სირიის კონფლიქტის დინამიკაზე დაკვირვებით არ გამორიცხავენ, რომ შესაძლოა, მალე იგი რეგიონის ფარგლებსაც გასცდეს და მესამე მსოფლიო ომამდე მიგვიყვანოს - პოლიტოლოგების აზრით, სიმშვიდის მიზეზი ნაკლებად გვაქვს, ვინაიდან საომარ მოქმედებებში სულ უფრო და უფრო მეტი ქვეყანა ერთვება.

საპარლამენტო უმრავლესობის წევრი ირაკლი სესიაშვილი ტელეკომპანია "რუსთავი 2"-ის გარშემო განვითარებულ მოვლენებზე ხელისუფლების ზეწოლას გამორიცხავს. მისი თქმით, ეს არის კერძო დავა, თუმცა "ნაციონალური მოძრაობა" ამას თავისი ინტერესებისთვის იყენებს.

ტელეკომპანია "რუსთავი 2"-ის ადვოკატებმა გუშინდელ პროცესზე მოსამართლე თამაზ ურთმელიძეს თვითაცილების და სხდომის გადადების შუამდგომლობით მიმართეს, თუმცა მოსამართლემ არცერთი შუამდგომლობა არ დააკმაყოფილა.

მარიო გომესი საკმაოდ წარმატებულად ასპარეზობდა "შტუტგარტში" და "ბაიერნში", თუმცა გერმანელმა თავდამსხმელმა კარიერის გაგრძელება თურქულ "ბეშიქთაშში" გადაწყვიტა.

ევროკავშირის მიერ გამოყოფილი თანხები სხვადასხვა მიმართულებით იხარჯება და თითქმის ყველა სფეროს ეხება. 2016 წლისათვის სამოქმედო გეგმის პრიორიტეტებიც წინ წლის მსგავსი იქნება, თუმცა ევროპული ღირებულებების შესახებ აქტიური საინფორმაციო კამპანია დაემატება, რომელსაც ასევე ევროკავშირი დააფინანსებს.

გაისად პენსიების გაზრდის საკითხი, ფაქტობრივად, გადაწყვეტილია. "ქართული ოცნების" დეპუტატები წინასაარჩევნოდ დაპირების შესრულებასა და პენსიების გაზრდას ითხოვენ. მთავრობა კი მზად არის ბიუჯეტში დამატებითი ფინანსური რესურსი მოიძიოს და პარლამენტის მოთხოვნა შეასრულოს.

ზამთრის სეზონზე მოსახლეობის უმრავლესობა ხელფასის 45%-ს კომუნალურ გადასახადებში ხარჯავს, დარჩენილი 55% კი კვებაში, მედიკამენტებში, ჩაცმასა თუ სხვა მოთხოვნილებისთვის უნდა იკმაროს. ეს კი იმას ნიშნავს, რომ ზამთარში ერთმა ჩვეულებრივმა ოჯახმა ან დენისა და ბუნებრივი აირის მოხმარება უნდა შეამციროს, ან კიდევ საკვებისა და წამლების ხარჯი მკვეთრად შეზღუდოს.

რაჭაში გირჩის რთველს პრობლემა აქვს. გარდა იმისა, რომ წელს მოსავალი შემცირდა, რეალიზაციამ კატასტროფულად იკლო. ევროპაში ჩვენი პროუქტის გაყიდვა დაახლოებით 80%-ით მოიკლო. წინა წლებში გირჩების შეგროვებისა და რეალიზაციის პროცესში საკმაოდ ბევრი ადამიანი მონაწილეობდა, ახლა კი მათი რაოდენობა გამესამედებულია.

კონკურენციის სააგენტომ ხორბლისა და ფქვილის ბაზარზე მონოპოლისტები ვერ აღმოაჩინა. რამდენიმე წლის განმავლობაში მეწისქვილეები აზერბაიჯანული კომპანიის "კარმენის" დომინანტურ მდგომარეობასა და მის მიერ ფასების განსაზღვრის პოლიტიკაზე საუბრობდნენ. სააგენტოში დომინანტობა დაადასტურეს, თუმცა განმარტეს, რომ მას "კარმენი" "ბოროტად არ იყენებდა".

"გარდაცვლილი პაციენტის ოჯახის წევრები ექიმებს გულგრილობაში ადანაშაულებენ და მათ წინააღმდეგ გამოძიების დაწყებას ითხოვენ", "პაციენტს შეცდომით უმკურნალეს, რის შემდგომაც მისი ჯანმრთელობის მდგომარეობა კიდევ უფრო დამძიმდა" - ასეთი ფაქტები არა მარტო ქართულ, არამედ მსოფლიო მედიცინის ისტორიაში მუდმივადაა. საბოლოო ჯამში კი ექიმების დაუდევრობას პაციენტები ეწირებიან, არასწორი მკურნალობა კი ზოგჯერ ლეტალური შედეგითაც სრულდება. ეს კი ხშირად მათ დაბალ პროფესიულ დონეზე მიუთითებს.

ბოლო დროს ქვეყანაში წარმოქმნილი სოციალური და ფინანსური პრობლემები სკოლის მოსწავლეების ყოფაზეც აისახა. მშობლების უმეტესობა არ მალავს, რომ მათ სკოლისთვის საჭირო ნივთების სრულად შეძენა ვერ შეძლეს. მათი თქმით, უფასო სახელმძღვანლოები რომ არ ჰქონოდათ, კატასტროფულად მძიმე სიტუაციაში აღმოჩნდებოდნენ.

ყაზაზურმა მხარემ, შესაძლოა, საქართველოდან ინვესტიციების გატანა გადაიფიქროს. ეკონომიკის მინისტრი დიმიტრი ქუმსიშვილი აცხადებს, რომ ამ საკითხზე ყაზახელ კოლეგასთან შეხვედრისას საუბარიც კი არ ყოფილა. უკვე გადაწყდა, რომ "ყაზტრანსგაზ-თბილისის" საკითხზე ყაზახეთისა და საქართველოს მთავრობებს შორის ერთობლივი სამუშაო ჯგუფი იმუშავებს.