ეროვნული ვალუტის გაუფასურებამ, საყოველთაო გაძვირებამ და დენის ტარიფის მატებამ ხალხს ხარჯი გაუზარდა. ეს განსაკუთრებით იმ ოჯახებს დააწვა, ვისაც შვილი სტუდენტი ჰყავს. სწავლის საფასური მინიმუმ 2250 ლარს შეადგენს, ამას ემატება გზის, კვების და სახელმძღვანელოების თანხა. მშობლების ნაწილი ფიქრობს, რომ სწავლისთვის საჭირო ხარჯების გამოძებნა გაუჭირდებათ. ისინი განათლების სამინისტროსგან რაიმე პროგრამის ამოქმედებას მოითხოვენ.

ბოლო რამდენიმე თვეა ქვებანაში უცხოური ინვესტიციები, ტურისტული ნაკადი გაიზარდა, ექსპორტის ვარდნა მცირდება, საგადასახდელო ბალანსი უმჯობესდება, ლარს კი საშველი არა და არ დაადგა. ამიტომაც ხალხში, ეროვნულ ბანკთან ერთად, ხელისუფლებისადმი ნდობა სულ უფრო და უფრო ეცემა.

ბოლო რამდენიმე წლის განმავლობაში მე-2 კვარტალში ქვეყანამ ყველაზე მასშტაბური ინვესტიცია მიიღო - 355 მილიონი დოლარი. საერთო ჯამში, წლის საინვესტიციო მონაგარი 530 მილიონ დოლარს გაუტოლდა. საზოგადოების ნაწილი სტატისტიკის სამსახურის მონაცემებს ეჭვის თვალით უყურებს, ვინაიდან ინვესტიციური წინსვლა ეროვნული ვალუტის სტაბილურობას არ დასტყობია. ხელისუფლება კი წლის ბოლოს 1,2 მილიარდ დოლარს ელოდება.

ივლის-აგვისტოში, წინა წლის ანალოგიურ პერიოდთან შედარებით, საქართველოში ავტომობილები 5-10%-ით გაიაფდა, ხოლო რეალიზაცია 40-45%-ის ფარგლებში შემცირდა. ავტომობილების ბაზარზე არასახარბიელო ტენდენცია სავალუტო რყევას უკავშირდება. დილერები არ მალავენ, რომ ნაწილმა ფარხმალი დაყარა. მათი შეფასებით, ავტომობილების ჩამოყვანამ აზრი დაკარგა და მოგების ნაცვლად, გაკოტრების ზღვარზე აღმოჩნდნენ.

გუშინ "ზაგრებ არენაზე" გაიმართა ევრობასკეტ-2015-ის ჯგუფური ეტაპის მეოთხე ტურის მატჩი საქართველოსა დამაკედონიის ნაკრებებს შორის. ის რომ ეს შეხვედრა მერვედფინალში გადასასვლელი მატჩი იქნებოდა, კარგად ჰქონდა გაცნობიერებული ორივე გუნდს - "ჯვაროსნებს" მხოლოდ მოგება სჭირდებოდათ, თანაც 5 ქულით, თუმცა, კოკოშკოვის გუნდმა პროგრამა მინიმუმი გადაჭარბებით შეასრულა და მეტოქე 15 ქულით დაამარცხა 90:75.

პედაგოგთა პროფესიული განვითარებისა და კარიერული წინსვლის ახალი სქემის ფარგლებში, პედაგოგთა თვითშეფასების კითხვარი დამტკიცდა. კითხვარის შევსება მასწავლებლებს ყოველი სასწავლო წლის დასაწყისში მოუწევთ. პედაგოგები თავიანთ პრაქტიკულ საქმიანობას თავად შეაფასებენ.

მცხეთა-სტეფანწმინდა-ლარსის საავტომობილო გზის (დარიალის ხეობა) მონაკვეთზე 8 სექტემბრიდან რამდენიმე დღის განმავლობაში გარკვეული შეზღუდვა დაწესდება. როგორც საავტომობილო გზების დეპარტამენტის თავმჯდომარის მოვალეობის შემსრულებელი ნუგზარ გასვიანი "რეზონანსთან" საუბრისას აღნიშნვს, დარიალის ხეობის ტერიტორიაზე მიმდინარეობს ქვის ცვენის პრევენციული სამუშაო და შეზღუდვა სწორედ ამ მიზნით წესდება.

ახალი საგნის "მე და საზოგადოება" სკოლებში შეტანის ზუსტი თარიღი უცნობია, თუმცა როგორც "რეზონანსს" განათლების სამინისტროში განუცხადეს, ამ საგნის სწავლა წელს არც იგეგმებოდა.

ევროპული კურსის დაპირისპირება რელიგიურ-პატრიოტულ მოტივებთან - ასე აფასებენ სპეციალისტები შუალედურ არჩევნებს, რომელიც 31 ოქტომბერს საგარეჯოსა და მარტვილში ჩატარდება. განსაკუთრებით საინტერესო როგორც მათთვის, ისე საზოგადოებისთვის საგარეჯოში მიღებული შედეგებია, რადგან აქ კონკურენტები "პატრიოტთა ალიანსის" ლიდერი ირმა ინაშვილი და "ახალგაზრდა იურისტთა ასოციაციის" ყოფილი თავმჯდომარე და ახლა უკვე რესპუბლიკური პარტიის წევრი თამარ ხიდაშელი არიან.

ე.წ. კორტების სპეცოპერაციის საქმის განხილვას თბილისის საქალაქო სასამართლოში ხმაური მოჰყვა, სადაც ზურაბ ვაზაგაშვილისა და მასთან ერთად მოკლულ ალექსანდრე ხუბულოვის საქმეზე ბრალდებულ სპეცრაზმელებსა და მათ ხელმძღვანელებს ასამართლებენ.

ეკონომიკის მინისტრის მიერ მოყვანილ 2015 წლის მეორე კვარტალის მონაცემებს, სადაც დასაქმებულთა 12%-იანი მატებაა აღნიშნული, რესპონდენტების დიდი ნაწილი არ ეთანხმება. უმეტესობამ გაიხსენა ეკონომიკური კრიზისის შედეგად ბოლო პერიოდში განვითარებული მოვლენები - საწარმოების, უძრავი ქონების სააგენტოების, ტურისტული კომპანიების, მაღაზიების და წისქვილკომბინატის დახურვის ფაქტები. გამოკითხულთაგან ზოგიერთმა სამუშაო ადგილების ზრდა საჯარო სამსახურის ხარჯზე შტატების ხელოვნურად გაბერვით ახსნა. მათი აზრით, დღეს სახელმწიფო უწყებებში კადრები საჭიროზე მეტია.

ჯანდაცვის სამინისტროს შრომისა და დასაქმების პოლიტიკის დეპარტამენტი კერძო და სახელმწიფო კომპანიების შემოწებას აგრძელებს. ახლო მომავალში ისინი მსხვილ კომპანიებსა და საწარმოებს მიადგებიან. ამ დრომდე შემოწმებულია 30 კომპანია, წლის ბოლომდე კი 150 კომპანიაა მიზანში. პროფკავშირები პროცესს არასაკმარისად მიიჩნევენ და აცხადებენ, რომ ამას შრომის ინსპექციასთან საერთო არ აქვს. შედეგის მისაღებად კი სანქციების ამოქმედებაა საჭირო. მკაცრ მიდგომას და ჯარიმების დაწესებას არც კომპანიების ნაწილი ეწინააღმდეგება.