ცნობილმა ბრიტანულმა გამოცემა "ეკონომისტმა" საქართველო, გამომცემელი წიგნების რაოდენობის მიხედვით, მსოფლიოს ყველაზე წიგნიერი ქვეყნების ხუთეულში დაასახელა. რეიტინგში, რომელიც 2013 წლის მონაცემებს ეყრდნობა, საქართველოს მხოლოდ დიდი ბრიტანეთი, სლოვაკეთი, ტაივანი და ესპანეთი უსწრებენ.

საქართველოს განათლების სისტემაში გერმანული მოდელის დანერგვა მაქსიმუმ 2-3 წელიწადში იგეგმება. როგორც განათლების სამინისტროში აცხადებენ, ეს მოდელი იძლევა გარანტიას, რომ კურსდამთავრებული სტუდენტი დასაქმდება.

საქართველოში საბანკო სესხის გამოტანის უმთავრესი მიზანი რომ მხოლოდ ბიზნესის წამოწყება არაა, ნათლად ჩანს იმ ხალხის პრობლემებიდან, რომლებმაც კრედიტი არამიზნობრივად გამოიტანეს. ისინი კარგა ხანია, გადახდის მხრივ პრობლემის წინაშე აღმოჩნდნენ. ბოლო პერიოდში, ეკონომიკური სიდუხჭირის გამო, მომხმარებლები ისეთი არასაჭირო სესხის აღებისაგან თავს იკავებენ, როგორიცაა სახლის რემონტი, დასვენება ქვეყნის ფარგლებს გარეთ, ქორწილი და სხვა. გადახდისუნარიანი მსესხებელთა რიცხვმა საგრძნობლად იკლო.

იანვარში საქართველოს მთავარი საექსპორტო ქვეყანა ჩინეთი გახდა. წინა წლის ლიდერი - აზერბაიჯანი - ათეულშიც კი აღარ იმყოფება. ამასთანავე, ევროკავშირში ექსპორტი 38%-ით შემცირდა, ხოლო დსთ-ს ქვეყნებში - 46%-ით. იანვრის სტატისტიკამ აჩვენა, რომ საქართველოში ავტომობილების ბიზნესს სერიოზული პრობლემა აქვს. როგორც "რეზონანსი" ვარაუდობდა, ნედლი ნავთობის ექსპორტმა ღვინის ექსპორტს გაუსწრო.

ჰიბრიდული ძრავის მქონე ავტომანქანების იმპორტზე გადასახადი, შესაძლოა, განულდეს. როგორც საპარლამენტო უმრავლესობა განმარტავს, განბაჟების წესების შეცვლა ამ კატეგორიის ავტომობილების ბიზნესს მნიშვნელოვნად წაახალისებს. ელექტრომობილების წილი იმპორტში 0,001%-ს ძლივს აღწევს. ჰიბრიდული ძრავის მქონე მანქანების შემთხვევაში, ეს მაჩვენებელი 2-3%-ს არ აღემატება. შეღავათის შემთხვევაში კი ეს მაჩვენებელი მინიმუმ გაორმაგდება.

თურქეთსა და რუსეთს შორის დაძაბული ურთიერთობის ფონზე, საქართველო რუსი ტურისტების მოზიდვას ცდილობს. რამდენად გაამართლდება მთავრობის მოლოდინი, ეს ცალკე საკითხია, ვინაიდან თურქეთს ჩამოცილებული ტურისტების დიდი ნაკადის წაყვანა აღმოსავლეთ ევროპის ქვეყნების დიდი სურვილიცაა. საქართველოს საკურორტო ზონებში (განსაკუთრებით შავი ზღვისპირეთში) არსებული მაღალი ფასი და დაბალი ხარისხი კი ტურისტებისთვის არც ისე მომხიბვლელია.

ექიმები დიდ ყურადღებას უთმობენ ჰელოტოლოგიას (ბერძ. "ჰელოტოს" - სიცილი, "ლოგია" - მეცნიერება), ანუ სიცილის თერაპიას. სიცილის თერაპიის ფუძემდებელია ამერიკელი ჟურნალისტი ნორმან კოზისი. კოზისი ისტორიაში შევიდა როგორც "ადამიანი, რომელმაც სიკვდილიც კი გააცინა". მან 70-იანი წლების დასაწყისში ექსპერიმენტი ჩაატარა საკუთარ თავზე - იგი რამდენიმე თვის განმავლობაში მხოლოდ კომედიური ჟანრის ფილმებს უყურებდა. როგორც კოზისი ირწმუნება, სიცილის თერაპიის სეანსების შემდეგ მისი ჯანმრთელობა საგრძნობლად გაუმჯობესდა, კერძოდ, გათავისუფლდა სახსრების ტკივილისგან.

სასტუმრო "ქორთიად მარიოტში" საქართველოს ფეხბურთის ფედერაციამ ფეხბურთის განვითარების 5-წლიანი სახელმწიფო პროგრამის პრეზენტაცია მოაწყო. პრეზენტაციამდე ერთი დღით ადრე, ფედერაციის ხელმძღვანელობამ პრეზენტაცია მედიის წარმომადგენლებს გააცნო.

ირაკლი ღარიბაშვილის მიერ პარტიის შესაძლო შექმნასთან დაკავშირებით უმრავლესობის დეპუტატი ომარ ნიშნიანიძე ამბობს, რომ კვამლი უცეცხლოდ არ ჩნდება: "ქართველებს გვითქვამს, რომ კვამლი უცეცხლოდ არ ჩნდება, ამდენია ხანია, ამაზე მიდის საუბარი და შეიძლება მართლაც რაღაცას გეგმავს".

"რომელიმე დეპუტატს, "ქართული ოცნების" რომელიმე მხარდამჭერს მოსწონს თუ არ მოსწონს რესპუბლიკური პარტია, პოლიტიკური პროცესი მიმდინარეობს ისე, რომ "რესპუბლიკელები" კოალიციაში საჭირო და სანდო პარტნიორები ვართ.

თავდაცვის მინისტრის პოსტზე პროდასავლური აზროვნებისა და მისწრაფებების მქონე პოლიტიკოსები მავანთ განსაკუთრებულად აღიზიანებთ - ამ დასკვნამდე მიდიან პოლიტიკოსები ბოლო პერიოდის განმავლობაში თინა ხიდაშელისადმი გაძლიერებული კრიტიკის შეფასებისას.

ანალიტიკოსი გია ხუხაშვილი აცხადებს, რომ "რესპუბლიკური" პარტია კოალიციაში საკუთარი ძალის დემონსტრირებას ახდენს, რაც "ოცნების" წევრების გაღიზიანებას იწვევს. იგი გოგი თოფაძესა და თინა ხიდაშელს შორის მიმდინარე დაპირისპირებას ბუნებრივ მოვლენას უწოდებს.