ქართული მუსიკის კლასიკოსი გიორგი ცაბაძე საკუთარ იუბილეზე უნიკალურ სიურპრიზს უმზადებს საზოგადოებას - დღეს, 30 ნოემბერს, რუსთაველის თეატრში აჟღერდება გენიალური კომპოზიტორის 12 უცნობი სიმღერა. გიორგი ცაბაძე თავისი შემოქმედების უცნობი მარგალიტებით კიდევ ერთხელ მოეფერება სრულიად საქართველოს.

"ისტორიაში რუსეთსა და თურქეთს შორის დაპირისპირება გაცილებით ადრე დაიწყო, ვიდრე მოხდებოდა პირდაპირი შეჯახება ამ ორი ქვეყნის ჯარებს შორის. პირველი პირდაპირი შეტაკება რუსებისა თურქებთან მოხდა ჯერ კიდევ მე-16 საუკუნეში; რუსეთ-თურქეთის ისტორიული ბრძოლის მეორე პერიოდი დაკავშირებულია პეტრე პირველისა და ეკატერინე მეორის პოლიტიკასთან. მე-19 საუკუნეში რუსეთი რამდენჯერმე ეომა თურქეთს. პირველ მსოფლიო ომში კი თურქეთი რუსეთის მოწინააღმდეგე იყო.

ქართული რაგბის განვითარების სტრატეგიულ მიმართულებად ამას წინათ სრულიად ცალსახად ასაკობრივი ნაკრებები დასახელდა. ეს არცაა გასაკვირი - მომავალ მსოფლიო ჩემპიონატზე, იაპონიაში, 2019 წელს "ბორჯღალოსანთა" რიგებში ხომ სწორედ ამ ნაკრებებში მოთამაშე ბიჭების უმრავლესობას მოუწევს გამოსვლა.

ანალიტიკოსი და ბიძინა ივანიშვილის ყოფილი მრჩეველი გია ხუხაშვილი აცხადებს, რომ პაატა პურჭულაძე პოლიტიკაში მოსვლის შემთხვევაში ბიძინა ივანიშვილის ფიგურის ჩანაცვლებას ეცდება. თუმცა, მიუხედავად ამ ორი ადამიანის განვლილ გზაში არსებული ანალოგებისა, ხუხაშვილი ფიქრობს, რომ საზოგადოებაში ივანიშვილზე უფრო დიდია ლეგენდა, ვიდრე პაატა ბურჭულაძეზე.

საქართველო უკვე ფინიშთანაა და ჩვენ ევროპაში უვიზოდ მიმოსვლას 2016 წელს შევძლებთ. საქართველომ უკრაინას გაასწრო და პროგნოზიც ძალიან დამაიმედებელია - თითქმის 99%-ით გადაწყვეტილია, რომ 15 დეკემბერს ევროკომისია საქართველოს ვიზალიბერალიზაციასთან დაკავშირებით დადებით ანგარიშს დადებს, ხოლო ევროპის შენგენის ზონის 26 ქვეყანაში ვიზის გარეშე მიმოსვლა მომავალი წელს ამოქმედდება. ოღონდ ზაფხულიდან გაიღება ეს კარი თუ შემოდგომის ბოლოდან, ეს ჯერ ბოლომდე გადაწყვეტილი არ არის.

ადვოკატთა ასოციაციის თავმჯდომარე ზაზა ხატიაშვილი აცხადებს, რომ ირაკლი შოთაძის მთავარ პროკურორად დანიშვნა ბიძინა ივანიშვილის პირადი სურვილი იყო, რომლის სისრულეში მოყვანაც მან მიზნად დიდი ხნის წინ დაისახა. ამ ფაქტის დასამტკიცებლად ხატიშვილი წელიწად-ნახევრის წინანდელ განცხადებას იხსენებს, რომელიც თავდაცვის ყოფილმა მინისტრმა ირაკლი ალასანიამ გაავრცელა. ხატიაშვილი მიიჩნევს, რომ შოთაძის შერჩევის პროცესში უშუალო მონაწილეობა ხელისუფლებამ მიიღო და შესაბამისად, ფიქრობს, რომ იგი დამოუკიდებელი პროკურორი ვერ იქნება.

რუსეთ-თურქეთს შორის დაძაბულობა გრძელდება - თურქეთის პრეზიდენტის რეჯეფ ერდოღანის განცხადებით, მისი რუსი კოლეგა ვლადიმირ პუტინი "ცეცხლს ეთამაშება". ოფიციალური მოსკოვი კი თურქეთთან მომავალი წლიდან უვიზო რეჟიმს შეაჩერებს. მოსკოვსა და ანკარას შორის მსგავსი რიტორიკის გაგრძელებას ვარაუდობენ ქართველი პოლიტოლოგები და საბოლოო ჯამში, სავაჭრო-ეკონომიკური ურთიერთობის გაწყევტას პროგნოზირებენ.

სოციალურ ქსელში გუშინ გავრცელდა სურათები, რომელზეც ასახულია "თავისუფალი დემოკრატების" ლიდერი ირაკლი ალასანია და მისი პარტიის წევრი გიორგი ცაგარეიშვილი, რომლებიც მეტროთი მგზავრობენ.

გორის რაიონში, სოფელ ვარიანში მცხოვრები გიორგი ნიბლაძე, შესაძლოა, არასრულწლოვან მეუღლესთან სქესობრივი ურთიერთობის გამო დასაჯონ. საქმე ისაა, რომ წყვილის საეკლესიო ქორწინების დროს გოგონა არასრულწლოვანი იყო, რაც კანონით დასჯადია. აღნიშნული ფაქტი პროკურატურისთვის მას შემდეგ გახდა ცნობილი, რაც მათ შვილი შეეძინათ.

ვარკეთილის მოსახლეობა ხელით გაშენებული ხე-ნარგავების შესაძლო გაჩეხვასა და ამ ტერიტორიაზე სამშენებლო ნებართვის გაცემას აპროტესტებს. მათი თქმით, მე-2 რიგის, მე-4 მიკრო-რაიონის მე-4 კორპუსის გამწვანებული ეზოს ტერიტორიაზე სამშენებლო ნებართვის გაცემა იგეგმება და მოუწოდებენ მერიას, რომ სამშენებლო და ხე-ნარგავების ჭრის ნებართვა არ გასცეს.

2016 წლის 1-ელ ივლისს პენსია 20 ლარით გაიზრდება. "რეზონანსი" ჯერ კიდევ 10 ნოემბერს წერდა, რომ სახელმწიფო ბიუჯეტის პროექტში პენსიის, სწორედ, 20-ლარით გაზრდის შესაძლებლობა არსებობდა, თუმცა მაშინ ხელისუფლებაში ამ ოდენობით მატებას სახიფათოდ მიიჩნევდნენ. ამასთანვე, ხაზგასასმელია ის ფაქტიც, რომ 6%-იანი ინფლაციის გათვალისწინებით, 180 ლარამდე გაზრდილი პენსიის მსყიდველობითიუნარიანობა 167 ლარია.

სოფლის მეურნეობის სამინისტრო გლეხებს აგრობარათებს მომავალ წელსაც დაურიგებს. მთავრობის გადაწყვეტილებით, "მცირემიწიან ფერმერთა ხელშეწყობის" პროექტი 2016 წლის ბოლომდე გაგრძელდება და ამისთვის ბიუჯეტიდან 40 მილიონი ლარი გამოიყოფა. სპეციალისტების ნაწილი მიიჩნევს, რომ უმჯობესი იქნებოდა ეს თანხა უფრო შედეგიანი პროექტებისთვის დახარჯულიყო.