ცხინვალის რეგიონის დე ფაქტო ლიდერი ლეონიდ თიბილოვი რუსეთთან შეერთების საკითხზე რეფერენდუმის ჩატარებას აპირებს. თუმცა, ამ საკითხზე მოსკოვიდან პირველივე კომენტარი უფრო ცივ შხაპს ჰგავდა. პუტინის წარმომადგენელმა საერთოდ ამ საკითხის განხილვაც კი უარყო.

ბათუმში "ნაციონალური მოძრაობის" წევრებსა და "თავისუფალი თაობის" აქტივისტებს შორის დაპირისპირება მას შემდეგ მოხდა, რაც ამ უკანასკნელის წარმომადგენლები პარტიის ოფისში ბოთლების შეტანას ცდილობდნენ.

დასავლეთის მიმართ ნეგატიური განწყობა თანდათან იზრდება, მიზეზად კი პოლიტოლოგები და სოციოლოგები ძირითადად ანტიდასავლური მედიასაშუალებების მომრავლებასა და პოლიტიკოსთა განცხადებებს ასახელებენ.

საქართველოს შეიარაღებული ძალების სამხედრო მოსამსახურემ, 19 ოქტომბერს, საღამოს საათებში, სიცოცხლე თვითმკვლელობით დაასრულა. ცხედარი სოფელ ნორიოს მიმდებარე ტერიტორიაზე, სამხედრო ნაწილის ფარგლებს გარეთ იქნა ნაპოვნი.

რამდენიმეთვიანი ტაიმ-აუტის შემდეგ ტელეკომპანია "იმედი", "პირველი არხი" და ჯი-დი-ესი პოლიტიკური თოქ-შოუების აღდგენას იწყებენ. "რეაქციის", ეკა მიშველაძის საავტორი გადაცემისა და "კვირის 20/30"-ის ჩანაცვლება სხვა გადაცემებით ნოემბრის დასაწყისში მოხდება, თუმცა არხების ხელმძღვანელობა დეტალების გახმაურებისგან ჯერჯერობით თავს იკავებს. უცნობია წამყვანების ვინაობაც. თუმცა, გავრცელებული ინფორმაციით, "იმედზე" პოლიტიკურ თოქ-შოუს შალვა რამიშვილი წააყვანს.

რობერტ ლევანდოვსკი დიდებულ ფორმაშია. მიუნხენის "ბაიერნისა" და პოლონეთის ნაკრების თავდამსხმელი საფეხბურთო საზოგადოების გაოცებას განაგრძობს. ევრო 2016-ის შესარჩევი ეტაპის ყველაზე შედეგიანი ნაკრები პოლონეთი გახდა. პოლონეთისა და საქართველოს ნაკრებები ევროპის შესარჩევ ეტაპზე ერთ ჯგუფში იყვნენ. 27 წლის ფეხბურთელმა 10 შეხვედრაში 13 გოლი გაიტანა. 6-ჯერ ლევანდოვსკიმ გიბრალტარს გაუტანა, სამჯერ საქართველოს, ორჯერ შოტლანდიას და თითოჯერ ირლანდიასა და გერმანიას.

ფონდ "ღია საზოგადოება საქართველოს" ევროინტეგრაციის მიმართულების მენეჯერი ვანო ჩხიკვაძე ვიზალიბერალიზაციის სამოქმედო გეგმის შესრულების ხარისხს აფასებს და ამბობს, რომ იგი დადებით შეფასებას იმსახურებს, თუმცა ეს ნამდვილად არ ნიშნავს იმას, რომ სავიზო რეჟიმის გამარტივება გარანტირებული გვაქვს.

ბოლო 3 დღეა, საქართველოში სენსაციური ინფორმაცია ვრცელდება. თურმე ქვეყანაში 3,8 ტრილიონი კუბური მეტრი ბუნებრივი აირის რესურსი ყოფილა. ეს გათვლები ჩვენთვის კარგად ცნობილ კომპანია "ფრონტერას" ეკუთვნის. თუ ამ მონაცემებს დავუჯერებთ, საქართველოში იმაზე მეტი გაზის მარაგია, ვიდრე აზერბაიჯანსა და ქუვეითში ერთად აღებული. უფრო მეტიც, საქართველო, ამ მონაცემებით, გაზის მომპოვებელი ქვეყნების ათეულშიც კი შედის. ცნობილია, რომ "ფრონტერა" საქართველოს ნავთობმოპოვების სექტორში დიდი ხანია საქმიანობს, თუმცა ჩვენთან გაზის მოპოვების მაჩვენებელი თითქმის არ შეცვლილა.

ირანი მზადაა, ბირთვულ პროგრამასთან დაკავშირებით მსოფლიოს ექვს სახელმწიფოს შორის მიღწეული შეთანხმების პირობები წლის ბოლოსთვის შეასრულოს. პარალელურად, ამერიკა და ევროკავშირი სანქციების მოსახსნელად ემზადება. ქართველი ანალიტიკოსების აზრით, სანქციების მოხსნის შემდეგ, შესაძლოა, ირანი სამხრეთ კორიდორის პროექტში შევიდეს და ამ გადაწყვეტილებით სარგებელი საქართველომაც მიიღოს.

ბოლო დროს, ცხოველთა დამცველების აქტიური კამპანიის შედეგად, შინაური ცხოველების მიმართ დამოკიდებულება შეიცვალა. "რეზონანსის" მიერ ჩატარებულმა მცირე კვლევამ აჩვენა, რომ გაიზარდა იმ ოჯახების რაოდენობა, სადაც ოთხფეხა მეგობრები ჰყავთ. ჩვენ თბილისის მასშტაბით სულ 100 ადამიანი გამოვკითხეთ. აქედან უმეტესობამ განაცხადა, რომ სახლში (ქალაქის პირობებში) შინაური ცხოველი ჰყავთ. ნაწილს აქვს სურვილი ყოლის, თუმცა მოვლის დრო და სახსრები არ გააჩნია.

დაფნის ფასმა წელს ისტორიულ მაქსიმუმს მიაღწია. დასავლეთ საქართველოში 1 კგ ფოთოლს 4-4,5 ლარად იბარებენ. დამოუკიდებელი საქართველოს ისტორიაში ამ ფასად დაფნა არასდროს გაყიდულა. მკვეთრი მატება რუსეთსა და თურქეთში გაზრდილმა ექსპორტმა გამოიწვია.

ზამთარში ქვეყნის მთავარი ელექტროსადგურის, ენგურჰესის მიერ გამომუშავებული ელექტროენერგია მთლიანად აფხაზეთს მიაქვს. ამ პერიოდში სიტყვიერად შეთანხმებული კვოტები 40/60-ზე არ სრულდება. საქართველოს ელექტროსისტემა იძულებულია დანარჩენი რეგიონების ელექტრომომარაგების უზრუნველსაყოფად იმპორტი გაზარდოს. აღსანიშნავია, რომ აფხაზეთის ენერგომოხმარება ყოველ წელს იზრდება და არ არის გამორიცხული, რომ მალე ამ რეგიონის დასაკმაყოფილებლად სისტემიდან უფრო მეტი ელექტროენერგია გავიდეს, ვიდრე ენგურჰესი და ვარდნილჰესი ერთად გამოიმუშავებენ. არსებობს ეჭვი, რომ აფხაზეთს ამდენი დენი არ სჭირდება და მას კრასნოდარის მხარეში ყიდიან.