13 ივნისის სტიქიის შედეგად დაზარალებული მოსახლეობის ზარალის ანაზღაურების გაჭიანურებაზე საუბრობს სვანიძის ქუჩის დაზარალებულთა კომიტეტის ხელმძღვანელი თამაზ ელიზბარაშვილი - თბილისის მერიაში კი აცხადებენ, რომ დაზარალებულსა და მერიას შორის შეთანხმების მიღწევიდან 3 დღეში დაზარალებულს თანხა ანგარიშზე ერიცხება.

საქართველოში მოყვანილი ხორბლის მხოლოდ 12% გამოიყენება ფქვილის საწარმოებლად. დანარჩენი საჭმელად გამოუსადეგარია. ფაქტობრივად ქვეყანას არ შესწევს ძალა, კრიზისის შემთხვევაში, (რომელიც შეიძლება უკავშირდებოდეს მსოფლიოში ხორბლის მოსავლის შემცირებას ან თუნდაც ეროვნული ვალუტის გაუფასურებას) მოკლე პერიოდში მაინც პურის ფასი ადგილობრივი ხორბლით დაარეგულიროს.

თამამად შეიძლება ითქვას, რომ ეკონომიკის სამინისტროს "სწრაფი პრივატიზაციის" პროცესი ჩაუვარდა. ლარის კურსის გასამყარებლად გასაყიდად გამოტანილი 20-ზე მეტი ობიექტიდან სამინისტრომ მხოლოდ 3-ის გაყიდვა მოახერხა. ქონების მართვის სააგენტოში კი ამბობენ, რომ ობიექტების შეფასების პროცესი და ინვეტორებთან მოლაპარაკებები ჯერ კიდევ გრძელდება.

2013 წელს საქართველოს მთლიან ექსპორტში რუსეთის წილი 6,5% იყო, 2014-ში - 9,6%, 2015 წლის იანვარ-ივნისში - 6,5%. იმ შემთხვევაში, თუ რუსეთი საქართველოს მორიგ ემბარგოს დაუწესებს, საქართველოს დაახლოებით 280 მლნ დოლარის საექსპორტო დანაკარგი ექნება. სპეციალისტები თვლიან, რომ ქართული პროდუქტის რუსეთის ბაზარზე აკრძალვა ქვეყნის ეკონომიკას სერიოზულ პრობლემას შეუქმნის, განსაკუთრებით ეს იმ ცალკეულ კომპანიებს დააზარალებს, რომლებიც მხოლოდ რუსულ ბაზარზე არიან ორიენტიებულნი.

2013 წელს საქართველოს მთლიან ექსპორტში რუსეთის წილი 6,5% იყო, 2014-ში - 9,6%, 2015 წლის იანვარ-ივნისში - 6,5%. იმ შემთხვევაში, თუ რუსეთი საქართველოს მორიგ ემბარგოს დაუწესებს, საქართველოს დაახლოებით 280 მლნ დოლარის საექსპორტო დანაკარგი ექნება. სპეციალისტები თვლიან, რომ ქართული პროდუქტის რუსეთის ბაზარზე აკრძალვა ქვეყნის ეკონომიკას სერიოზულ პრობლემას შეუქმნის, განსაკუთრებით ეს იმ ცალკეულ კომპანიებს დააზარალებს, რომლებიც მხოლოდ რუსულ ბაზარზე არიან ორიენტიებულნი.

აქტიური ტურისტული სეზონის მიუხედავად, შავი ზღვის პლაჟები ისევ მოუწესრიგებელია. ბათუმის, ქობულეთის, გრიგოლეთის, მალთაყვის, ურეკის სანაპირო დაბინძურებულია და მათი გაწმენდა არ ხერხდება. ყოველდღიურად უცხოელ თუ ადგილობრივ დამსვენებლს სანაპიროზე საყოფაცხოვრებო და სხვა ტიპის ნარჩენები ხვდება, რაც მათ დიდ დისკომფორტს უქმნის. დანაგვიანებული პლაჟების გამო, პასუხისმგებლობა ადგილობრივ მუნიციპალიტეტებს ეკისრება, მაგრამ ისინი ყურსაც არ იბერტყავენ.

