8 ოქტომბერს თბილისის ცენტრში, სასტუმრო "რედისონის" მიმდებარე ტერიტორიაზე შუადღისას სროლის ხმა ისმოდა. როგორც თვითმხილველები "რეზონანსთან" საუბარში აცხადებენ, ხუთამდე შეიარაღებულმა ახალგაზრდამ ერთმანეთს ცეცხლი გაუხსნა.

"გავითვალისწინებ ნიშნის წერის დროს" - ეს ის ფრაზაა, რომელმაც სოციალურ ქსელში დიდი ხმაური გამოიწვია. საუბარია ილიას უნივერსიტეტის ერთ-ერთ პროფესორზე, რომლის სიტყვე-ბიც მისმა სტუდენტმა გაასაჯაროვა. შეტყობინებაში ლექტორი სტუდენტებს საკუთარი წიგნის შეძენისკენ მოუწოდებდა და თან აფრთხილებდა, რომ ამას ნიშნის წერის დროს გაითვალისწინებდა.

"თუ დამიჯერებთ, მეგობრებო, გულწრფელად ვნანობ, თუ უნებლიეთ ვინმეს გული გატკინეთ და ამისთვის მზად ვარ, ბოდიშიც მოგიხადოთ. ჩვენ დავუკავშირდით ბატონ არნოლდ სტეფანიანს და უნდა ითქვას, რომ ჩვენ შორის დიალოგი შედგა. ეს კაცი გაგებით მოეკიდა შექმნილი სიტუაციის განმუხტვას," - ეს განცხადება ხულოს მუნიციპალიტეტის საკრებულოს ფრაქცია "ქართული ოცნების" თავმჯდომარე ოთარ გელაძემ საკუთარ ფეისბუქ გვერდზე გამოაქვეყნა. მისი ბოდიშის ადრესატი კი მოძრაობა "მრავალეროვანი საქართველოა"

დიდუბის რაიონში მდებარე ერთ-ერთი ქუჩის სახელწოდება რამდენიმე თვეა მოსახლეობასა და საკრებულოს შორის დავის საგანია. ვლადიმერ ვორონინის სახელობის ქუჩა რამდენიმე თვის წინ კაპიტან ვახტანგ შანავას სახელობის გახდა, რამაც ქუჩის მცხოვრებთა უკმაყოფილება გამოიწვია. აცხადებენ, რომ დამსახურებული მეცნიერი და აკადემიკოსი რუსული გვარის გამო გაიმეტეს.

სამომხმარებლო ბაზარზე ყველი კიდევ გაძვირდა. პროდუქტის მწარმოებლები ფიქრობენ, რომ ტენდენცია გაგრძელდება და წლის ბოლომდე 1 კგ-ის ფასი 10 ლარს გადააჭარბებს, რასაც ექსპერტებიც ადასტურებენ. მათი ვარაუდით, საახალწლოდ ყველის ფასი რეკორდულ ნიშნულს მიაღწევს.

თბილისში განათების ბოძებზე სარეკლამო განცხადებების განთავსებისთვის უკვე 22 ადამიანი დაჯარიმდა. შესაბამისი გადაწყვეტილება სასამართლომ მიიღო. ზოგიერთ საზოგადოებრივ ადგილას, ასევე მიწისქვეშა გადასასვლელებში სხვადასხვა სახის პლაკატებისა და საინფორმაციო მასალების განთავსებისთვის პირველ შემთხვევაში მოქალაქე 50 ლარით დაჯარიმდება, ხოლო განმეორების შემთხვევაში, 500-ლარიან ჯარიმასაც გამოჰკრავს ხელს.

"კავკასუს ონლაინი" და მოქალაქე ვლადიმერ ქვილითაია კავშირს "პრესა საქართველოს" და მამია სანადირაძეს საინფორმაციო პორტალ "ფორ.გე"-ზე გამოქვეყნებული სტატიის გამო სასამართლოში უჩივიან. მოსარჩელე მხარე "ფორ.გე"-სგან ინფორმაციის უარყოფას და ზიანის ანაზღაურებისთვის 50-50 ათასი ლარის გადახდას ითხოვს. საინფორმაციო პორტალის დამფუძნებლები და რედაქტორები კი აცხადებენ, რომ ინფორმაცია მხოლოდ მას შემდეგ გამოაქვეყნეს, რაც ეს ოფიციალურმა სტრუქტურებმა დაუდასტურეს, შესაბამისად, ისინი "ფორ.გე"-ზე "შესწორების" გაშვებას არ აპირებენ.

ენერგეტიკის მინისტრს კახა კალაძესა და "გაზპრომის" წარმომადგენლებს შორის მორიგი შეხვედრა უახლოეს მომავალში გაიმართება. უკვე ცნობილია, რომ საქართველოში, შესაძლოა, რუსული გაზის იმპორტი დაიწყოს. აქტიურად განიხილება ირანიდან გაზის ტრანზიტის საკითხიც. ასეთ შემთხვევაში, საქართველოს გაზის მიღების 5 დივერსიფიცირებული წყარო ექნება - პირდაპირი შესყიდვა "გაზპრომიდან" და "სოკარიდან", ამას დაემატება "შაჰ-დენიზის", რუსეთიდან სომხეთში და ირანიდან ტრანზიტის საფასურად მიღებული გაზი. გამომდინარე იქიდან, რომ რუსეთი საქართველოსთვის ოკუპანტი და აგრესორი ქვეყანაა, საზოგადობის ნაწილი არსებულ მოლაპარაკებებს ეწინააღმდეგება.

"ევრო 2016"-ის შესარჩევი ეტაპის მე-9 ტურში საქართველოს ეროვნულმა ნაკრებმა ბოლო საშინაო შეხვედრა გიბრალტართან გამართა და გამარჯვებით დაასრულა. კახა ცხადაძის შეგირდებმა "დინამო არენაზე" სტუმრებს 4 უპასუხო გოლი გაუტანეს.

"დეკემბრის მინისტერიალი, მაღალი ალბათობით, გაფართოებისკენ გადადგმული ნაბიჯი იქნება", - თავდაცვის მინისტრის ამ ოპტიმისტურ განცხადებას ქართველი ექსპერტები ნატოს წარმომადგენლების მხრიდან გაკეთებულ საჯარო განცხადებს უკავშირებენ, თუმცა, აქვე იმასაც არ გამორიცხავენ, რომ მინისტრს ზურგს კულუარული დაპირებებიც უმაგრებდეს და სწორედ ამიტომ "ბედავდეს" მოსახლეობისათვის იმედის მიცემას.

2008 წლის რუსეთ-საქართველოს ომი შესაძლოა, ჰააგის სისხლის სამართლის საერთაშორისო სასამართლომ გამოიძიოს. წინასწარი დასკვნის მიხედვით, არსებობს "საფუძვლიანი ვარაუდი," რომ აგვისტოს 5 - დღიანი ომის დროს საქართველოში სამხედრო დანაშაული იქნა ჩადენილი.

"რესპუბლიკური" პარტიის და თბილისის საკრებულოს წევრის დავით ზურაბიშვილის განცხადებით, წინასაარჩევნოდ ქვეყანაში შექმნილი მძიმე ეკონომიკური მდგომარეობა "ქართული ოცნების" რეიტინგზე ცუდად აისახება, თუმცა მიაჩნია, რომ ამით "ნაციონალური მოძრაობის" ამომრჩეველთა რიცხვი არ გაიზრდება.