როგორც თბილისის საკრებულოს წევრმა, "რესპუბლიკელმა" დავით ზურაბიშვილმა "მთელ კვირასთან" ინტერვიუში განაცხადა, ამ ეტაპზე საკრებულოში პრიორიტეტს ბიუჯეტის დაგეგმვა წარმოადგენს. მისივე თქმით, ელექტროავტობუსების შემოყვანის საკითხზე მსჯელობა მიმდინარეობს, თუმცა გადაწვეტილება მიღებული ჯერ არ არის.

საქართველო ევროპის ქვეყნებს შორის ჯანდაცვის საერთო ხარჯებიდან მედიკამენტების ხარჯვითი წილით ერთ-ერთი პირველია, ამბულატორიულ სამედიცინო დაწესებულებაში მიმართვიანობით კი 57 ქვეყნიდან ბოლო ათეულშია. სხვა სიტყვებით ეს იმას ნიშნავს, რომ საქართველოს მოქალაქეები, სხვა ევროპელებისაგან განსხვავებით, გაცილებით იშვიათად მიმართავენ ექიმს, წამლებში კი საშუალო ევროპელზე უფრო მეტს ხარჯავენ.

ბოლო წლების განმავლობაში ქვეყანაში აგრესიის დონემ, ფსიქოლოგების აზრით, საგრძნობლად მოიმატა. ამის დადგენა, მათი თქმით, ძნელი სულაც არაა და კვლევებსაც არ საჭიროებს. შეუიარაღებელი თვალითაც კარგად ჩანს, რომ საზოგადოებაში აგრესია და ძალადობა დასაშვებ ზღვარს სცდება.

ესპანელი ფეხბურთელი, წარმოშობით ბასკი ჩაბი ალონსო მიუნხენის "ბაიერნში" უკვე ერთი წელია, რაც გადავიდა და 33 წლის ფეხბურთელმა პეპე გვარდიოლას გუნდში ძირითად შემადგენლობაში ადგილი მალევე დაიმკვიდრა. როგორც გამოცდილმა მცველმა, კლუბის ოფიციალურ საიტთან ინტერვიუში განაცხადა, კარიერის დასრულებაზე კი ფიქრობს, თუმცა ჯერ არ გადაუწყვეტია, რას გააკეთებს მას შემდეგ, რაც ბუცებს ლურსმანზე ჩამოკიდებს.

ოდესის გუბერნატორიდან პრემიერობამდე - მოუწევს თუ არა უკრაინაში საქართველოს ყოფილ პრეზიდენტ მიხეილ სააკაშვილს ამ გზის გავლა, ჯერჯერობით უცნობია. ქართველ პოლიტოლოგებს ამასთან დაკავშირებით არაერთგვაროვანი მოსაზრებები აქვთ. "მიხეილ სააკაშვილი უკრაინის პრემიერად" - გასულ კვირას უკრაინაში ასეთი ონლაინ-პეტიცია გაჩნდა. თავად სააკაშვილი კი უკრაინაში ხელისუფლების ცვლილებას არ გამორიცხავს.

"სიტყვის თავისუფლებასთან რომ უკვე პრობლემებია, ეს ცხადია, და ამას მხოლოდ გრიგოლიას გადაცემების დახურვა არ ცხადყოფს. ასევე დაიხურა ეკა მიშველაძის თოქ-შოუ საზოგადოებრივ მაუწყებელზე. ეს თითქოს ერთგვარი მიზანმიმართული კამპანიაა. ქვეყნის წამყვან ჟურნალისტებს აშორებენ ტელეეკრანს, უხურავენ რეიტინგულ გადაცემებს და ეს არ არის არც შემთხვევითი და არც კარგი ტენდენცია," - ამბობს "რეზონანსთან" საუბრისას გადაცემა "რეაქციისა" და "იმედის კვირის" პროდიუსერი ვახო ხუზმიაშვილი, რომელმაც ტელეკომპანია "იმედი" პროტესტის ნიშნად დატოვა.

13 სექტემბერს, სტიქიიდან 3 თვის შემდეგ, თბილისის ზოოპარკი კვლავ გაიხსნება. როგორც ზოოპარკის დირექტორი ზურაბ გურიელიძე "რეზონანსთან" საუბრისას ამბობს, სარეაბილიტაციო სამუშაოების შედეგად მოწესრიგდა ზოოპარკის ზედა ნაწილი, დამთვალიერებელს სწორედ ამ ტერიტორიაზე შეეძლება გადარჩენილი ცხოველების მონახულება. რაც შეეხება სტიქიის შედეგად განადგურებულ ქვედა ნაწილს, მისი აღდგენა და ახალი ვოლიერების მშენებლობა არ იგეგმება.

მევენახეები რატომღაც ისევ ვენახის გაჩეხვით იმუქრებიან. ისინი ამტკიცებენ, რომ სახელმწიფოს სუბსიდია არასაკმარისი აღმოჩნდა. წინა წლებში მთავრობის დახმარებით განებივრებული კახელები ცდილობენ, რომ ამ სეზონზეც სახელმწიფოსგან რაც შეიძლება მეტი სარგებელი მიიღონ.

რას მოუტანს მსოფლიოში ყველაზე დიდი ბაზრის მქონე, 1.3-მილიარდიან ჩინეთთან გაფორმებული თავისუფალი ვაჭრობის შესახებ ხელშეკრულება საქართველოს? პეკინში ვიზიტად მყოფი პრემიერ-მინისტრი აცხადებს, რომ თავისუფალი ვაჭრობა ჩინეთთან ნიშნავს უარმაზარ შესაძლებლობას ჩვენი ქვეყნისთვის.

სომხურ-აზერბაიჯანული კონფლიქტის ზონაში კვლავ დაძაბული ვითარებაა. მხარეები ერთმანეთს სიტუაციის განგებ გართულებასა და შეიარაღებული კონფლიქტის ხელახალი ესკალაციის მცდელობაში ადანაშაულებენ.

კონსტიტუციური სამართლის სპეციალისტმა, ვახუშტი მენაბდემ "რეზონანსთან" ინტერვიუში საქართველოს პრეზიდენტის პოზიციაზე ისაუბრა, სადაც მარგველაშვილმა საკონსტიტუციო კომისიას თხოვნით მიმართა, პარლამენტში ინიცირებულ საკონსტიტუციო ცვლილებებთან დაკავშირებით მოსაზარება გამოხატოს.

თურქეთი, ეგვიპტე, ესპანეთი, იტალია, ჩეხეთი, საფრანგეთი, უნგრეთი, ავსტრია - ეს იმ ქვეყნების ჩამონათვალია, რომლებიც ქართველ ტურისტებში განსაკუთრებული პოპულარობით სარგებლობს. ჩამონათვალში ერთადერთი არაევროპული ქვეყნის არსებობა მისი სიიაფითაა განპირობებული. რაც შეეხება უფრო შორეულ და ეგზოტიკურ ქვეყნებს, ტუროპერატორების ინფორმაციით, სიძვირის გამო ქართველები მას ნაკლებად სწყალობენ.