ევროსაბჭოს მიერ გასულ კვირას მიღებული რეზოლუციის ფონზე, პოლიტოლოგები საგარეო ფლანგზე ხელისუფლების სერიოზულ მარცხზე საუბრობენ და "ოცნებას" ამ კუთხით გააქტიერობისაკენ მოუწოდებენ. წინააღმდეგ შემთხვევაში, მათი აზრით, ქვეყანა სავალალო შედეგს მიიღებს.

ვეტერანების საქმეთა სახელმწიფო სამსახურის დირექტორი ირაკლი შიხიაშვილი აცხადებს, რომ მედიაში გავრცელებული ინფორმაცია მის მიერ გამოწერილ სახელფასო დანამატსა და პრემიებთან დაკავშირებით აბსოლუტური სიცრუეა. მისი თქმით, არასწორი ინფორმაციის გავრცელება "ინფორმაციის თავისუფლების განვითარების ინსტიტუტისთვის" (შვაშ) მიწოდებული არაზუსტი ხარჯთაღრიცხვით იყო განპირობებული, რის გამოც საზოგადოების შეცდომაში შეყვანა მოხდა.

საკვლევ-საკონსულტაციო ცენტრ "ფსიქოპროექტის" დამფუძნებელ ზურაბ ბიგვავას განცხადებით, "ქართული ოცნების" რეიტინგი დაეცა, თუმცა ისე არა, რომ საპარლამენტო არჩევნებზე გამარჯვება ვერ მოახერხოს. მისივე თქმით, "ოცნების" ხარჯზე "ნაციონალური მოძრაობის" რეიტინგი არ იზრდება და "გაბრაზებული ამომრჩეველი" ირაკლი ალასანიას, ნინო ბურჯანაძისა და თარხან მოურავის პარტიებისკენ იხრება.

ლევან კობიაშვილი საქართველოს ფეხბურთის ფედერაციის პრეზიდენტია, ის ქართულ ფეხბურთს 4 წელი უხელმძღვანელებს. ხმის მიმცემი 33 დელეგატიდან 18-მა მხარი მას დაუჭირა, 15-მა რევაზ არველაძეს, ხოლო მამუკა კვარაცხელიამ ვერც ერთი ხმა ვერ მოაგროვა.

პარტია "თავისუფალი დემოკრატების" წევრი და დეპუტატი ვიქტორ დოლიძე აცახდებს, რომ დღევანდელი ხელისუფლება "რუსთავი 2"-თან მიმართებაში სწორედ იმ მეთოდებს იყენებს, რომელსაც სააკაშვილის ხელისუფლება მიმართავდა.

სახალხო დამცველმა თბილისისა და ქუთაისის ხანდაზმულთა პანსიონატებში, ასევე ხანდაზმულთათვის მომსახურების მიმწოდებელ 5 დაწესებულებაში ჩატარებული მონიტორინგის შედეგად გამოვლენილ დარღვევებზე ისაუბრა.

ავტოავარიის შედაგად დაზარალებულ პაციენტს თელავის საავადმყოფოდან უშვებენ. პაციენტი რუსეთის მოქალაქე სერგო კალამაშვილია, რომელიც ავარიაში 5 აგვისტოს მოყვა და რუსული მედიის ცნობით, მისი მდგომარეობა კრიტიკულია. პაციენტს არ შეუძლია დამოუკიდებლად გადაადგილება და საუბარი. მისი საავადმყოფოდან გაშვების მიზეზი დაზღვევის არქონა და თანხის გადაუხდელობაა. საქმეში ჩართულია რუსეთის საგანგებო სიტუაციათა სამინისტრო, რომ სერგო კალამაშვილი სამკურნალოდ რუსეთში გადაიყვანონ.

იმ ბავშვებისთვის, რომლებიც 15 სექტემბრამდე 6 წლის არ ხდებიან და შესაბამისად სკოლაში ვერ შედიან, განათლების სამინისტრომ სასკოლო მზაობის პროგრამა შეიმუშავა. სასკოლოდ მოსამზადებელი ჯგუფები, გარდა ბაგა-ბაღებში, ასევე სკოლებშიც განთავსდება, ამისთვის კი თბლისის 50 სკოლა შეირჩა.

2 ოქტომბერს ოჩამჩირის რაიონის სოფელ ტამიშში, სასაფლაოს მიმდებარე ტერიტორიაზე მამაკაცის ცხედარი იპოვეს, რომელსაც ცეცხლსასროლი იარაღით მიყენებული ჭრილობა აღენიშნებოდა. გარდაცვლილი ბესლან მალანძია იყო, რომელიც გალის ე.წ. საბაჟოს უფროსის თანამდებობაზე მუშაობდა. "პოლკოვნიკს" გულმკერდის არეში ცეცხლსასროლი იარაღით ერთი ჭრილობა ჰქონდა მიყენებული.

"რესპუბლიკური" პარტიისა და დედაქალაქის საკრებულოს წევრი დავით ზურაბიშვილი აცხადებს, რომ ხელისუფლება საერთაშორისო საზოგადოებასა და საკუთარ მოქალაქეებს ვერ არწმუნებს იმაში, რომ ის "რუსთავი 2"-თან მიმდინარე პროცესებში არ ერევა. "რეზონანსთან" ინტერვიუში ის აცხადებს, რომ ხელისუფლების წარმომადგენლების მხრიდან ოპოზიციური ტელეარხის გაუთავებელი კრიტიკის გამო საზოგადოების თვალში ნაკლებად დასაჯერებელი ხდება, რომ ქიბარ ხალვაში დამოუკიდებლად მოქმედებს.

ქუთაისში პარლამენტის შენობის წინ "რუსთავი 2"-ის მხარდასაჭერი გუშინდელი აქცია სიტყვიერ და ფიზიკურ დაპირისპირებაში გადაიზარდა. აქციის მონაწილეები უმრავლესობის დეპუტატებს პარლამენტში შესვლისას სხვადასხვა შეძახილებით აცილებდნენ. პარალელურად შეხლა-შემოხლა იყო პარლამენტის შენობაშიც - საპარლამენტო უმრავლესობისა და ოპოზიციის დეპუტატები სხდომათა დარბაზში დაუპირისპირდნენ ერთმანეთს.

უკვე მეოთხე დღეა, რაც რუსეთის სამხედრო-საჰაერო ძალების სამხედრო თვითმფრინავები სირიის ტერიტორიაზე მოქმედებენ. ისინი "ისლამური სახელმწიფოსა" და პრეზიდენტ ბაშარ ალ ასადის წინააღმდეგ მებრძოლი სხვა ოპოზიციური შეიარაღებული დაჯგუფებების პოზიციებს ბომბავენ. მოსკოვის ეს ქმედებები დასავლური ქვეყნების ლიდერების სერიოზულ შეშფოთებას იწვევს, რადგანაც, მათი ცნობით, რუსული ავმარიშების შედეგად "ისლამისტური სახელმწიფოზე" მეტად ჯერჯერობით მეამბოხეთა სხვა დაჯგუფებების ზარალდებიან, რომელთაც დასავლეთი უჭერს მხარს.