რუსეთში ქართული ტანსაცმლისა და ფეხსაცმლის ექსპორტი მოიმატებს. მწარმოებლები ფიქრობენ, რომ ჩრდილოეთში პოზიციას დაახლოებით 70-80%-ით გაიუმჯობესებენ. სასოფლო-სამეურნეო ნაწარმს კი რუსეთისკენ გზა კიდევ უფრო გაეხსნება. სულ მალე მეზობელი ქვეყნისკენ ისეთი პროდუქტი გაიგზავნება, რაც აქამდე არ შედიოდა. ამ ყველაფრის მიზეზი კი რუსეთ-თურქეთის კონფლიქტი და კრემლის ემბარგოა.

30 ნოემბერს კინოთეატრ "ამირანში" თბილისის რიგით მე-16 საერთაშორისო კინოფესტივალი ლევან თუთბერიძის "მოირას" პრემიერით გაიხსნა. გარდა იმისა, რომ წლევანდელ ფესტივალზე კინომოყვარულებს უახლესი ფილმების ნახვის შესაძლებლობა ექნებათ, წელსვე კინემატოფრაფისტებისა და კინოს სფეროთი დაინტერესებული ადამიანებისთვის მოწვეული პროფესორები ლექციებსა და დისკუსიებს გამართვენ.

ზაზა ფაჩულია მიმდინარე სეზონს ამერიკულ ნაციონალურ საკალათბურთო ლიგაში მართლაც რომ ტრიუმფულად ატარებს, განსაკუთრებით შთამბეჭდავი გამოდგა საქართველოს ნაკრების კაპიტნის გარჯა პორტლენდში, სადაც მან სეზონის მე-12 ორმაგი დუბლი მიითვალა და პირადი რეკორდი - 21 მოხსნა - გაიმეორა. საგულისხმოა, რომ 21 მოხსნა ზაზა ფაჩულიამ რამდენიმე თვის წინ, 2015 წლის 20 მარტს "მილუოკისა" და "ბრუკლინის" მატჩში მოაგროვა.

ახლო აღმოსავლეთში ჯიჰადისტების მხარეზე ბრძოლისას აჭარიდან 4 ადამიანია გარდაცვლილი, ქვემო ქართლიდანაც 4, პანკისიდან კი 12. საქართველოდან სირიაში საომრად დაახლოებით 120-მდე ადამიანია წასული. მათგან ცნობილია 4 საველე მეთაური და ოთხივე ქისტია. აჭარიდან და ქვემო ქართლიდან საველე მეთაურები არ არიან, აცხადებს "რეზონანსთან" საუბრისას "სტრატეგიული კვლევების კავკასიური ცენტრის" ხელმძღვანელი მამუკა არეშიძე.

"ხელისუფლებას აქვს დღეს უმთავრესი ამოცანა, რომლისგანაც გამომდინარეობს ყველა დანარჩენი; ეს არის სწრაფი ეკონომიკური ზრდა და სამუშაო ადგილები, სხვა ყველაფერი არის კეთილი სურვილები," - აცხადებს დემურ გიორხელიძე, რომელსაც "რეზონანსი" ქვეყანაში მიმდინარე პოლიტიკურ ვითარებაზე ესაუბრა.

იმუნოდეფიციტი, ჩვეულებრივი ვირუსი თუ ლეიკემია - 8 წლის ბუკა ნიკურაძე, რომელიც ჯერ იაშვილის კლინიკაში, შემდეგ კი თურქეთში მკურნალობდა, გუშინ გარდაიცვალა.

მედიაში ვრცელდება ინფორმაცია, რომ 13 ივნისს დაზარალებულებისთვის განკუთვნილი ჰუმანიტარული დახმარება საწყობებში ფუჭდება. ერთ-ერთი ასეთი საწყობი, სადაც პროდუქტს ახარისხებდნენ, დიღომში მდებარეობს, თუმცა ამ დრომდე გაუგებარი რჩება, საიდან მიიღო მერიამ ეს დახმარება და როდის გადანაწილდება ის ადრესატებზე.

საქართველოს ფეხბურთის ფედერაციის ოფისში აღმასრულებელი კომიტეტის მორიგი სხდომა გაიმართა. სხდომაზე რამდენიმე საკითხი განიხილებოდა, კერძოდ, ს/კ ლანჩხუთის "გურიის" და მისი ყოფილი მწვრთნელების დავის შესახებ, ფუტსალის ასოციაციაში მიმდინარე პროცესები, შპს "საფეხბურთო დავების განმხილველი ტრიბუნალი".

ტერორისტულ ორგანიზაცია "ისლამურ სახელმწიფოსთან" ("აისისი") შესაძლო კავშირში მყოფ პირებზე დევნა გრძელდება - სახელმწიფო უსაფრთხოების სამსახურმა გუშინ კიდევ 4 ადამიანი დააკავა, რომელთაც რატომღაც ბრალი არა ტერორიზმთან კავშირის, არამედ იარაღისა და ასაფეთქებელი მოწყობილობების შეძენა-შენახვისა და დამზადების მუხლით წაუყენეს.

როგორი უნდა იყოს თბილისის 2016 წლის ბიუჯეტი და რა შენიშვნები ჰქონდა საკრებულოს - ამის შესახებ "რეზონანსთან" თბილისის საკრებულოს უმრავლესობის დეპუტატმა, "რესპუბლიკელმა" დავით ზურაბიშვილმა ისაუბრა. მისი თქმით, ფრაქციას ბიუჯეტთან ძირითადად მეთოდოლოგიური შენიშვნები ჰქონდა.

სახელმწიფო უსაფრთხოების სამსახურის კონტრტერორისტულ ცენტრში დაქირავებულის შეიარაღებულ კონფლიქტში მონაწილეობის ფაქტზე გამოძიება მიმდინარეობს, საქართველოს სსკ-ის 410-ე მუხლის მესამე ნაწილით.

ფრიდრიხ ებერტის ფონდის ორგანიზებით თბილისში, სასტუმრო "ჰოლიდეი ინში" სოციალური დიალოგისა და შრომის სტანდარტების შესახებ მე-6 საერთაშორისო კონფერენცია გაიმართა, რომელსაც შრომის საერთაშორისო ორგანიზაციის წარმომადგენლები, დიპლომატიური კორპუსი, გაერთიანებული პროფკავშირის წევრები, ფონდის წარმომადგენლობა, სახალხო დამცველის მოადგილე და მთავრობის წევრები ესწრებოდნენ.