სტიქიის შედეგად სადაზღვევო კომპანიების ზარალმა 3 მილიონ ლარს გადააჭარბა. აქედან დახლოებით 1,5 მილიონი ლარი ავტოდაზღვევაზე მოდის. მეოთხე დღეა, რაც ავტოსატრანსპორტო ქონების ზარალის ანაზღაურება დაიწყო და პროცესი კვირის ბოლომდე დასრულდება.

"არც ერთ ქართველ მოღვაწეს არ რგებია წილად ამდენი ურთიერთგამომრიცხავი შეფასება, ქება თუ გაკიცხვა, რამდენიც გიორგი სააკაძეს. მართლაც ძნელია მისი ცხოვრების ერთმნიშვნელოვნად შეფასება. ამის შესაძლებლობას არც წყაროები იძლევა და არც სააკაძის ცხოვრების ქრონიკა. გიორგი სააკაძის ბედში ერთდროულად აირეკლა იმდროინდელი საქართველოს ცვალებადი პოლიტიკური მდგომარეობა, სასახლის ინტრიგები და ქართველი ხალხის გმირული სულისკვეთება," - განაცხადა "რეზონანსთან" ისტორიულ მეცნიერებათა დოქტორმა იგორ კვესელავამ.

ტურინის "იუვენტუსის" და იტალიის ეროვნული ნაკრების ნახევარმცველი კლაუდიო მარკიზიო, რომელიც ჩემპიონთა ლიგის ფინალისტი და ვერცხლის მედალოსანია, ამჟამად თავის ნაკრებთან ერთად შეკრებაზე იმყოფება. მან იტალიურ "დე ლო სპორტს" ინტერვიუ მისცა.

სტიქიის შედეგად დაზარალებულ კომპანიებს, შესაძლოა, ზარალი არ აუნაზღაურდეთ. ჯერჯერობით უცნობია, რამდენი მილიონი ლარით იზარალა ბიზნესმა, განსაკუთრებით იმ ნაწილმა, რომელსაც ქონება არ დაუზღვევია. დაზარალებული ბიზნესის უმეტესობას შეადგენს მაღაზიები, ავტოგასამართი სადგური და ერთი მსხვილი საწარმო, ასევე "ლაგუნა ვერე", რომლის ზარალმა 15 ათას ლარს გადააჭარბა.

ზაფხულის სეზონზე ავიამიმოსვლა აქტიურ ფაზაში შედის. იზრდება რეისების სიხშირე, ხდება ახალი მიმართულებების ათვისება, შეჩერებული ფრენის აღდგენა. გარდა ამისა იმატებს რეისების ინტენსივობა ქვეყნის შიგნითაც. როგორც "რეზონანსს" "ბელავიას" წარმომადგენლობის დირექტორმა ვახტანგ მეზურნიშვილმა განუცხადა, ავიაკომპანია ბათუმიდან აგვისტოში 5 ფრენას შეასრულებს. მესტიის მიმართულებით ავიამიმოსვლას ააქტიურებს "სერვისეარიც".

ოკუპირებული აფხაზეთის დე ფაქტო ხელისუფლება 6 თვეა მოსკოვის მხრიდან შეპირებულ 5 მილიარდ რუბლს (დაახლ. 90 მილიონი დოლარი) ელოდებოდა, თუმცა უკვე გაირკვა, რომ შეპირებული ფული წელს არ იქნება, რის გამოც დე ფაქტო პარლამენტში უკვე უკმაყოფილო საუბრებიც გაისმა.

"ჩემი აზრით, სტიქიის გამომწვევ მიზეზებთან დაკავშირებით ყველა საკითხი უნდა იყოს შესწავლილი. რაც მთავარია, ამ ყველაფერს პოლიტიკური კომპონენტი უნდა მოვაცილოთ. მოვუწოდებ ყველა ჟურნალისტს - დაანებონ თავი საკითხის პოლიტიზებას, ვაცადოთ ექსპერტებს დასკვნის დადება," - ამბობს "რეზონანსთან" საუბრისას არქიტექტორ-ურბანისტი ლადო ვარდოსანიძე და დასძენს, რომ ურბანული მენეჯმენტის თვალსაზრისით კონკრეტული შეფასება მხოლოდ ექსპერტთა დასკვნის შემდეგაა შესაძლებელი.

ვერეს ხეობა სტიქიის ზონიდან სოლიდარობის ცენტრად იქცა. ასობით მოხალისე, მეტწილად ახალგაზრდობა ბარებითა და ვედროებით, ტალახით ამოსვრილები, გმირთა მოედნის მიმდებარე ტერიტორიას შლამისგან მთელი დღის განმავლობაში დაუზარებლად ასუფთავებდა. ნაწილი კი მათ დაპურებაზე ზრუნავდა და სხვადასხვა კომპანიის მიერ შემოწირულ საკვებს უნაწილებდა. ერთი სიმპათიური გოგონა კი დადიოდა და მოხალისეებს მობილურების დატენვას სთავაზობდა.

წყნეთის ფერდობები, გლდანის სასაფლაო, ვერეს ხეობა, მუხათგვერდისკენ ასავლელი გზა - ამ ადგილებს სპეციალისტები მეწყერსაშიშ ზონებად ასახელებენ. მათი თქმით, ასეთ ადგილებზე მუდმივი დაკვირვებაა საჭიროა, რათა სტიქია მოულოდნელად არ დაგვატყდეს თავს.

საქართველოში დასაქმებულთა საშუალო ხელფასი შემცირდა. სტატისტიკის ეროვნული სამსახურის მონაცემებით, 2015 წლის პირველ კვარტალში წინა კვარტალთან შედარებით საშუალო ანაზღაურებამ 9,9%-ით დაიკლო, თუმცა წინა წლის ანალოგიურ პერიოდთან შედარებით 7,5%-ით მოიმატა. "საქსტატის" ინფორმაციით, წელს პირველ კვარტალში საშუალო თვიური ხელფასი 855,9 ლარი იყო, წინა კვარტალში კი 950,1 ლარი.

ქვეყნის ეკონომიკურ განვითარებაში შიდა ტურიზმის წვლილი დაბალია. მიზერულია ხარჯვის ნაწილიც, რაც ეკონომიკისთვის არსებით შედეგს არ იძლევა. სტატისტიკის ეროვნული სამსახურის მონაცემებიდან ჩანს, რომ ქვეყანაში შიდა ტურიზმის მიმართულება განვითარებას საჭიროებს და ამ მხრივ არსებული პოტენციალი ასათვისებელია.

მთავრობა საერთაშორისო ორგანიზაციებისგან დახმარებას ელოდება. ჯერჯერობით ზარალი ბოლომდე შეფასებული არ არის, თუმცა პრემიერ-მინისტრმა აღნიშნა, რომ, სავარაუდოდ, 100 მილიონ ლარზე მეტია. კონკრეტულად რა სახის დახმარებას გაუწევენ დონორები დედაქალაქს, უახლოეს დღეებში გახდება ცნობილი.