ახალი სამუშაო ადგილის შექმნის შესახებ სტატისტიკამ, რომელიც ეკონომიკის ახალმა მინისტრმა დაასახელა, საზოგადოებას თავსატეხი გაუჩინა. დიმიტრი ქუმსიშვილის ინფორმაციით, 2015 წლის მეორე კვარტალში, 2014 წლის მეორე კვარტალთან შედარებით, 60 800 ახალი სამუშაო ადგილი შეიქმნა. საწარმოთა მიერ გამოშვებული პროდუქციის ღირებულება კი 1,3 მილიარდი ლარით არის გაზრდილი.

"მიმდინარე წლის ივლისის ჩათვლით, ჩინეთმა საქართველოში განახორციელა 217.9 მილიონი აშშ დოლარის პირდაპირი ინვესტიციები. იგი ერთ-ერთი ყველაზე დიდი ინვესტორია საქართველოში. ორ ქვეყანას შორის სავაჭრო ბრუნვა 420.9 მილიონ აშშ დოლარს შეადგენს. ჩინეთმა განახორციელა 984 ათასი ბოთლი ქართული ღვინის იმპორტი. შესაბამისად, იგი გახდა საქართველოს რიგით მესამე სავაჭრო პარტნიორი და ქართული ღვინის რიგით მეოთხე იმპორტიორი ქვეყანა" - განაცხადა "რეზონანსთან" ინტრვიუში ჩინეთის საგანგებო და სრულუფლებიანმა ელჩმა საქართველოში იუე ბინმა.

ერთი "ენჯეოელი სოროსელი", რომელსაც საქსოვი ჩხირები ეჭირა, დღეს ვეტოთი აღიჭურვა და ნერვებს გვიშლის ჩვენც და საზოგადოებასაც, - ამგვარი ეპითეტებით შეამკო მმართველი კოალიციის წარმომადგენელმა, ერთ-ერთი კომიტეტის თავმჯდომარემ თამაზ მეჭიაურმა პრეზიდენტი მხოლოდ იმიტომ, რომ გიორგი მარგველაშვილმა ეროვნული ბანკის შესახებ კანონს ვეტო დაადო.

საქართველომ ევროპასთან უვიზო მიმოსვლა, შესაძლოა, წლის ბოლოს დანიშნულ რიგის სამიტზეც ვეღარ მიიღოს. ყოველ შემთხვევაში ევროკავშირში საქართველოს ელჩი არ გამორიცხავს, რომ მიგრაციის კრიზისმა ვიზა-ლიბერალიზაციის პროცესზე გარკვეული გავლენა მოახდინოს.

"გიორგი კვირიკაშვილი ამ მთავრობაში არის ერთადერთი ადეკვატური მინისტრი. შესაბამისად, ჩემთვის მნიშვნელობა არ აქვს, ის ადრე რას საქმიანობდა. მისი საქმიანობა ბოლო პერიოდში "ქართული ოცნების" მთავრობაში იყო ძალიან დამაჯერებელი. აქედან გამომდინარე მასთან მიმართებაში კითხვები არ მაქვს", - ამბობს "რეზონანსთან" საუბრისას საგარეო საქმეთა მინისტრის ყოფილი მოადგილე დავით ზალკალიანი, რომელსაც მთავრობაში განხორციელებულ საკადრო ცვლილებებზე ვესაუბრეთ.

საქართველო საპარლამენტო რესპუბლიკა იქნება - ეს არის ერთადერთი რამ, რაც საკონსტიტუციო კომისიის შექმნიდან თითქმის ორი წლის შემდეგ არის ცნობილი და ისიც ჯერ ისევ სურვილის დონეზეა და გადაწყვეტილება არ არის მიღებული ისევე, როგორც ყველა იმ საკითხთან დაკავშირებით, რომელიც ამ კომისიას უნდა გადაეწყვიტა.

საქართველოს განათლებისა და მეცნიერების სამინისტროსთან საპროტესტო აქციას აბიტურიენტები უკვე მესამე დღეა მართავენ. აქციები მას შემდეგ დაიწყო, რაც გამოცდების ეროვნული ცენტრის ხელმძღვანელმა მაია მიმინოშვილმა განაცხადა, რომ მეორადი ჩარიცხვები არ მოხდებოდა.

გამოძიებისთვის ბიზნესმენ ბესიკ ხარძიანის მკვლელობაში ეჭვმიტანილის ვინაობა ცნობილია, საქმე კი ოფიციალურად წლის ბოლომდე გაიხსნება - ამის შესახებ განცხადება მოკლული ბიზნესმენის, ბესიკ ხარძიანის ოჯახის ადვოკატმა მალხაზ სალაყაიამ გააკეთა. ადვოკატის ინფორმაციით, მოცემულ მომენტში ეჭვმიტანილის დაკავების სამუშაოები მიმდინარეობს.

რძე და რძის ნაწარმი 15-20%-ით გაძვირდა. მეწარმეების ინფორმაციით, ფასის ზრდა რეგულაციების შემოღებას უკავშირდება, რადგან ნატურალურ რძეზე მოთხოვნის ზრდამ წარმოებული პროდუქტის გაძვირება გამოიწვია. არადა, ახლა თითქმის ყველა პირობაა, რომ რძის პროდუქტების ფასი შენარჩუნებულიყო: სეზონი ჯერ კიდევ აქტიურია, წველადობაც მაღალია და საზამთროდ არც საქონლის საკვების ფასი გაზრდილი, პირიქით, შარშანდელთან შედარებით გაიაფდა კიდეც.

იურიდიული პირებისთვის ბუნებრივი აირის ტარიფის ზრდა წლის განმავლობაში "სოკარ ჯორჯია გაზმა" ორჯერ, "ყაზტრანსგაზმა" კი ერთხელ დააანონსა. მალევე საკუთარი გადაწყვეტილება ორივე კომპანიამ შეცვალა. წლის დასაწყისში "სოკარ გაზმა" ტარიფის ზრდა მას შემდეგ გადაიფიქრა, რაც პრემიერმა მას გადაწყვეტილების გადახედვისკენ მოუწოდა. ამჯერადაც ტარიფის გაზრდა კომპანიამ სწორედ მთავრობის ჩარევით გადაიფიქრა. "სოკარში" განმარტებებს არ აკეთებენ, ენერგეტიკის სამინისტროში კი აცხადებენ, რომ "საქმის კურსში არ არიან".

ბაგა-ბაღებში რეგისტრაცია დასრულდა, თუმცა ბაღში, ისევე როგორც შარშან, ყველა მსურველი ვერ მოხვდა. იმ ბავშვების ზუსტი რაოდენობა, რომლებიც ბაღით ვერ დაკმაყოფილდნენ, სექტემბრის ბოლოს გახდება ცნობილი. ისანი, სამგორი და გლდანი-ნაძალადევი - ეს დედაქალაქის ის რაიონებია, სადაც ბაღების სიმცირე ყველაზე მეტად შეიმჩნევა.

ოკუპირებული აფხაზეთის დე ფაქტო საგარეო საქმეთა სამინისტრომ ენგურის ე.წ. გამშვები პუნქტი "უცხო ქვეყნის მოქალაქეებისთვის" დროებით ჩაკეტა, ამის მოტივად კი ტექნიკური მიზეზი დაასახელა.