რამდენიმე დღეში სემეკი ელექტროენერგიის ტარიფთან დაკავშირებით საბოლოო ვერდიქტს გამოიტანს. კომპანია 22 ივლისს ჯერ თბოსადგურების, ხოლო მეორე დღესვე კი "ენერგო პრო ჯორჯიას" ტარიფებს დაადგენს. თუ გავითვალისწინებთ იმას, რომ ორივე კომპანიის განაცხადი სწორედ ტარიფის ზრდას ეხება, გამორიცხული არ არის, რომ უკვე ერთ კვირაში სამომხმარებლო ბაზარზე ელექტროენერგია გაძვირდეს.

რამდენიმეკვირიანი სტაბილურობის შემდეგ ეროვნულმა ვალუტამ მოულოდნელად ისევ გაუფასურება დაიწყო. ოფიციალური კურსით დღეს ერთი დოლარი უკვე 2,2697 ლარი ეღირება. არადა სულ რაღაც ორიოდე დღის წინათ ლარიდოლართან მიმართებაში 2,24-ის ნიშნულზე იყო დაბალანსებული. ეკონომისტები ლარის ერთბაშად ვარდნას, ერთი მხრივ, ქვეყნიდან სავალუტო ნაკადის გადინებას და, მეორე მხრივ, რეფინანსირების სესხების (ამჯერად ერთდღიანი) ზრდას უკავშირებენ.

თაია არდოტელი

არა რუსეთს! არა მცოცავ ოკუპაციას! - შაბათს, 18 ივლისს, მთავრობის კანცელარიასთან აქციის გამართვა იგეგმება, რომლის მთავარი მოთხოვნაა, რომ აბაშიძემ კარასინთან პირისპირ საუბარი შეწყვიტოს, მოსკოვთან ყველა მოლაპარაკება ჩვენი სტრატეგიული პარტნიორების მონაწილეობით წარიმართოს და პარლამენტმა კოლაბორაციონიზმის წინააღმდეგ კანონი მიიღოს. აქციის საფუძველი 10 ივლისს, ოკუპირებული ახალგორის რაიონის სოფლების - ორჭოსანისა და წითელუბნის - მიმდებარე ტერიტორიაზე, თბილისი-გორის ცენტრალური ავტომაგისტრალის ახლოს, ე.წ. საზღვრის გადმოწევა გახდა, რის შედეგადაც სოფელ წითელუბნის 20-25 ოჯახის სახნავ-სათესი მიწა და ბაქო-სუფსას მილსადენის გარკვეული ნაწილი ოკუპირებულ მხარეს მოექცა.

ბოლო ერთი წლის განმავლობაში საარსებო მინიმუმი 7,8%-ით გაიზარდა. ლარის დევალვაციამ ივნისში საარსებო მინიმუმის ფორმირებაზე მნიშვნელოვანი გავლენა იქონია. კლების ნაცვლად, ქვეყანამ ბოლო 2 თვეში საარსებო მინიმუმის გაზრდილი მაჩვენებელი მიიღო. მოიმატა როგორც საშუალო მომხმარებლის, ასევე შრომისუნარიანი ასაკის მამაკაცის საარსებო მინიმუმმა.

"მანჩესტერ იუნაიტედმა" საკმაოდ სოლიდური ტრანსფერი განახორციელა - მიუნხენის "ბაიერნიდან" გადმოიბირა გერმანიის ნაკრებისა და ბუნდესგრანდის გამორჩეული ნახევარმცველი, მსოფლიო ჩემპიონი ბასტიან შვაინშტაიგერი. "წითელი ეშმაკუნების" თავკაც ლუის ვან გაალს საკმაოდ ახლო ურთიერთობა აქვს გუნდის ახალწვეულთან ჯერ კიდევ იმ დრიოდან, როცა ჰოლანდიელი გერმანიის ჩემპიონატის საუკეთესო ფეხბურთელსა და ბუნდესნაკრების კაპიტანს წვრთნიდა.

საქართველოს ევროკავშირი იმედის თვალით უყურებს, ძალიან მნიშვნელოვანია, ხალხმა გაიგოს, რამხელა შანსი მიიღო საქართველომ და ქართველმა ხალხმა ასოცირების ხელშეკრულების ხელმოწერით, აცხადებს გერნოტ ერლერი, გერმანიის ბუნდესტაგის დეპუტატი სოციალ-დემოკრატიული პარტიიდან.

