"თანასწორობის ფრონტის" ლიდერი ირაკლი კაკაბაძე "რეზონანსთან" ინტერვიუში აცხადებს, რომ იწყებს აჯანყებას ხელისუფლებისა და პრემიერ ირაკლი ღარიბაშვილის წინააღმდეგ. მისი თქმით, "ქართულმა ოცნებამ" საზოგადოება ურცხვად მოატყუა და სასწრაფოდ ზომებია მისაღები, რათა ამ ხელისუფლების დამხობა მოხდეს.

კრწანისის სასწავლო ცენტრში კიდევ ერთი ჯარისკაცი გარდაიცვალა. გარდაცვლილი სამხედრო მოსამსახურე ლაგოდეხის მუნიციპალიტეტის სოფელ გურგენიანში მცხოვრები 23 წლის გივი კირკიტაძეა, რომელიც ჯარისკაცებმა ცენტრის მიმდებარე ტერიტორიაზე ჩამომხრჩვალი იპოვეს. "რეზონანსის" ინფორმაციით, თვითმკვლელობის მიზეზი შესაძლოა, აზარტული თამაში გახდა. თავად ოჯახი კი სუიციდის შემთხვევას გამორიცხავს და ექსპერტიზის პასუხს ელოდება.

აშშ და "დიდი შვიდეულის" ქვეყნები მზად არიან, აუცილებლობის შემთხვევაში რუსეთის წინააღმდეგ სერიოზული დამატებითი სანქციები შემოიღონ - ამის შესახებ ნათქვამია თეთრი სახლის განცხადებაში, სადაც წერია, რომ აშშ-სა და "შვიდეულში" მის პარტნიორებს გამიზნული აქვთ რუსეთზე ზეწოლა, ვიდრე მინსკის შეთანხმება სრულად არ შესრულდება, უკრაინის ტერიტორიები კიევის კონტროლქვეშ არ დაბრუნდება და ყველა რუსი ჯარისკაცი და შეიარაღება უკრაინის ტერიტორიას არ დატოვებს.

ავადმყოფობა, მივლინება და ოჯახური მდგომარეობა - ეს ის მიზეზებია, რის გამოც პარლამენტში სხდომის გაცდენა საპატიოდ ითვლება. თუმცა, სულ მალე ოჯახური მდგომარეობის გამო გაცდენა შეიძლება საპატიო მიზეზად აღარ ჩაითვალოს. ამის ინიციატორი კი პარლამენტის თავმჯდომარე დავით უსუფაშვილია, რომელმაც გუშინ ის დეპუტატები დაასახელა, რომელთაც ამ მიზეზით ყველაზე მეტი გაცდენა აქვთ.

გუშინ თბილისში 73 წლის ასაკში გარდაიცვალა ცნობილი პოლიტოლოგი, საქართველოს სტრატეგიის და საერთაშორისო ურთიერთობის კვლევის ფონდის პრეზიდენტი ალექსანდრე რონდელი. იგი წლების მანძილზე მოღვაწეობდა ივანე ჯავახიშვილის სახელობის თბილისის სახელმწიფო უნივერსიტეტში; 1991-1996 წლებში იყო საერთაშორისო ურთიერთობათა კათედრის გამგე; 1997-2001 წლებში საქართველოს საგარეო სამინისტროსთან არსებული საგარეო პოლიტიკისა და ანალიზის ცენტრის დირექტორი; მიწვეული პროფესორი აშშ-ს ცნობილ უნივერსიტეტებში, კერძოდ, ემორის უნივერსიტეტში, მაუნთ ჰოლიოკ კოლეჯში და ვუდრო უილსონის სახელობის საზოგადოებრივ და საერთაშორისო საქმეთა სკოლაში.

ზაფხულის დადგომასთან ერთად მზით დამწვრობის შემთხვევებმაც იმატა. სწრაფად გარუჯვის მსურველი ბევრი ადამიანი ამას ძალზე უარყოფით შედეგებამდე მიჰყავს. სპეციალისტები რუჯის მიღების შემთხვევაში დროის სწორად გადანაწილებას გვირჩევენ.

დედაქალაქში გზებზე მიმდინარე სარეაბილიტაციო სამუშაოების გაჯანჯლება მძღოლების უკმაყოფილებას იწვევს. რესპონდენტების უმეტესობას პრეტენზია ქალაქ თბილისის მერთან, დავით ნარმანიასთან აქვს. ისინი მერისგან მეტ აქტიურობას, ტემპის მომატებას ითხოვენ. მათ "რეზონანსთან" საუბრისას იმ უარყოფით მხარეზეც ისაუბრეს, რასაც გადათხრილი ქუჩები უქმნის. ერთ-ერთი საწვავზე გაზრდილი ხარჯია.

საბიუჯეტო პრობლემების ფონზე, სახელმწიფო უწყებები ქამრებს, შემოჭერის ნაცვლად, უფრო აფართოებენ. სამინისტროები პრემიებს სახელფასო დანამატებით ანაცვლებენ და საბოლოო ჯამში, უფრო მეტ ანაზღაურებას იღებენ, ვიდრე პრემიების გამოწერისას. რეგიონებში კი არც პრემიის გამოწერას ერიდებიან და არც სახელფასო დანამატისას. 2012-14 წლებში თვითმმართველობებში პრემიისა და სახელფასო დანამატის სახით 100 მილიონ ლარზე მეტი გაიცა.

წელს თხილი კიდევ უფრო გაძვირდება. პროდუქტის ექსპორტიორები ფიქრობენ, რომ მოსავლის განადგურება ფასზე საგრძნობ გავლენას მოახდენს. ჯერჯერობით ჭირს პროგნოზი, რა ეღირება თხილი სამომხმარებლო ბაზარზე და გასცდება თუ არა ფასი 15 - ლარიან ნიშნულს, რასაც მოსახლეობა სეზონის ბოლოსთვის ვარაუდობდა.

ტურისტულ სეზონს კვების ობიექტების დიდი ნაწილი მოუმზადებლად შეხვდა. გარდა იმისა, რომ გარე ვაჭრობასთან დაკავშირებული პრობლემა ამ ეტაპზეც მოუგვარებელია, სურსათის უვნებლობისა და ჰიგიენური ნორმების დაცვის მხრივ კვების ობიექტებში ვითარება საკმაოდ რთულია.

ზაფხულის დადგომასთან ერთად დიეტის დაცვის მსურველთა რაოდენობამაც იმატა. თუმცა, ბევრი თვითნებურ დიეტას მიმართავს და ამით ორგანიზმს სერიოზულ საფრთხეს უქმნის. დიეტოლოგების თქმით, თვითნებური დიეტების დაცვა სხვადასხვა დაავადების გამომწვევი მიზეზი შეიძლება გახდეს.

დიეგო ფორლანმა ურუგვაის ეროვნულ ნაკრებში ბოლო მატჩი 11 მარტს გამართა და სანაკრებო კარიერაც დაასრულა. უკვე სამი თვეა, რაც ურუგვაელი ფეხბურთელი ისვენებს. გამოცდილი თავდამსხმელი ბურთს ახლა იაპონიაში აგორებს და თავის გამოცდილებას იაპონელ ფეხბურთელებს უზიარებს. ფიფას ოფიციალურ გვერდთან ინტერვიუში ფორლანი განვლილ კარიერაზე საუბრობს.