თურქეთის კურორტებზე მოთხოვნა არაერთგვაროვანია. ქართველი დამსვენებლების უმეტესობას თურქეთში შექმნილი მდგომარეობა არ აშინებს და დაგეგმილი დასვენების გადადებას არ ფიქრობს. თუმცა არიან ისეთებიც, ვისთვისაც თურქეთმა, უსაფრთხოების თვალსაზრისით, მიმზიდველობა დაკარგა.

მაკროეკონომიკური მაჩვენებლები საგრძნობლად უმჯობესდება, ეროვნული ვალუტა კი თვალდავალ ეცემა. სავალუტო სპეკულაციების შედეგი სახეზეა. სპეციალისტების განცხადებით, არსებულ სიტუაციაში ლარის გადარჩენის ბერკეტები მხოლოდ ეროვნულ ბანკს გააჩნია, თუმცა სებ-ის პოლიტიკა ლარის კურსზე მხოლოდ უარყოფითად მოქმედებს.

ერთ კვირაში სტარტს აიღებს 2015 წლის მსოფლიო თასის გათამაშება რაგბიში, რომელსაც ინგლისი უმასპინძლებს. ქართველი "ბორჯღალოსნები" მსოფლიო სარაგბო ფორუმში ზედიზედ მეოთხედ თამაშობენ. წინა გათამაშებებისგან განსხვავებით, ამჯერად უფრო ამბიციურ მიზანს ისახავს ჩვენი ნაკრები - ორი მატჩის მოგება და მსოფლიო თასის მომავალ გათამაშებაში შესარჩევი ეტაპის გარეშე მოხვედრაა პროგრამა მაქსიმუმიცა და მინიმუმიც.

საბურთალოზე, წმინდა კვირიკესა და ივლიტას ტაძრის მომიჯნავე ტერიტორიაზე საბავშვო ბაღის დანგრევის, ტყე-პარკის განადგურებისა და მათ ადგილას მრავალსართულიანი კორპუსის მშენებლობის განკარგულება უკვე გაიცა. პეკინის ქუჩა #23-ის მცხოვრებნი ამ ფაქტს უკვე 2 თვეა, აპროტესტებენ და დღემდე აგრძელებენ. მათი თქმით, კომპანია "ელ ზუროს" ბაღის დემონტაჟის ნებართვა ივნისში უკვე ჰქონდა და მის უკან მთავრობის მაღალჩინოსნები არიან.

"ჩვენი პარტიის (ქართული ოცნება) მიმართ იყო კრიტიკული გადაძახილები "რესპუბლიკელების" მხრიდან, ასევე მათ მიმართაც არის კრიტიკა და ეს ყველამ იცით. "მრეწველების" მიმართაც ყოფილა პრეტენზიები", - შიდა კულუარულ უთანხმოებაზე, არჩევნებისთვის მზადებაზე და ამ პროცესში საკადრო ცვლილებებზე საუბრობს პარტია "ქართული ოცნების" წევრი ომარ ნიშნიანიძე.

"გააგრძელებს თუ არა სამხრეთ ოსეთის ადმინისტრაცია მუშაობას, ეს მთავრობაზეა დამოკიდებული. რასაც გადაწყვეტენ, ისე იქნება. ვფიქრობ, მისი არსებობა აუცილებელია", - ამბობს "რეზონანსთან" საუბრისას სამხრეთ ოსეთის ადმინისტრაციის ხელმძღვანელი დიმიტრი სანაკოევი.

ოკუპირებულ აფხაზეთში დე ფაქტო პრეზიდენტი რაულ ხაჯიმბა საკუთარი წინასაარჩევნო მუქარის შესრულებისათვის ემზადება - ოქტომბრისათვის მოსკოვიდან 300 ათას პირადობის დოკუმენტს - 250 ათას ე.წ. "აფხაზურ პასპორტსა" და 55 ათას "ბინადრობის ნებართვას" ელოდება და ბრძანებაც გაცემულია, რომ პირველ რიგში ე.წ. პასპორტიზაცია ძალიან დიდი დაკვირვებით აფხაზეთის აღმოსავლეთის სამ რაიონში - მათ შორის განსაკუთრებით გალში უნდა განხორციელდეს.

პარტია "თავისუფალი საქართველოს" თავმჯდომარე კახა კუკავა "რეზონანსთან" ინტერვიუში რუსეთში ქართული ოპოზიციის წარმომადგენლების ჩასვლასა და კრემლში რუს მაღალჩინოსნებთან შეხვედრაზე საუბრობს. აცხადებს, რომ რუსეთთან დიალოგი მისთვის მისაღებია, თუმცა თვლის, რომ ეს შეხვედრები და იქ გამართული საუბრების შინაარსი საზოგადოებისთვის ღია უნდა იყოს.

რამდენიმე დღის წინ "13 ივნისს დაზარალებულთა კომიტეტის" თავმჯდომარე თამაზ ელიზბარაშვილმა მერიის მისამართით მწვავე განცხადებები გააკეთა. მან სოციალურ ქსელში მერია უყურადღებობაში დაადანაშაულა და დაწერა, რომ 13 ივნისს სტიქიის შედეგად დაზიანებული სვანიძის ქუჩა მოუვლელია, ზოგიერთი სახლი კი არასწორადაა შეფასებული.

ბოლო დროს არასრულწლოვნების იძულებით გათხოვების გახშირებული ფაქტებიდან გამომდინარე, სახალხო დამცველი უჩა ნანუაშვილი პარლამენტის იურიდიულ საკითხთა კომიტეტში საკანონმდებლო წინადადებით შევიდა, რომ 16-18 წლის მოზარდების სამოქალაქო ქორწინება მხოლოდ სასამართლოს თანხმობით იყოს დასაშვები. ომბუდსმენის ინიციატივის მიხედვით, არასრულწლოვნის მშობლებს ქორწინებაზე თანხმობის გაცემის უფლება ჩამოერთმევათ.

რამდენიმე დღის წინ ხულოს საკრებულოს ვებ-გვერდზე გამოქვეყნდა "ქართული ოცნება - დემოკრატიული საქართველოს" ფრაქციის თავმჯდომარის ანგარიში გაწეული მუშაობის შესახებ, რომელიც არმენოფობიული ხასიათის გამონათქვამებს შეიცავდა. აღნიშნულ ფაქტს არასამთავრობო ორგანიზაციები გამოეხმაურნენ. "მრავალეროვანი საქართველოს" წარმომადგენლები ხულოს ხელისუფლებისაგან ოფიციალურ განმარტებას ითხოვენ.

შესაძლოა, მალე მასშტაბური ქუჩის აქციები ვიხილოთ. ეს იმ შემთხვევაში მოხდება, თუ ხელისუფლება არ გაიზიარებს არასაპარლამენტო ოპოზიციისა და "გაერთიანებული დემოკრატების" მოთხოვნას საარჩევნო სისტემის შეცვლის თაობაზე და რეფორმას კვლავ 2020 წლისათვის გადადებს.