ბიზნესმენი ქიბარ ხალვაში ვარაუდობს, რომ "რუსთავი 2"-ის წილების ხელახალ გასხვისებას აპირებენ, ამიტომაც თავისი წილის დასაბრუნებლად, რომელიც მისი თქმით, იძულებით დაათმობინეს, სასამართლოში სარჩელი შეიტანა და სარჩელის უზრუნველყოფის მიზნით, ტელეკომპანიის პარტნიორთა წილების დაყადაღება მოითხოვა.

ერთი კვირის განმავლობაში თურქეთის სამხრეთ-აღმოსავლეთში ორი ქართული გადამზიდავი კომპანიის სამ სატვირთო ავტომობილს დაესხნენ თავს. ქურთმა მეამბოხეებმა ავტომობილები დაწვეს, ხოლო მძღოლები რამდენიმე საათის განმავლობაში დაკავებული ჰყავდათ.

საქართველოს ნაკრების ყოფილმა მცველმა მალხაზ ასათიანმა კარიერა ქუთაისის "ტორპედოში" დაიწყო. დსთ-ს ტურნირში, სადაც ქუთათურები ასპარეზობდნენ, მოსკოვის "ლოკომოტივის" ხელმძღვანელობამ შენიშნა და ასათიანმაც კარიერა რუსეთის დედაქალაქში გააგრძელა. "ლოკომოტივში" ქართველმა ფეხბურთელმა ძირითად შემადგენლობაში ადგილი მალევე დაიმკვიდრა და გუნდის ლიდერიც გახდა. თუმცა ასათიანის კარიერა ისე არ წარიმართა, როგორსაც უწინასწარმეტყველებდნენ. დღეს 34 წლის ფეხბურთელი საქართველოშია და როგორც "რსპორტთან" ინტერვიუში განაცხადა, ისვენებს და ტკბება მოგზაურობით.

"მერაბ კოსტავას და ზვიად გამსახურდიას ბავშვობიდან ვიცნობდი. მე ვაკეში ვცხოვრობდი და ვაჟთა მეექვსე სკოლაში ვსწავლობდი, ზვიადი და მერაბი კი ვერაზე, ვაჟთა პირველ სკოლაში სწავლობდნენ. ბევრი საერთო მეგობარი გვყავდა, ჩვენს სკოლებსა და უბნებს შორის მეგობრული ურთიერთობა იყო, რუსთაველზე ერთად ვსეირნობდით და ფეხბურთსაც ვთამაშობდით.

თბილისში არსებული მაღალი ტემპერატურა ხალხის ჯანმრთელობაზე უარყოფითად მოქმედებს. აღსანიშნავია, რომ ტემპერატურის მატებას უკავშირდება მზის დაკვრის მაღალი სტატისტიკაც. სასწრაფო-სამედიცინო დახმარების სამსახურში ბოლო კვირის განმავლობაში მზის დაკვრისა და გადახურების 40-ზე მეტი ფაქტია რეგისტრირებული.

ბოლო 4 დღის განმავლობაში ლარი დოლართან მიმართებაში 3 პუნქტით დაეცა. ეს მაშინ, როცა ტურისტების რაოდენობა გაიზარდა და წინა თვეებთან შედარებით მოიმატა ექსპორტის მაჩვენებელმაც. სპეციალისტები და მთავრობის წევრები ხელს ეროვნული ბანკისკენ იშვერენ და კვლავ სპეკულაციაზე საუბრობენ. პოლიტიკოსები საბოტაჟზეც ამახვილებენ ყურადღებას და შემოდგომაზე ლარის კიდევ უფრო გაუფასურებას არ გამორიცხავენ.

მაღალ ტემპერატურას ხალხი ვეღარ უძლებს. თბილისში, რაიონებსა და კურორტებზე გამოკითხვის შედეგად აღმოჩნდა, რომ ცხელი ზაფხული ყველას ერთნაირად აწუხებს. სიცხესთან გასამკლავებლად თითოეული სხვადასხვა ხერხს მიმართავს.

კახეთში გვალვა მოსავალს ანადგურებს. ბოსტნეული კულტურების დიდი ნაწილი დაიწვა. სიღნაღში, ყვარელსა და გურჯაანში მძიმე დღეშია ვენახიც. თვის ბოლოსთვის მზესუმზირას მოსავლის აღება უნდა დაიწყოს, თუმცა გლეხები ამბობენ, რომ იგი აღარც არსებობს, მარცვალმა ცხიმიანობა დაკარგა და წელს კახური ზეთი ძალიან ცოტა იქნება.

რეგიონებში პური 5-10 თეთრით გაძვირდა. პროცესი გრძელდება და მალე გაძვირებული პური დედაქალაქის მაღაზიების დახლებზეც გამოჩნდება. მეპურეები გაძვირებას ფქვილზე ფასის მატებით ხსნიან, ფქვილის მწარმოებლები კი აცხადებენ, რომ ეს პროდუქტი ისე არ გაძვირებულა, რომ პურზე ფასი გაეზარდა. საბოლოო ჯამში, ყველაფერი გაუფასურებულ ლარს ბრალდება. აღმოჩნდა, რომ საქართველოში მოყვანილი ხორბლის მხოლოდ 20-25%-ია სასურსათოდ გამოსადეგარი და ქვეყანა დიდწილად ისევ სხვა ქვეყანაში მოყვანილი მარცვლეულის იმედადაა.

ერთიანი ეროვნული გამოცდები დამთავრდა და ყველა საგნის პასუხი ცნობილია. აბიტურიენტებს, რომელთაც თავიანთ ქულებში ეჭვი ეპარებათ, გასაჩივრების უფლება აქვთ. პირველადი პასუხების გამოქვეყნების შემდეგ გუშინ აპელაციის პროცესი დაიწყო, რომელიც 12 აგვისტომდე გაგრძელდება.

რუსეთი, ანტირუსულ სანქციებზე მიერთების გამო, საქართველოსა და ევროპის კიდევ 6 ქვეყანას ემბარგოთი ემუქრება. აღნიშნულ საკითხთან დაკავშირებით კრემლში ოფიციალური განცხადება უკვე გააკეთეს და დასძინეს, რომ ამ ეტაპისთვის მხოლოდ "ქვეყნების სიის დაზუსტება" მიმდინარეობს. მოსკოვში უკვე დაიწუნეს ქართული ალკოჰოლური სასმელები და მეღვინეები "ტექნოლოგიების სისტემატურად დარღვევაში" დაადანაშაულეს. "როსპოტრებნადზორში" ამტკიცებენ, რომ საქართველოდან ექსპორტირებული პროდუქციის ნაწილი ნორმატიული დოკუმენტაციის მოთხოვნას არ შეესაბამება.

ბოლო 2 დღის განმავლობაში ლარი დიდი სისწრაფით უფასურდება. ეროვნულ ბანკში, როგორც ყოველთვის, არც ახლა გაუკეთებიათ კომენტარი, თუ რამ განაპირობა დოლარზე ასეთი დიდი მოთხოვნა მაშინ, როდესაც ქვეყანაში ტურისტული პიკია და, წესით, დომინანტურ მდგომარეობაში ეროვნული ვალუტა უნდა იყოს. ლარის ასეთი მკვეთრი გაუფასურების გამო საზოგადოება შფოთავს, მაგრამ რაიმე განმარტების გაკეთება არც ხელისუფლებიდან უცდია ვინმეს.