"პოეტი ან მხატვარი უნდა იყო, რომ წარმოსახო ის სურათი, ან უმღერო იმ სანახაობას, როგორსაც თბილისი წარმოადგენს. სამწუხაროა, რომ მე არც ერთი ვარ და არც მეორე, არამედ ვარ უბრალო მოგზაური, მოჯადოებული ამ ქალაქის ორიგინალობით და მსურს, რომ თქვენც გაგაცნოთ, გაგიზიაროთ ის შთაბეჭდილებანი, რომლებიც აქ შევიგრძენი", - წერდა ორი საუკუნის წინ ცნობილი ფრანგი მეცნიერი, არქეოლოგი და საზოგადო მოღვაწე ბარონ ჟოზეფ დე ბაი, რომელმაც მე-19 საუკუნის ბოლოს და მე-20 საუკუნის დასაწყისში რამდენჯერმე იმოგზაურა საქართველოში, საფრანგეთში დაბრუნების შემდეგ კი დაწერა ნაშრომი სათაურით "საქართველოში", რომელიც გამოცემამდე, 1898 წელს, მოხსენების სახით წაიკითხა პარიზის გეოგრაფიულ საზოგადოებაში.

"ადამიანის ბუნებაა ასეთი - ყველაფერს ვაკრიტიკებთ, არ მოგვწონს. ზოოპარკის შემთხვევაშიც ასე იყო სტიქიამდე. ახლა ძველ ფოტოებს ვუყურებთ და ვხვდებით, რომ თურმე არც ისე ცუდი ზოოპარკი გვქონია", - გვითხრა თბილისის ზოოპარკის დირექტორმა ზურაბ გურიელიძემ.

ხორვატიის დედაქალაქში მდებარე საკალათბურთო "ზაგრებ-არენაზე" სტარტი აიღო ევრობასკეტ-2015-ის ფინალური ეტაპის ს ჯგუფის გათამაშებამ. სამწუხაროდ, წარუმატებელი აღმოჩნდა საქართველოს ეროვნული ნაკრების პირველი მატჩი ჰოლანდიის ნაკრებთან. ქართველმა კალათბურთელებმა თამაში ერთი ქულით წააგეს, ყველაზე დასანანი კი კი ის არის, რომ კოკოშკოვის გუნდმა იმ გუნდთან დათმო შეხვედრა, რომელთანაც მოგება პროგრამა-მინიმუმად იყო შეფასებული.

ავტოსაგზაო შემთხვევები, დაშავებულთა და დაღუპულთა მაჩვენებელი წინა წელთან შედარებით გაორმაგებულია. 2015 წლის 6 თვეში ავტოსაგზაო შემთხვევების დროს სიკვდილინობამ 37 პროცენტით მოიმატა. სპეცილისტები ავტოსაგზაო შემთხვევების ერთ-ერთ მთავარ მიზეზად სიჩქარის გადაჭარბებას ასახელებენ. მათი თქმით, მოძრაობის წესებს, როგორც ქვეითები, ასევე მძღოლები არღვევენ.

დე ფაქტო აფხაზეთის პარლამენტში სულ მალე უცხოელებისათვის უძრავი ქონების ბაზრის გახსნის საკითხზე კანონპროექტის შესვლას ელოდებიან და საკმაოდ დიდი განხილვა-კამათია გამართული. მიწების გაყიდვის მოწინააღმდეგემბის არგუმენტებს ბოლო დღეებში ქართული თემაც შეემატა - უძრავი ქონების ბაზრის გახსნის შემდეგ რუსეთის მოქალაქე ქართველები იყიდიან აფხაზურ მიწებს და ეს აფხაზებისათვის სახიფათოა.

