ლარის რევალვაცია საგარეო ვალს ყოველდღიურად რამდენიმე მილიონი ლარით ამცირებს. ბოლო ერთ თვეში სახელმწიფო საგარეო ვალი 600 მილიონი ლარით შემცირდა. თუკი ეროვნული ვალუტა დოლარის მიმართ 2 ლარამდე გამყარდება, წლის ბოლომდე საგარეო ვალი 1,6 მილიარი ლარით მოიკლებს.

ისტორიულ ტაო-კლარჯეთში მდებარე იშხნის სამონასტრო კომპლექსის რეაბილიტაცია უკვე დასრულებულია, რაც იმას ნიშნავს, რომ ძეგლზე თურქმა სპეციალისტებმა როგორც ფიზიკური, ისე კედლის მხატვრობის სამუშაოები დაასრულეს. ამის შესახებ "რეზონანს" კულტურული მემკვიდრეობის დაცვის ეროვნულ სააგენტოში განუცხადეს და დასძინეს, რომ ამჯერად ორ მხარეს შორის მოლაპარაკება თურქეთში მდებარე სხვა ქართული ძეგლებისა და საქართველოში ოსმალური ძეგლების აღდგენის საკითხზე მიმდინარეობს.

არასამთავრობოების ინფორმაციით 193 ათასი სერვისების განვითარების სააგენტოს ინფორმაციით კი 159 ათასი ამომრჩეველი 8 ოქტომბერს არჩევნებში მონაწილეობას ვერ მიიღებს, რადგან მათ ან პირადობის დამადასტურებელი დოკუმენტაცია არ აქვთ წესრიგში, ან კონკრეტულ მისამართზე არ არიან რეგისტრირებული.

"რესპუბლიკური პარტიის" წევრი ლევან ბერძენიშვილი "რეზონანსთან" ინტერვიუში ამბობს, რომ ისინი პარლამენტში აუცილებლად მოხვდებიან. რაც შეეხება მათი და "ქართული ოცნების" ბოლოდროინდელ დაპირისპირებებსა და კამათს, მისი თქმით, ეს ბუნებრივია, რადგან არჩევნებში მონაწილეობას ცალ-ცალკე იღებენ და "რესპუბლიკელებს" არ აქვთ არანაირი ვალდებულება ის კანონი მიიღონ, რაც მათ სწორად არ მიაჩნიათ.

პოლიტოლოგი და ფსიქოლოგი რამაზ საყვარელიძე "საერთაშორისო რესპუბლიკური ინსტიტუტის" ("აირაი," კვლევებს არ ენდობა და არ გამორიცხავს, რომ აღნიშნული კვლევები პოლიტიკურ მიზნებს ემსახურებოდეს. როგორც მან "რეზონანსთან" საუბრისას აღნიშნა, იმ შემთხვევაში, თუ "ქართულმა ოცნებამ" არჩევნებზე უფრო მაღალი პროცენტული მაჩვენებელი აჩვენა, მაშინ დაიწყებენ ყვირილს იმაზე, რომ არჩევნები გაყალბდა და დასტურად ამ კვლევის შედეგებს მოიყვანენ.

"ქართული ოცნების" ერთ-ერთი წევრის ზაქარია ქუცნაშვილის თქმით, პარტიის საარჩევნო სიასთან დაკავშირებით კონსულტაციები ჯერ არ გამართულა. მისი თქმით, ვისაც უნდა სიაში ყოფნა, ყრილობას უნდა დაელოდოს, რომელიც 14 მაისს გაიმართება.

ყვარლის მუნიციპალიტეტის სოფელ გავაზში მოსულმა უხვმა ნალექმა, ადგილობრივი მდინარის ადიდება გამოიწვია, რის გამოც სოფელში 30-მდე სახლი და ეზო დაიტბორა. გავრცელებული ინფორმაციით, ამ დროისთვის მდგომარეობა სტაბილურია და სახლებიდან წყლის ამოტუმბვა უკვე დასრულებულია.

1991 წლის 30 აპრილი საქართველოს ისტორიისათვის უმნიშვნელოვანესი თარიღია. სწორედ ამ დღეს, თბილისის "დინამოს" სტადიონზე ქართული გვარდიის პირველი სამხედრო აღლუმი გაიმართა, რომელშიც 500-მდე ახალწვეული მონაწილეობდა. იგი ქვეყნის პირველმა პრეზიდენტმა, ზვიად გამსახურდიამ და თავდაცვის იმდროინდელმა მინისტრმა, თენგიზ კიტოვანმა ჩაიბარეს. ასე ჩაეყარა საფუძველი ქართულ არმიას.

ნავთობის ექსპორტიორები "შავი ოქროს" 50-55 დოლარამდე გაზრდას ელიან. ეს არის ფასი, რომელიც მოპოვებას უკვე რენტაბელურს გახდის და ინვესტორებსაც მოიზიდავს. ამ დროისთვის ერთი ბარელი "ბრენტის" მარკის ნავთობის ღირებულება 48 დოლარს გადაცდა, ტეხასური ნავთობი კი 46 დოლარს გაუტოლდა.

აღდგომის ბრწყინვალე დღესასწაულთან დაკავშირებით საქალაქთაშორისო ტრანსპორტი აქტიურ რეჟიმში მუშაობს. ერთი შეხედვით ჩანს, რომ მგზავრთა რაოდენობა დიდია, მაგრამ ავტოსადგურების ხელმძღვანელობა შედეგით აშკარად უკმაყოფილოა. როგორც ავტოსადგურების დირექტორებმა "რეზონანსს" განუცხადეს, შარშანდელთან შედარებით, სიტუაცია მცირედითაც არ შეცვლილა და მგზავრთა ნაკადიც აბსოლუტურად ისეთივეა, როგორიც წინა წლის ანალოგიურ პერიოდში იყო.

ვადაგადაცილებული სესხები მცირდება. ლარის რევალვაციამ (სხვა ვალუტების მიმართ კურსის აწევა) მოსახლეობის გადახდისუნარიანობა გაზარდა და მათ სესხების მომსახურებისთვის უფრო მეტი სტიმული მისცა. თუმცა, ეკონომისტების აზრით, კომერციული ბანკების საკრედიტო პორტფელში ვადაგადაცილებული სესხების წილი ისედაც ნორმის ფარგლებში იყო და ეს მაჩვენებელი ეროვნული ვალუტის მკვეთრი დევალვაციის დროსაც კი არ გაუარესებულა.

ენერგეტიკული სასმელი - ეს არის გაზირებული, უალკოჰოლო ან მცირეალკოჰოლიანი სასმელი, რომელიც ნერვული სისტემის სიმულირებას იწვევს. მის შემადგენლობაში შედის ნახშირწყლები და ქიმიური დანამატები: არომატიზატორები, კონსერვანტები გემოს გამაძლიერებლები და ქიმიური საღებავები.