მოსალოდნელი და ლოგიკური - ასე აფასებენ უმრავლესობაშიც, ოპოზიციაშიც და ექსპერტთა წრეებშიც მთავრობაში მომხდარ ცვლილებებს და ამბობენ, რომ არც შს და არც სასჯელაღსრულების ახალი მინისტრისაგან განსაკუთრებულ სიახლეებსა თუ ცვლილებებს არ ელიან.

გორელების ნაწილი ვერხვების დასახლებიდან თავდაცვის სამინისტროს მეხუთე ბრიგადის გადატანას ითხოვს. ადგილობრივების მტკიცებით, პოლიგონზე ჩატარებული წვრთნების გამო მათი სახლის კედლები იბზარება.

კომპიუტერულმა ვირუსმა, რომელიც უკრაინის სამთავრობო სერვერებიდან იპარავდა საიდუმლო ინფორმაციას, საქართველოში შემოაღწია. ამ ინფორმაციას საერთაშორისო ანტივირუსებზე მომუშავე კომპანია უთუე ავრჩელებს. მათი ცნობით, ამ ვირუსის - win23/potato-ს საშუალებით 4 წლის განმავლობაში ხორციელდება ჯაშუშობა უკრაინულ სერვერებზე.

ეროვნული ბანკიდან ზედამხედველობის სამსახურის გამოყოფას "თავისუფალი დემოკრატები" კატეგორიულად ეწინააღმდეგებიან. ახალი კანონი მესამე მოსმენით მიიღეს, რომელზეც პრეზიდენტმა გიორგი მარგველაშვილმა ვეტოს უფლება გამოიყენა. უმრავლესობა აცხადებს, ვეტოს აუცილებლად დაძლევენ. ამავე დროს როგორც "თავისუფალი დემოკრატები" აცხადებენ, რომ ვეტოს დაძლევის შემთხვევაში კანონპროექტს საკონტიტუციო სასამართლოში გაასაჩივრებენ.

რამდენიმე დღის წინ ბორჯომში სოფელ დვირის მიმდებარე ტერიტორიაზე 6 ჰექტარი ტყის მასივი დაიწვა. ხანძრის გამომწვევი მიზეზი ჯერ-ჯერობით უცნობია. თუმცა, ზაფხულის ცხელი დღეების დადგომასთან ერთად ხშირად სხვადასხვა ადგილას ხანძრის კერები ჩნდება და შემდეგ დიდ ტერიტორიაზე ვრცელდება.

"2015 წელს პირველად სახელმწიფო ბიუჯეტში გამოიყო 400 000 ლარი, რომელიც უშუალოდ დაბრუნებული მიგრანტების მხარდაჭერას მოხმარდება", - ამბობს "რეზონანსთან" საუბრისას ოკუპირებული ტერიტორიებიდან იძულებით გადადგილებულ პირთა, განსახლებისა და ლტოლვილთა სამინისტროს მიგრაციისა და რეპატრიაციის სამმართველოს უფროსი გიორგი ნარიმანიძე.

საქართველოს დამოუკიდებლობის გამოცხადების დღიდან, ქვეყანაში მოღვაწე პროგრესული ძალები ცდილობენ ევროპასთან ინტეგრაციის პროცესის წარმატებულად წარმართვას. მიუხედავად იმისა, რომ ევროპული ფასეულობების ადამიანები როგორც წარსულში, ასევე დღესაც მეტ-ნაკლებად მაინც ხვდებიან ქვეყნის მმართველ ინსტიტუტებში - ევროპისკენ სავალ გზაზე იდეური მოწინააღმდეგეების გარდა, მუდმივად არსებობს სხვა ხელისშემშლელი - რუსული ფაქტორი.

რამდენიმე დღეში საქართველოს ისტორიაში ყველაზე მნიშვნელოვანი სამხედრო გამარჯვებიდან - დიდგორის ბრძოლიდან 894 წელი სრულდება. ისტორიის სახელმძღვანელოდან პრაქტიკულად ყველასათვის ცნობილია ამ ბრძოლის წინაისტორია, უშუალოდ ბრძოლის აღწერა, მისი შედეგები და ა.შ. ამჯერად გვსურს შევჩერდეთ ბრძოლის ერთ მნიშვნელოვან დეტალზე, რომელიც სხვადასხვა ისტორიულ წყაროებში სხვადასხვაგვარადაა ინტერპრეტირებული.

ანდრეას პირლოს ამერიკული ოდისეა ყვითელი ბარათით დაიწყო. ტურინის "იუვენტუსის" ლეგენდამ, რომელიც რამდენიმე ხნის წინ "ნიუ იორკ სითიში" გადავიდა, სადებიუტო მატჩი ითამაშა. იტალიელის გუნდმა "ორლანდო სიტი" დაამარცხა 5:3, სადაც პირლოს "მილანელი" თანაგუნდელი კაკა ასპარეზობს. ანდრეა 56-წუთზე შევიდა მოედანზე, 88-ე წუთზე კი ყვითელი ბარათი დაიმსახურა.

დნეპროპეტროვსკის "დნიპროს" ფეხბურთელი სანდრო კობახიძე "ვოლინში" იჯარით თამაშობს, მაგრამ შესაძლოა, მალევე "დნიპროში" დაბრუნდეს. ქართველმა ფეხბურთელმა უკრაინულ გამომცემლობა "მატჩდეის" ვრცელი ინტერვიუ მისცა, სადაც ის "დნიპროში" მის შესაძლო დაბრუნებაზე და სამომავლო გეგმებზე საუბრობს.

მომავალ წელს რუსეთის კინოგაქირავებაში ქართულ-ოსური ურთიერთობის მოტივებზე გადაღებული ახალი მხატვრული ფილმი გამოვა - "ტელი და ტოლი". ფილმი 2014 წელს ჩრდილოეთ ოსეთში გადაიღო რეჟისორმა ალეკსანდრ ამიროვმა. რაც ყველაზე მნიშვნელოვანია, ოსური საზოგადოების ნაწილში ამ ფილმს მკვეთრად უარყოფითი გამოხმაურება მოჰყვა.

"პოლიტიკურად გაკოტრებული", "ნაციონალური", "არაადეკვატური", "პატარა ბავშვივით ახირებული", "კომპლექსიანი", "ჯინიანი", "არაკორექტული" - ეს იმ ეპითეტების არასრული ჩამონათვალია, რომლითაც თანაგუნდელები პრეზიდენტ მარგველაშვილს ბოლო თვეების განმავლობაში "ამკობენ". თუმცა, მათი უმეტესობა ბოლო კვირის განმავლობაშია გამოთქმული და პრეზიდენტის მიერ სადავო შეწყალებასა და მესამე ვეტოს უკავშირდება.