანობა შემცირდა. უკეთესი ცხოვრების საძებნელად ადამიანებმა ქალაქში ყოფნა არჩიეს.

სააღდგომო პროდუქტების რეალიზაცია დასრულდა. წელს ფასების მკვეთრი ზრდა არ დაფიქსირებულა, მომხმარებელი კი საკმაოდ ხელმომჭირნე იყო, რაც გაყიდვებზე ნეგატიურად აისახა. მოვაჭრეების ინფორმაციით, შარშანდელთან შედარებით, რეალიზაციის მაჩვენებელი შეუმცირდათ, თუმცა ამ ეტაპზე კონკრეტული მაჩვენებელი არ სახელდება.

2016 წლის 4 თვეში საქართველოს სავაჭრო პარტნიორი ქვეყნების თითქმის ყველა ვალუტა გამყარდა. ლარი 6,6%-ით გაძლიერდა, რუსული რუბლი 11,7%-ით გამყარდა, აზერბაიჯანული მანათი - 3,3%-ით და თურქული ლირა - 7%-ით. მძიმე ეკონომიკური და პოლიტიკური მდგომარეობის შედეგად, უკრიანული გრინვა დაცემის ტენდენციას ინარჩუნებს, დოლართან მიმართებაში ბელორუსული რუბლი მცოცავ რეჟიმშია, სომხური დრამი კი, პრაქტიკულად, ურყევია.