მთავრობამ ვერ გარისკა და წელსაც ყურძნის სუბსიდირების გადაწყვეტილება მიიღო. კონკრეტულ ტარიფებზე სამინისტროს განცხადებას დღეს გააკეთებს. სუბსიდირების მიზეზი, ქვეყნის მთავარ საექსპორტო ბაზარზე რუსეთში ექსპორტის შემცირება გახდა. ღვინის კომპანიებში აცხადებენ, რომ მათ საკმაოდ დიდი რაოდენობის გაუყიდავი ღვინო დარჩათ, შესაბამისად, წელს ყურძენზე შედარებით დაბალი მოთხოვნა იქნება.

საქართველოს მოსახლეობას მძიმე შემოდგომა, შესაძლოა, ნაადრევად დაუდგეს. ლარის კურსის ვარდნის კვალდაკვალ პირველადი მოხმარების საგნები და პროდუქტი ნელ-ნელა უკვე ძვირდება. ინფლაციის დონემაც მიზნობრივ მაჩვენებელს, ანუ 5%-ს მიაღწია. აგვისტოს მიწურულს პროდუქტზე ფასი კიდევ უფრო გაიზრდება და როგორც ანალიტიკოსები ვარაუდობენ, შემოდგომას ქვეყანა უკვე უჩვეულოდ მაღალი ფასებით შეხვდება. ამ პროცესების შესაჩერებლად ეროვნულ ბანკს, მთავრობასთან ერთად, სერიოზული გადაწყვეტილების მიღება მოუწევს, თუმცა არც ერთი დევალვაციისა და ინფლაციის შესაჩერებლად არაფერს აკეთებს.

ზაფხული ის პერიოდია, როდესაც დედაქალაქის ქუჩები თითქმის ცარიელი უნდა იყოს, თუმცა წლის ყველაზე ცხელი თვის თითქმის ნახევარი მიილია და თბილისის ქუჩები ისევე სავსეა, როგორც დანარჩენი სამი სეზონის დროს. ეს თვალის ერთი გადავლებითაც აშკარაა. ფეხით მოსიარულეებს რომ თავი დავანებოთ, ქალაქში ავტომობილებით გადაადგილებაც კი ჭირს. როგორც ყოველთვის თბილისური აგვისტო სიხალვათით გამოირჩეოდა, რასაც ვერ ვიტყვით ამჟამინდელ ვითარებაზე.

არ ცხრება ვნებათაღელვა სამაუწყებლო კომპანია "რუსთავი 2"-ის ირგვლივ. თბილისის საქალაქო სასამართლოს გადაწყვეტილებით, პარასკევს ტელეკომპანიის წილებსა და ქონებას ყადაღა დაედო, მეწილეებს ეკრძალებათ ტელეკომპანიის სახელით რაიმე ვალდებულებების აღება, რეორგანიზაცია, წესდებაში რაიმე ცვლილების შეტანა... სასამართლომ ეს გადაწყვეტილება მოსარჩელე ქიბარ ხალვაშის სარჩელის საფუძველზე მიიღო.

აგვისტოს ომმა საქართველოს მძიმე მემკვიდრეობა დაუტოვა. დამარცხება ქვეყანას ტერიტორიების ანექსიად, 150 000-მდე იძულებით გადაადგილებულ პირად, 400-მდე დაღუპულ მოქალაქედ დაუჯდა. რა იყო ამ ომში დამარცხების მიზეზი? რა შეცდომები იქნა დაშვებული ქართული პოლიტიკური თუ სამხედრო ელიტის მიერ? ამ და სხვა თემებზე "მთელ კვირას" სამხედრო მიმომხილველი გიორგი ინაური ესაუბრა.

2008 წლის რუსეთ-საქართველოს ომი შესაძლოა ჰააგის ტრიბუნალმა გამოიძიოს, ან შესაძლოა გამოძიება საქართველოში დაიწყოს, - ამის შესახებ განცხადება იუსტიციის მინისტრმა თეა წულუკიანმა შაბათს, 8 აგვისტოს მუხათგვერდის სასაფლაოზე გააკეთა, სადაც 2008 წლის აგვისტოს ომში დაღუპულ ჯარისკაცებს პატივი მიაგო.