ბოლო დღეებში სასკოლო ტანსაცმელსა და საკანცელარიო ნივთებზე მოთხოვნამ და ფასმაც მოიმატა, თუმცა ეს მხოლოდ მხოლოდ წინასასკოლო პერიოდში იგრძნობა. საერთოდ კი, შარშანდელთან შედარებით, გაყიდვამ თითქმის ყველგან იკლო. მოვაჭრეების ინფორმაციით, დაახლოებით 20%-ით გაძვირდა თითქმის ყველა ნივთი, რის შეძენაც იმპორტიორებს დოლარში უწევთ.

ეროვნული ბანკის მიერ ოფიციალური გაცვლითი კურსის დადგენა უკვე სერიოზულ ეჭვს ბადებს. ბოლო თვეების განმავლობაში რამდენჯერმე მოხდა, როდესაც სებ-მა დოლართან მიმართებაში ლარის შეუსაბამო კურსი დაადგინა. ერთ-ერთი ასეთი ფაქტი გუშინაც დაფიქსირდა. მართალია, სებ-ს ეროვნული ვალუტის ოფიციალური გაცვლითი კურსის განსაზღვრის წესში განმარტებული აქვს თუ როდის არ ცვლის კურსს, თუმცა სპეციალისტები ამას არასაკმარისად მიინჩევენ.

ქართველი მეცხვარეების რამდენიმეწლიანი ლოდინის შემდეგ, როგორც იქნა, მთავრობა ამ დარგითაც დაინტერესდა. სოფლის მეურნეობის სამინისტრო წვრილფეხა საქონლის, მათ შორის, ცხვრის იდენტიფიკაცია-რეგისტრაციის პროცესისთვის ემზადება. მეცხვარეები ამბობენ, რომ ხელისუფლებამ გადაწყვეტილება ნაჩქარევად მიიღო და პროექტში ბევრი ხარვეზი შეიმჩნევა.

ფასების ზრდის ტენდენციას, რაც საზოგადოებრივი მომსახურების სხვადასხვა სეგმენტში შეიმჩნევა, არც სადაზღვევო კომპანიები ჩამორჩნენ. სადაზღვევო მომსახურება, სულ მცირე, 15-20%-ით გაძვირდა. მართალია, სულ რამდენიმე თვის წინათ დაზღვევის კერძო კომპანიებში მოქალაქეებს 6-8-ლარიან სერვისს ჰპირდებოდნენ, დღესდღეობით 15-20 ლარზე ნაკლები ტარიფი არც ერთ მათგანს არ მოეპოვება.

რეგიონებში წინასაარჩევნო კამპანია საკრებულოს თავმჯდომარეებზე შეტევით უკვე დაიწყო. პირველი იმპიჩმენტი თანაგუნდელებმა 1-ლ სექტემბერს სენაკის საკრებულოს თავმჯდომარეს მოუწყვეს და ამით თვითმმართველობებში საკადრო "წმენდა" გახსნილად გამოცხადდა.

"ქართული დასის" ლიდერი ჯონდი ბაღათურია დღეს მოსკოვში მიემგზავრება. იგი აცხადებს, რომ მოწვევა რუსეთის ხელისუფლების მაღალჩინოსნებისაგან მიიღო, თუმცა "მთელ კვირასთან" საუბრისას არც მოწვევის ავტორების ვინაობას ასახელებს და არც იმ რუსი პოლიტიკოსებისას, ვისაც რუსეთის დედაქალაქში უნდა შეხვდეს.

აღმოსავლეთ პარტნიორობის პროგრამაში საქართველო პოსტსაბჭოთა ქვეყნების ლიდერების სამეულში მოხვდა. ევროკავშირის ახალი შეთანხმების მიხედვით, 6 ყოფილ საბჭოთა ქვეყანას სომხეთი და ბელორუსი ცალკე გამოეყოფა და მათ ევროკავშირი თანამშრომლობის ახალ გეგმას შესთავაზებს, რომელიც ევროკავშირთან უფრო ნაკლებად დააკავშირებს, ვიდრე ასოციაციის შესახებ ხელშეკრულება.

"თავისუფალი დემოკრატები" "ეროვნული ბანკის შესახებ კანონში" შესულ ცვლილებებს საკონსტიტუციო სასამართლოში გაასაჩივრებენ. როგორც პარტიის ერთ-ერთი ლიდერი გიორგი ცაგარეიშვილი "მთელ კვირასთან" საუბრისას ამბობს, დოკუმენტი მომზადების პროცესშია და მისი პარლამენტში ინიცირება უახლოეს მომავალში მოხდება.

როგორც თბილისის საკრებულოს წევრმა, "რესპუბლიკელმა" დავით ზურაბიშვილმა "მთელ კვირასთან" ინტერვიუში განაცხადა, ამ ეტაპზე საკრებულოში ყველაზე პრიორიტეტს ბიუჯეტის დაგეგმვა წარმოადგენს. მისივე თქმით, ელექტროავტობუსების შემოყვანის საკითხზე მსჯელობა მიმდინარეობს, თუმცა გადაწყვეტილება მიღებული ჯერ არ არის.

ბოლო პერიოდში ჯარში გახშირებული სუიციდის შემთხვევების გამომწვევ ძირითად მიზეზად თავდაცვის მინისტრმა აზარტული თამაშები და ნარკოტიკები დაასახელა. მისივე გადაწყვეტილებით, თავდაცვის სისტემაში მომუშავე პირებს აზარტულ თამაშებში მონაწილეობა აეკრძალათ.

შემოდგომიდან თბილისს სატრანსპორტო კოლაფსი ელოდება. გმირთა მოედანი, ვაკე და სააკაძის მოედანი - ეს ადგილებია, სადაც სექტემბრის შუა რიცხვებისთვის საცობების მომატებაა მოსალოდნელი. თბილისის ქუჩებში საცობებმა ბოლო რამდენიმე წელია იმატა. სპეციალისტების თქმით, პრობლემას არა მარტო ავტომობილების რაოდენობის ზრდა ქმნის, არამედ გზის გარკვეულ მონაკვეთებზე დაუსრულებელი მშენებლობები წარმოადგენს.

შემოდგომიდან თბილისს სატრანსპორტო კოლაფსი ელოდება. გმირთა მოედანი, ვაკე და სააკაძის მოედანი - ეს ადგილებია, სადაც სექტემბრის შუა რიცხვებისთვის საცობების მომატებაა მოსალოდნელი. თბილისის ქუჩებში საცობებმა ბოლო რამდენიმე წელია იმატა. სპეციალისტების თქმით, პრობლემას არა მარტო ავტომობილების რაოდენობის ზრდა ქმნის, არამედ გზის გარკვეულ მონაკვეთებზე დაუსრულებელი მშენებლობები წარმოადგენს.