პროფესიონალურ კრივში სეზონის ბოლო სარეიტინგო ბრძოლები გაიმართა. შეხვედრები გორის რაიონ სოფელ ვარიანში 16 ივნისს ჩატარდა. სულ 11 ორთაბრძოლა გაიმართა, მათ შორის 9 შემთხვევაში ერთმანეთს ვაჟები დაუპირისპირდნენ, ხოლო 2-ში - გოგონები. იყვნენ დებიუტანტებიც.

სოფელ ხურვალეთთან ვითარება კვლავ დაძაბულია. მედიის წარმომადგენლებსა და ჟურნალისტებს ქართულ საგუშაგოსთანაც აღარ უშვებენ. როგორც სამართალდამცავები "რეზონანსთან" საუბრისას აცხადებენ, ამის მიზეზი რუსეთის მხრიდან მოსალოდნელი პროვოკაციაა, რომლის ნიშნებიც უკვე გამოიკვეთა, რადგანაც ოკუპანტებმა მასშტაბური სამხედრო წვრთნა დაიწყეს.

საქართველოს პრეზიდენტის მოწვევით ევროპული საბჭოს პრეზიდენტი დონალდ ტუსკი საქართველოს ორდღიანი ვიზიტით 20 ივლისს ეწვევა. ვიზიტის ფარგლებში პრეზიდენტები ერთმანეთს პირისპირ შეხვდებიან, რის შემდეგაც ერთობლივი პრესკონფერენცია გაიმართება.

საქართველოს ინტერნეტ-ბაზარი ტარიფების სიძვირით მსოფლიოში ერთ-ერთი ლიდერია. თუ საქართველოში 100 მგ/წმ სიჩქარის ინტერნეტი 100 ლარი ღირს, ლატვიაში მისი ფასი დაახლოებით 33 ლარია, ლიტვაში - 22 ლარი, ჩეხეთში - 40 ლარი. მაღალ გადასახადს ისიც განაპირობებს, რომ ქვეყნაში აღნიშნული ბაზრის უდიდესი წილი 2 კომპანიას აქვს განაწილებული. სწორედ ამიტომ "ახალგაზრდა ადვოკატებმა" საკითხის შესასწავლად კონკურენციის სააგენტოს მიმართეს, მარეგულირებელ კომისიას კი ტარიფებზე ზედა ზღვრის დაწესება სთხოვეს.

რძის პროდუქტების ეტიკეტირების წესების გამკაცრება საწარმოებში თვითღირებულების ხარჯს გაზრდის, სამაგიეროდ მომხმარებელს ფალსიფიცირებული პროდუქტისგან დაიცავს. არ არის გამორიცხული, საკანონმდებლო ცვლილებამ ნატურალური პროდუქტების გაძვირება გამოიწვიოს - ასეთია სპეციალისტების პირველი შეფასება, რომელიც რძის პროდუქტებთან დაკავშირებულ რეგულაციებს შეეხება.

ძველი თბილისის ტერიტორიაზე "პანორამა თბილისის" გრანდიოზული პროექტისთვის სამზადისს შეუდგნენ და სამშენებლო პროცესიც დაიწყო. საზოგადოებრივი წინააღმდეგობის მიუხედავად, თავისუფლების მოედანზე პროექტის პირველი სამუშაოები ტარდება. ოფიციალური ინფორმაციით, პროექტის ჯამური ინვესტიცია 1 მილიარდი ლარია.

"ყველაზე მეტად ადამიანი საკუთარ უმწეობას და უსუსურობას სტიქიური უბედურების დროს გრძნობს. ამ დროს მნიშვნელობა აღარ აქვს, ქვეყნის უმაღლესი ხელისუფლების წარმომადგენელი ხარ თუ რიგითი მოქალაქე. სტიქიის წინაშე ყველა თანაბრად უძლურია" - ამბობს საქართველოს ცეკას ყოფილი პირველი მდივანი ჯუმბერ პატიაშვილი და "რეზონანსთან" საბჭოთა პერიოდში მომხდარ ჩერნობილისა და სპიტაკის ტრაგედიებს იხსენებს.

ლეგალური და არალეგალური ნაგავსაყრელების მოუგვარებელი პრობლემა ქვეყნის მასშტაბით, გადავსებული ურნები, გაზრდილი ჯარიმების მიუხედავად დანაგვიანებული ქუჩები, ნაგვის კერებთან გაჩენილი ქუჩის უპატრონო ცხოველები - წლებია რაც საქართველოში სურათი უცვლელია.

საბერძნეთის პარლამენტმა ევროზონის ლიდერებსა და საბერძნეთის პრემიერ-მინისტრ ალექსის ციპრასს შორის ბრიუსელში მიღწეული შეთანხმების რატიფიცირება მოახდინა.

"რუსეთთან პირდაპირი დიალოგი არავითარ შედეგს არ მოიტანს. მას უნდა ვესაუბროთ საერთაშორისო თანამეგობრობის ჩართულობით. პირდაპირი საუბრისას ძალიან სუსტი პოზიცია გვაქვს, რადგანაც რუსეთის ფედერაცია ხშირად არღვევს ხოლმე მიღწეულ ორმხრივ შეთანხმებებს", - ამბობს "რეზონანსთან" საუბრისას საგარეო საქმეთა მინისტრის ყოფილი მოადგილე და ლევან მიქელაძის სახელობის ფონდის დირექტორი დავით ზალკალიანი.

ზაფხულის დადგომასთან ერთად, თბილისის სხვადასხვა უბანში ქვეწარმავლები მომრავლდა - ცხოველთა მონიტორინგის სამსახურში ივნისსა და ივლისში ქვერწამავლების შესახებ 416 შეტყობინება შევიდა.

კულტურული მემკვიდრეობის დაცვის ეროვნული სააგენტოს ინიციატივითა და დაფინანსებით, 1950 წლის შემდეგ პირველად, ეროვნული მნიშნელობის არქეოლოგიური ძეგლის - პიტიახშ-ერისთავთა კომპლექსის არქეოლოგიური კვლევა და გადაუდებელი სარეაბილიტაციო სამუშაოები განახლდა.