ტელეკომპანია "იმედს" პოლიტიკურ-საზოგადოებრივი თოქ-შოუების აღსადგენად მარეგულირებელი კომისია 2 თვიან ვადს აძლევს. წინააღმდეგ შემთხვევაში კანონის დარღვევად ჩაეთვლება და ფინანსური სანქციები დაეკისრება. თუმცა, რას აპირებს არხის ხელმძღვანელობა - უცნობია. გადაცემების დახურვის მერე ისინი მედიასთან არ გამოჩენილან და, არც "რეზონანსის" სატელეფონო ზარებს პასუხობენ.

"ეროვნული ბანკის" შესახებ კანონის ვეტო პარლამენტმა დაძლია. მიუხედავად იმისა, რომ ახალ კანონს არ ეთანხმება, პრეზიდენტმა კანონს ხელი მოაწერა.

ფონიჭალაში 17 წლის ახალგაზრდა მოკლეს. შემთხვევა ერთ-ერთ რესტორანში ქორწილის დროს მოხდა. არსებული ინფორმაციით, ახალგაზრდების დაპირისპირების დროს 17 წლის მოზარდს ჭრილობები გულ-მკერდის არეში ცეცხლსასროლი იარაღით მისავე თანატოლმა მიაყენა. იგი საავადმყოფოში საკუთარმა ძმამ გადაიყვანა, თუმცა მისი გადარჩენა ვერ მოხერხდა.

ახალ სატელევიზო სეზონს ტელევიზიები სკანდალით იწყებენ. "რეაქციის", "იმედის კვირისა" და "2030"-ის გარდა, სექტემბრიდან ეთერში, შესაძლოა, აღარ გავიდეს ეკა მიშველაძის საავტორო გადაცემა, რომელიც მის ოჯახურ მდგომარეობას "შეეწირა". ჟურნალისტები ამ პროცესში ერთიან ჯაჭვს ხედავენ და პოლიტიკურ დაკვეთად მიიჩნევენ.

სომხურ-აზერბაიჯანული დაშორიშორების ხაზზე სიტუაცია უკიდურესად დაიძაბა. მხარეებმა 1994 წლის მაისში გაფორმებული ხელშეკრულება ცეცხლის შეწყვეტის შესახებ ბოლო ორი დღის განმავლობაში, საერთო ჯამში, 400-ჯერ დაარღვიეს. სომეხი და აზერბაიჯანელი სამხედროების მიერ გახსნილ ცეცხლს მოჰყვა ორმხრივი მსხვერპლი როგორც ჯარების პირად შემადგენლობაში, ასევე მშვიდობიან მოქალაქეთა შორის. ერთმანეთის წინააღმდეგ მოწინააღმდგეები როგორც მცირეკალიბრიან, აგრეთვე მხსვილკალიბრიან ცეცხლსასროლ იარაღს, ნაღმმტყორცნებსა და ყუმბარმტყორცნებს აქტიურად იყენებენ.

თურქეთში დამოუკიდებელი მედიის მდგომარეობა სულ უფრო და უფრო მძიმდება. იმავე დღეს, რაც გაზეთ "ბუგუნში" ერდოღანის ხელისუფლებასა და ისლამურ სახელმწიფო შორის არსებულ სავარაუდო კავშირებზე სენსაციური მასალა გამოქვეყნდა, ამ გაზეთის მფლობელ მედია-ჰოლდინგში პოლიციამ სპეცოპერაცია ჩაატარა.

დასავლეთ საქართველოში თხილი ერთბაშად 2,5-3 ლარით გაიაფდა. ზუგდიდში მდებარე თხილის ჩამბარებელ პუნქტებში აცხადებენ, რომ ბაზარზე ნასაყიდი პროდუქტი ერთბაშად გამოჩნდა და ეს პროცესი სექტემბრის ბოლომდე გაგრძელდება. ამ ეტაპზე ახალ თხილს გადამამუშავებელი ქარხნები 5-5,50 ლარის ფარგლებში იბარებენ, როცა რამდენიმე დღის წინ 7,50 ლარი ღირდა.