საქართველო რეგიონში ავტომობილების რეექსპორტიორ ქვეყანას აღარ წარმოადგენს. სომხეთის ევრაზიულ კავშირში გაწევრიანება გადამწყვეტი აღმოჩნდა, რომ ექსპორტიორებს პოზიცია დაეთმოთ. რეექსპორტი ამ მიმართულებით ჯერ შემცირდა, შემდეგ თითქმის შეჩერდა.

ირანსა და "ექვსეულს" შორის შეთანხმება მიღწეულია. თეირანი ბირთვულ პროგრამას შეზღუდავს, ამის სანაცვლოდ კი მის მიმართ დაწესებული სანქციების დიდი ნაწილი მოიხსნება, შესაბამისად, დასავლეთთან ეკონომიკური თანამშრომლობაც გაფართოვდება. უკვე ცნობილია, რომ უახლოეს მომავალში ირანი თცშაე-ის სისტემაში ჩაერთვება, ასევე დაიწყება ნავთობის ექსპორტიც. თეირანში ვარაუდობენ, რომ სანქციების მოხსნიდან ძალიან მალე ისინი ევროპის სანავთობე ბაზარზე საკუთარ 43%-იან წილს ისევ დაიბრუნებენ.

საქართველოს მორაგბეთა ეროვნულმა ნაკრებმა მოილია მსოფლიო თასისთვის მზადების სამკვირიანი შეკრების პირველი ორი კვირა. "შევარდენის" სარაგბო ბაზაზე მყოფი "ბორჯღალოსნებისთვის" საკმაოდ ნაყოფიერი გამოდგა მილტონ ჰეიგისა და კელვინ მორისის ფიზმომზადების პროგრამა, რომელიც ინსტენსიური და ფიტნესზე ორიენტირებული გახლდათ.

2011 წელს საეჭვო ვითარებაში გარდაცვლილი პოლკოვნიკ სერგო თეთრაძის მეუღლე ნანა თეთრაძე გუშინ მთავარ პროკურორ გიორგი ბადაშვილს შეხვდა. როგორც მან "რეზონანსთან" საუბრისას განაცხადა, მთავარ პროკურორს სასამართლო პროცესის მიმდინარეობაზე ესაუბრა და იმაზე, რომ მას პროცესის მიმდინარეობისას თავდაცვის ყოფილი მინისტრის, ბაჩო ახალაიას მეუღლე დაემუქრა. მისი ცნობით, პროკურატურა ამ საქმესაც გამოიძიებს.

ბოლო რამდენიმე წელია საქართველოში სხვადასხვა სფეროში ელექტრონული რეგისტრაციის დანერგვა აქტიურად მიმდინარეობს. თუმცა ძალიან ხშირად ეს წარუმატებლად მთავრდება. ავიღოთ თუნდაც ბილეთები.გე-სთან დაკავშირებული პრობლემები. დაახლოებით მსგავსი პრობლემები იწვევს ხალხის უკმაყოფილებას პირველკლასელთა და საბავშვო ბაღებში რეგისტრაციისა თუ ეროვნული გამოცდების საიტის ფუნქციონირებისას. რა იწვევს ელექტრონული რეგისტრაციისას ასეთი გადაულახავი ხარვეზების წარმოქმნას, ამის შესახებ "რეზონანსი" კიბერ-უსაფრთხოების სპეციალისტ ბექა ბერიძეს ესაუბრა.

ბრიუსელში ევროზონის ლიდერებსა და საბერძნეთის პრემიერ ალექსის ციპრასს შორის მიღწეული შეთანხმებიდან გამოჩნდა, რომ საბერძნეთს ქამრების შემოჭერა და მკაცრი რეფორმების გატარება მაინც მოუწევს, თუმცა თავისი მოულოდნელი რეფერენდუმით იმას მაინც მიაღწია, რომ კრედიტორები საბერძნეთს რეფორმების სანაცვლოდ დამატებით 86 მილიარდ ევროს სთავაზობენ.