გარდაბნის რაიონის სოფელ კარათაკლიას მცხოვრები ტავთიხ გარიბოვი "მთელ კვირას" სკანდალურ ინტერვიუს აძლევს და იმ უკანონობაზე საუბრობს, რაც მისი თქმით, გარდაბანში ხდება. ამბობს, რომ არჩევნების შემდეგ რაიონში არაფერი შეცვლილა, მმართველობაში ისევ ძველი კადრები არიან. მეტიც, ისინი, ვინც არჩევნებამდე ხალხს "ქართული ოცნების" მხარდაჭერის გამო ავიწროებდა, დაწინაურდნენ კიდეც.

პრევენცია თუ სადამსჯელო ღონისძიება სახელმწიფო ობიექტებში შეჭრილი ადამიანებისთვის? - ა/ო "ადამიანის უფლებების სწავლებისა და მონიტორინგის ცენტრი" მთავრობის 2013 წლის დადგენილებას საკონსტიტუციო სასამართლოში ასაჩივრებს. დადგენილების მიხედვით, სახელმწიფო სოციალურად დაუცველთა ბაზაში რეგისტრაციის მიზნით აღარ განიხილავს იმ უსახლკარო ოჯახების განცხადებებს, რომელთაც უკანონოდ აქვთ დაკავებული სახელმწიფო ობიექტები. ჯანდაცვის სამინისტროში განმარტავენ, რომ კანონში აღნიშნული ცვლილება არასასურველი მოვლენის თავიდან ასაცილებლად გაკეთდა.

14 ივლისს გლდანის მე-6 მიკრორაიონის მე-2 კორპუსში ბუნებრივი აირის გაჟონვის შედეგად აფეთქება მოხდა, რასაც 5 ადამიანის სიცოცხლე შეეწირა. აფეთქებიდან თითქმის ორი კვირა გავიდა, კორპუსიდან გამოყვანილია ყველა დაზარალებული მცხოვრები და დროებით სასტუმრო "დეკადენსში" არიან დაბინავებული.

დიდუბის რაიონში ერთ-ერთი ქუჩის დასახელება დავის საგანი გახდა - ვლადიმერ ვორონინის სახელობის ქუჩა რამდენიმე თვის წინ კაპიტან ვახტანგ შანავას სახელობის გახდა, რამაც ქუჩის მცხოვრებლები აღაშფოთა. აცხადებენ, რომ დამსახურებული მეცნიერი და აკადემიკოსი რუსული გვარის გამო "გაიმეტეს".

ნასამ "ახალი დედამიწა" აღმოაჩინა. ეს ინფორმაცია სულ რამდენიმე დღის წინ გავრცელდა და მსოფლიო ასტრონომების ყურადღება მიიპყრო. ნასას კეპლერის მისიამ, რომელიც სამყაროში სიცოცხლისათვის თავსებად პლანეტებს ეძებს, დაადასტურა, რომ არსებობს პლანეტა "კეპლერ 452-ბ", რომელიც დედამიწას ძალიან ჰგავს და მას შეიძლება არაოფიციალურად "დედამიწა 2" ეწოდოს.

გაირკვა საქართველოს ეროვნული ნაკრების მეტოქეთა ვინაობა 2018 წლის მუნდიალის შესარჩევ ეტაპზე - სანკტ-პეტერბურგში გამართულ წილსყრაზე ფორტუნამ მართლაც რომ გადმოხედა საქართველოს ნაკრებს - მეექვსე კალათაში განთესილს ის გუნდები შეხვდა, რომელთაგანაც არცერთი არ მიეკუთვნება გრანდების კოჰორტას.

შეწყალების კომისიის თავმჯდომარე ზვიად ქორიძემ "რეზონანსთან" ინტერვიუში პრეზიდენტის მიერ მიღებულ გადაწყვეტილებაზე ისაუბრა, რომელიც მან უმცირესობის წევრის აკაკი ბობოხიძის ძმის, ლევან ბობოხიძის ამნისტიის შესახებ მიიღო. როგორც ქორიძე ამბობს, პრეზიდენტს ამის თაობაზე რეკომენდაცია შეწყალების კომისიამ გაუგზავნა, რის შემდეგაც ინდივიდუალური გადაწყვეტილება თავად მან მიიღო.

მმართველი გუნდი პრეზიდენტთან დაპირისპირებას აღარ მალავს და დიპლომატიური ენით გამოთქმული შენიშვნებიდან მწვავე კრიტიკაზე გადადის. უმრავლესობაში აღარც იმას უარყოფენ, რომ მათი და გიორგი მარგველაშვილის ხედვა, მოსაზრებები თუ ქმედებები ერთმანეთისგან მკვეთრად განსხვავდება და პრეზიდენტს "არაადეკვატურსა" და "ნაციონალურსაც" კი უწოდებენ. მათი ნაწილის აზრით, პრეზიდენტის ქმედება ვიწრო პოლიტიკური ჯგუფების ინტერესებს უფრო ასახავს, ვიდრე ქვეყნისას.

"ჩვენ ვხედავთ, რომ ჩვენი პრეზიდენტი არის ჭეშმარიტად "ნაციონალური" პრეზიდენტი" - ასე გამოეხმაურა პრემიერ-მინისტრი ირაკლი ღარიბაშვილი პრეზიდენტის შეწყალების აქტს.

"როდესაც დარბაზში ზიხარ, პარლამენტის წევრი ხარ და მთელი ქვეყანა გიყურებს, პირველ რიგში საკუთარ თავს არ უნდა აკადრო, რომ უხამსი სიტყვებით გაჯერებული განცხადება გააკეთო", - ასე გამოეხმაურა სოსო ჯაჭვლიანის მიერ ევროპის განვითარებისა და რეკონსტრუქციის ბანკთან ("იბიარდი") დაკავშირებით გაკეთებულ განცხადებას "რეზონანსთან" საუბრისას პარლამენტის პრესსპიკერი მანანა კობახიძე.

13 ივნისის წყალდიდობით განადგურებული თბილისის ზოოპარკის აღდგენითი სამუშაოების დამთავრება სექტემბერი-ოქტომბრისთვის იგეგმება, რის შემდეგაც იგი დამთვალიერებლებს უმასპინძლებს. მიუხედავად იმისა, რომ მომხდარი ტრაგედიის შემდეგ საუბარი ზოოპარკის გადატანაზე აქტიურად მიმდინარეობს, ჯერჯერობით არ არის განსაზღვრული კონკრეტული ვადები, თუ როდის უნდა დაიწყოს ახალი ზოოპარკის მშენებლობა, არც პროქტი არსებობს, არც ზუსტად განსაზღვრული ტერიტორია და არც ფინანსები.

შინაგან საქმეთა სამინისტროს საინფორმაციო-ანალიტიკური დეპარტამენტის მონაცემებით, 2012 წელს მართვის მოწმობის ასაღებად განაცხადი 3347-მა სტუდენტმა წარადგინა. სავარაუდოდ, შარშან ეს ციფრი კიდევ უფრო გაიზრდებოდა. "რეზონანსის" მიერ ჩატარებულმა მცირე კვლევამ აჩვენა, რომ ყველა მესამე ახალგაზრდას ავტომობილი ჰყავს. გამოკითხვა 60 თბილისელს შორის ჩატარდა, რომელთა ასაკობრივი ზღვარი 17-დან 25 წელია.