რამდენიმე დღეა კოალიციაში რესპუბლიკელებსა და მრეწველებს შორის ღია დაპირისპირება მიმდინარეობს. ერთმანეთში ბერძენიშვილები და გოგი თოფაძე წაკამათდნენ. დაპირისპირების მიზეზი ამ უკანასკნელის განცხადება გახდა თავდაცვის მინისტრის თინა ხიდაშელი მისამართით. თოფაძის თქმით, ხიდაშელმა შუალედური არჩევნები გააყალბა. მეტიც, ორიოდე დღის წინ თოფაძემ შუალედური არჩევნების გაყალბებაში ხიდაშელთან ერთად იუსტიციის მინისტრი თეა წულუკიანიც დაადანაშაულა.

ევროპელი ლიდერები უკვე ხმამაღლა აღიარებენ, რომ რუსეთ-თურქეთს შორის ომის დაწყების საფრთხე არსებობს და ნატო-ს სახელით ისიც კი ითქვა, რომ თუ თურქეთი რუსეთთან შეიარაღებული კონფლიქტის პროვოცირებას თავად მოახდენს, ანკარა ნატო-ს მხრიდან უპირობო მხარდაჭერის იმედად არ უნდა იყოს.

ევროკავშირს დაშლის საფრთხე არ ემუქრება - ასე ეხმაურებიან საქართველოში ბრიტანეთის პრემიერ-მინისტრის, დევიდ კემერონის სიტყვებს იმის შესახებ, რომ "ევროკავშირი დასრულებულია". პოლიტოლოგები განმარტავენ, რომ საზოგადოებამ ეს განცხადება არასწორად გაიგო და რომ არც ევროკავშირი და არც შენგენის ზონა არავითარი საშიშროების წინაშე არ დგას.

კანონპროექტი, რომლის მიხედითაც მომხმარებელს შესაძლებლობა ეძლევა, ნაყიდი პროდუქცია უკან დააბრუნოს, პარლამენტის ევროინტეგრაციის კომიტეტმა წარმოადგინა. მიუხედავად იმისა, რომ ჯერჯერობით არ არის ცნობილი, თუ როდის მიიღებენ კანონპროექტს, აღსანიშნავია, რომ ინიციატივა მომხმარებელთა უფლებების დაცვის მიზნით შეიქმნა, რადგან დღეს არ არსებობს კანონი, რომელიც მომხმარებლის უფლებებს დაიცავს.

დღევანდელ სტატიაში მკითხველს გვინდა შევთავაზოთ რამდენიმე ნაკლებად ცნობილი ამბები ინგლისური ქართველოლოგიის ფუძემდებლების, და-ძმა მარჯორი და ოლივერ უორდროპების საქართველოში მოგზაურობის შესახებ; ამაში კი დაგვეხმარება იმდროინდელ ქართულ პრესაში, ილია ჭავჭავაძის "ივერიაში", გიორგი წერეთლის "კვალში", ანასტასია თუმანიშვილის საყმაწვილო ჟურნალ "ჯეჯილში", ნინო ნაკაშიძის "ნაკადულში", იოსებ იმედაშვილის "თეატრსა და ცხოვრებაში", "საქართველოს მოამბეში", "ცნობის ფურცელში" და "სახალხო გაზეთში" გამოქვეყნებული "ცნობები ინგლისელი სტუმრების საქართველოში ყოფნის დროს".

კავკასიაში გამალებული მილიტარიზაცია მიმდინარეობს და ეს პროცესი განსაკუთრებით აქტიური მოსკოვისა და ანკარის ურთიერთობის უკიდურესი გართულების შემდეგ გახდა.

საქართველოს კალათბურთელთა ეროვნულ ნაკრებს ბერძენი ილიას ზუროსი გაწვრთნის. ხელშეკრულება 1%1 წლიანია და 2017 წლის ევრობასკეტზე საქართველოს ნაკრების გასვლის შემთხვევაში ის ავტომატურად გახანგრძლივდება. ილიას ზუროსი საკმაოდ დიდი სამწვრთნელო გამოცდილებისა და ტიტულების მქონე სპეციალისტია. ის საბერძნეთის ეროვნულ ნაკრებსა და რამდენიმე წამყვან ევროპულ კლუბს თავკაცობდა.

"მრეწველებსა" და "რესპუბლიკელებს" შორის არსებული დაპირისპირების საკითხი კოალიციის მომავალ პოლიტსაბჭოს სხდომაზე განიხილება, სადაც "რესპუბლიკელები" საკითხს, სავარუდოდ, ასე დასვამენ - ან "მრეწველები" უნდა შეელიონ გოგი თოფაძეს, ან კოალიცია-"მრეწველებს".

მმართველ კოალიციაში შემავალი პარტიები საპარლამენტო არჩევნების წინ საკუთარი პოზიციების გაძლიერებას ცდილობენ და "რესპუბლიკელებისა" და "მრეწველების" დაპირისპირებაც ამის გამოძახილია. ამის შესახებ "რეზონანსთან" საუბარში "თავისუფალი დემოკრატების" ერთ-ერთმა ლიდერმა ვიქტორ დოლიძემ განაცხადა.

"იმის გამო, რომ სრულფასოვანი საელჩოები არ გვაქვს, აუცილებელია კარასინი-აბაშიძის ფორმატის არსებობა, რომ პრობლემები კიდევ უფრო არ დამძიმდეს. ასე რომ, ამჯერადაც იქნება რამდენიმე საკითხი განსახილველი ჰუმანიტარული და ეკონომიკური სფეროებიდან", - ამბობს "რეზონანსთან" საუბრისას რუსეთთან ურთიერთობის საკითხებში პრემიერ-მინისტრის სპეციალური წარმომადგენელი ზურაბ აბაშიძე.

რამოდენიმე დღის წინ საზოგადოება ქობულეთის რაიონის სოფელ ცეცხლაურში მომხდარმა ფაქტმა შეძრა. 4 წლის ბავშვი საკუთარმა მამამ სასტიკად სცემა. ბავშვის სხეულზე სილურჯე და სისხლჩაქცევები ბაღის აღმზრდელმა შეამჩნია. მან ამის შესახებ საბავშვო ბაღის დირექტორს აცნობა, რომელმაც ბავშვის მდგომარეობა საგანგაშოდ მიიჩნია და დახმარებისათვის სოციალურ სამსახურს მიმართა.

"საქართველოს განვითარების ფონდი" მუშაობის ახალ ფაზაში გადადის," - ამის შესახებ განცხადება საზოგადოებრივი ორგანიზაციის დამფუძნებელმა პაატა ბურჭულაძემ გააკეთა და მუშაობის ახალი ეტაპი სამომავლოდ საზოგადოებასთან უშუალოდ მისი კომუნიკაციის აუცილებლობით ახსნა. ბურჭულაძის თანამოაზრეების ნაწილი იმასაც ამბობს, რომ მათი საქმიანობის უკეთ წარმოსაჩენად ამიერიდან არა მხოლოდ დედაქალაში, არამედ რეგიონებსა და საზღვრებს გარეთაც კი იაქტიურებენ, თუმცა იქნება ეს პოლიტიკური პარტიის სტატუსით აქტიურობა, თუ კვლავ საზოგადოებრივი ორგანიზაციისა, ამაზე ჯერჯერობით არ საუბრობენ.